Ebikorwa 13:43 - Indagano Inyaaya mu-Chijita

⁴³ Omwanya gunu abhaanu abho ꞉bhaanyarambukire, Abhayawudi bhaafu, aamwi na abhaanu abhandi bhanu ꞉bhaagwateene na Abhayawudi bhanu bhaaramyaga Nyamuwanga, nibharuubha Pawuro na Bharinaabha. Abheene wone nibhasimura na abhaanu abho nibhabhakomeeresyaga ati, bhagenderere okwiyikanya obhwitiriranya bhwa Nyamuwanga.

INDAGANO INYA:YA

⁴³ Wejire aba:nu banyaragana, Abayaudi ba:fu na banu baindukire na be:ikanyibwa nibaru:ba Paulo na Barinaba. Abene niba:ika nabo nibabakome:sya bagume mu cigongo ca Nyamuanga.

Ebikorwa 13:43 Referans Kwoze

Ebikorwa 11:23

Bharinaabha ejire aakinga eyo, ˆnaarora kutyo Nyamuwanga ꞉aayaaye abhaanu abho obhwitiriranya bhwaye. ˆNaakondererwa muno, ˆnaabhakomeeresya ati bhagenderere okugayuka Raatabhugenyi Yeesu mu‑myoyo jeebhwe.

Ebikorwa 14:22

Bhuri rubhaara, bhaariga nibhasimbiisya abheeyigisibhwa na okubhakomeeresya ati bhagenderere okurumatana mu‑riikirisya ryebhwe. Nibhabhabhwira ati, ni bhusibhusi chiture mu‑nyaako nyafu korereki chiingire mu‑bhukama bhwa Nyamuwanga.

2 Yoana 1:9

Omuunu woonewoone unu atakugenderera okuruubha ameeyigisyo ga Kirisito, ka wone kaagayindura, oyo atari na obhumwi na Nyamuwanga. Nawe, unu kaagenderera okugaruubha, oyo ari na obhumwi na Raata Nyamuwanga na Omwana waaye wone.

Baeburania 13:9

Musigega okugegwagegwa na ameeyigisyo maafumaafu amagenyi, kwa okubha obhwitiriranya bhwa Nyamuwanga nibhwo obhurumatanya emyoyo jeemwe, noorwo bhitari ebhiraagiro inguru ya ebhiryo. Ebhiraagiro ebhyo bhitakusakira gwonegwone ku‑bhaanu bhanu abhabhiruubha.

Baeburania 12:15

Mwiyangarirega, korereki omuunu woonewoone aasiga okugerukirwa obhwitiriranya bhwa Nyamuwanga. Ka wone, aasiga okwibhuka omuunu agati yeemwe unu ari rwa riiti riruru. Omuunu rwa oyo kaja okubhanyaasya, na okujabhiyasya abhaanu bhaafu.

Bakolosai 1:28

Kirisito niwe echiraasya omwanya gunu echikengya na okwiyigisya abhaanu bhoone mu‑bhwengeeso bhwone. Echimuraasya, korereki chireete abhaanu bhoone imbere ya Nyamuwanga bharumateene echinyamwoyo okuruubhana na okubha na obhumwi na Kirisito.

Bakolosai 1:23

Nawe mwenderwe okugenderera okwikirisya Emisango ja Ekisi murumateene na okubha na amanaga. Mwasiga okwikirisya abhandi bhabhakongye okusiga obhwiyikanyo bhunu ꞉mwabhwene omwanya gunu ꞉mwoonguuwe Emisango ja Ekisi. Emisango ja Ekisi ejo, jiraasiibhwe ku‑bhaanu bhoone ku‑chaaro anu, anye Pawuro nibheeye omukosi waajo.

Bafilipi 4:1

Kurwa ejo, abhayiri bhaani, mwimereeguru murumateene mu‑kwiyikanya Raatabhugenyi Yeesu. Enibheenda na niri na obhwira bhwa okubhugana na emwe, abheendwa bhaani. Emwe neemwe rikonderwa ryani na orutengya rwani rwa obhuyigi runu niriyaanwa inguru ya emirimu jinu nikorere.

Bafilipi 3:16

Echiinu cha bhusibhusi woori ni ati echikenwa okuruubha jinu Nyamuwanga aacheeresiisye.

Baefeso 2:8

Okubha muchunguuywe kwa obhwitiriranya bhwaye, ku‑njira ya okwikirisya Yeesu. Obhuchungusi obhwo, bhutasookere kw‑imwe, tari ni chiyaanwa cha Nyamuwanga kw‑imwe.

Bagalatia 5:1

Kirisito achiyaaye obhwitaage, korereki chiikare mu‑bhwitaage obhwo. Kurwa ejo, mwimereeguru murumateene, mwasiga okwikirisya okusubha rindi mu‑bhugaya bhwa ebhiraagiro.

2 Bakorinto 6:1

Woori, kwa okubha echikora emirimu aamwi na Nyamuwanga, echibheerembeeresya ati, obhwitiriranya bhwa Nyamuwanga bhunu muramiiye, mwasiga okubhusiga bhubhure kutyo era.

2 Bakorinto 5:11

Woori, kwa okubha chimenyere okuyaana Raatabhugenyi echibharo, echiikomeesya okukongya abhaanu, korereki bhamwikirisye. Nyamuwanga kaamenya kisi kutyo chiri, anye eniiyikanya ati emwe omuchisombookerwa kisi mu‑mitima jeemwe.

Barumi 11:6

Bhaasorwa kwa obhwitiriranya bhwa Nyamuwanga, kurwa ejo bhatakuchungurwa ku‑songa ya ebhikorwa bhyebhwe. Araabha bhakachunguuywe ku‑songa ya ebhikorwa bhyebhwe, mbe obhwitiriranya obhwo bhutaakabheeye obhwitiriranya rindi.

Barumi 5:21

Mbe, echibhiibhi chaariga chiri na amanaga ga okutunga abhaanu na okubhareetera orufu. Kutyokutyo, obhwitiriranya bhwa Nyamuwanga wone obhutunga abhaanu, kwa okubhabhara ati ni bharengeresi. Obhwitiriranya obhwo, obhubhayaana obhuwanga bhwa akajaanende koone, okutura ku‑Raatabhugenyi weeswe Yeesu Kirisito.

Barumi 5:2

Ku‑njira ya okwikirisya Yeesu, Nyamuwanga achiyaaye obhwitiriranya bhwaye. Noorwo woori echigenderera okuramira obhwitiriranya obhwo. Echikonderwa muno, kwa okubha echiiyikanya ati chirisangira aamwi na Nyamuwanga mw‑ikusyo ryaye.

Barumi 3:24

Nawe ku‑bhwitiriranya bhwa Nyamuwanga, abhabharwa ati ni bharengeresi imbere yaaye, bhatasoosiisye echiinu choonechoone wuri. Bheeruuywe okusooka mu‑bhibhiibhi bhyebhwe okutura ku‑Kirisito Yeesu.

Ebikorwa 17:34

Abhaanu bharebhe nibheekirisya Yeesu, nibhabha orubhaara rwa Pawuro. Agati yeebhwe aariga ari‑wo Diyoniisiyo, owumwi wa riromero rikuru rya Arewopaago, na omugasi umwi, risiina ryaye ni Damaari, aamwi na abhaanu abhandi.

Ebikorwa 17:4

Jinu Pawuro ꞉aayikire, Abhayawudi abharebhe nibhajiikirisya, aamwi na Abhayunaani abhaafu bhanu bhaaramyaga Nyamuwanga. Nibheekirisya noorwo abhagasi abhaafu bha echibharo. Abho bhoone nibharuubhana na Pawuro na Siira.

Ebikorwa 16:14

Mu‑bhanu bhaachitegeresyaga, aariga ari‑mo omugasi umwi, asookere mu‑musi gwa Tiyaatira, risiina ryaye aatogwaga Riidiya. Riidiya oyo, aariga ari omugusi wa emyenda ja ekisi ja ijambarawu na aaramyaga Nyamuwanga. Pawuro ejire aabhabhwira Emisango ja Ekisi, Raatabhugenyi ˆneegura mutima gwa Riidiya, ˆnaategeresya kisi omusango gunu Pawuro aariga ˆnaaraasya.

Ebikorwa 14:3

Pawuro na Bharinaabha nibhagenderera okurama siku nyafu Yikoniya awo, nibhabhwira abhaanu kwa ribhaasi inguru ya Raatabhugenyi Yeesu. Raatabhugenyi Yeesu omwene wone, ꞉eeresiisye ati, omusango gwaye gwa obhwitiriranya ni gwa echimari, kwa okubhayaana obhuturo bhwa okukora ebhibharikisyo na ebhiruguusyo bhyafu.

2 Petero 3:14

Kurwa ejo abheendwa bhaani, omwanya gunu omurindirira orusuku rurya, mwikomeesye okubha abha omutima omweru muno mutari na esoro imbere ya Nyamuwanga, na mubhe na omurembe nage.

1 Petero 5:12

Naabhakaamira inyarubha ifuyi inu, kwa obhusakisi bhwa Sirwano. Anye enisombookerwa kisi ati, omwene ni omwiyikanyibhwa. Obhukarariiye bhwani ni kukomeesya emyoyo jeemwe na okubhabhwira ati, emisango jinu chimari ni bhwitiriranya bhwa Nyamuwanga. Woori, mwimereeguru murumateene mu‑bhwitiriranya obhwo.

Bagalatia 5:4

Araabha omwiyikanya okubha abharengeresi imbere ya Nyamuwanga mu‑kuruubha ebhiraagiro, mbe mumenye ati mwikindikire okusooka ku‑Kirisito, na muri kura na obhwitiriranya bhwa Nyamuwanga.

Ebikorwa 28:23

Mbe, nibhaayikana na Pawuro orusuku rwa okubhugana rindi. Orusuku orwo rwejire rwakinga, Abhayawudi ꞉bheekumanyiisye bhaafu muno mu‑nju yaaye. Pawuro ˆnaabhamenyesya bhwa kisikisi inguru ya obhukama bhwa Nyamuwanga, okwambira katondo okukingira keegoro. Aariga ˆnaaregeeja okubhakora bheekirisye emisango ja Yeesu, kwa okukorera Ebhikaame Ebhyeru, ebhiraagiro bhya Muusa na ebhitabho bhya abharagi abhandi.

Ebikorwa 17:17

Kurwa ejo eengiraga mu‑nju ya eriikofyanyo rya Abhayawudi, ˆnaayikanaga na Abhayawudi aamwi na abhandi bhanu bhaaramyaga Nyamuwanga, inguru ya Emisango ja Ekisi ja Yeesu. Wone aaraasyaga ku‑bhaanu bhoone bhanu aariga ˆnaasongʼana mw‑iguriro bhuri rusuku.

Ebikorwa 13:50

Nawe Abhayawudi nibhakungirisya abhagasi bha echibharo bhanu bhaaramyaga Nyamuwanga aamwi na abhatangasya bha omusi ogwo. Abho nibhaamba okunyaasya Pawuro na Bharinaabha na okubhabhirimya bhasooke mu‑chaaro cheebhwe.

Ebikorwa 6:5

Obhuramusi obhwo nibhukondera abheeyigisibhwa abho bhoone. Nibhasora Tefwano, omuunu unu eejuuywe Mwoyo Mweru na owa eriikirisya enene. Nibhasora na Firipo, Porokoro, Nikanoori, Timooni, Paarimeena, na Nikorawo wa Atiyookiya, unu kara awo ꞉aafurukiiye mu‑diini ya Echiyawudi.

Ebikorwa 2:10

Furiigiya, Pamufiriya na Miisiri. Bhari‑wo abhandi okusooka mbaara ja echaaro cha Riibhiya chinu chiri yeeyi na omusi gwa Kureene. Abhandi ni bhagenyi bhanu ꞉bhaasookere mu‑musi gwa Ruumi, Abhayawudi bha obhusimukwa na abhandi bhanu ꞉bheekirisiisye idiini ya Echiyawudi.

Matayo 23:15

“Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha omwiyinda mu‑chaaro choone na okwambuka inyanja, korereki mukongye omuunu unu atari Muyawudi abhe muruubhirisya weemwe. Nawe akamara okubheekirisisya, omumukora okubha omuunu unu eeyire mu‑muriro gwa akajaanende koone kwiya kabhiri okukira emwe abheene.

1 Yoana 2:28

Woori, abhaana bhaani mu‑riikirisya, mugenderere okubha na obhumwi na Kirisito, korereki omwanya gunu arisubha rindi, chisige okuubhaya na okwiswara, tari chibhe na ribhaasi.

Tiito 2:11

Okubha obhwitiriranya bhwa Nyamuwanga bhunu obhureeta obhuchungusi ku‑bhaanu bhoone bhwasweruuywe.

Ebikorwa 18:7

Neeya Pawuro, ˆnaasooka mu‑nju ya eriikofyanyo rya Abhayawudi, ˆnaagenda mu‑nju ya omuunu umwi risiina ryaye aatogwaga Tiito Yuusito, omuramya wa Nyamuwanga. Inju yaaye yaariga isiijeene na inju eyo ya eriikofyanyo.