Ebikorwa 13:39 - Indagano Inyaaya mu-Chijita

³⁹ Okutura ku‑mwene era, bhuri muunu unu kaamwikirisya, kaabharirwa ati ni murengeresi imbere ya Nyamuwanga, omusango gunu gutakuturikana kw‑imwe kwa okuruubha ebhiraagiro bhya Muusa.

INDAGANO INYA:YA

³⁹ Na kubwoyo, mu:nu wo:ne unu kamwikirisya kabarirwa oburengeresi mu byone binu atakaturire kubona burengeresi kurwe biragiro bya Musa.

Ebikorwa 13:39 Referans Kwoze

Bagalatia 2:16

Nawe eswe echimenya ati, omuunu atakutura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa, tari ni kwa okwikirisya Yeesu Kirisito omwene era. Nikwo kutyo eswe wone chiikirisiisye Kirisito Yeesu korereki chibharwe ati chiri abharengeresi imbere ya Nyamuwanga kwa okwikirisya Kirisito, kutari kwa okuruubha ebhiraagiro bhya Muusa. Chimari atari‑wo omuunu unu kaatura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa.

Barumi 10:4

Kirisito ꞉aakuumisiisye ebhiraagiro bhyone bhya Muusa, korereki abhaanu bhoone bhanu abhamwikirisya, bhabharwe okubha abharengeresi imbere ya Nyamuwanga.

Barumi 8:3

Ebhiraagiro bhya Muusa bhyariga bhitari na amanaga ga okuchiyaana obhwitaage, ku‑songa ya obhusimukwa bhweswe bhwa echibhiibhi. Nawe chinu ebhiraagiro ebhyo ꞉bhyataamiibhwe okukora, Nyamuwanga ꞉aachikorere. ꞉Aatumire Omwana waaye omwene, aaje kw‑iswe ku‑chaaro anu ari na omubhiri rwa eswe abha ebhibhiibhi, korereki eesoosye rwa echoogo inguru ya ebhibhiibhi bhyeswe. Kwa okukora kutyo, Nyamuwanga ꞉aayaaye Yeesu ebhitiibha inguru ya ebhibhiibhi bhya abhaanu,

Baeburania 7:19

꞉Aarisoosiisye‑wo, kwa okubha ebhiraagiro bhya Muusa bhyariga bhitari na obhuturo bhwa okukuumisya omusango gwonegwone. Nawe woori, Nyamuwanga achiyaaye obhwiyikanyo obhundi bhwa ekisi muno, bhunu obhuchikora chibhe ayeeyi nage.

Barumi 10:10

Omuunu akeekirisya Yeesu Kirisito kwa omwoyo gwaye, kaabharwa okubha omurengeresi imbere ya Nyamuwanga. Aakatogora eriikirisya ryaye kwa omunwa gwaye, kaachungurwa.

Barumi 8:1

Mbe woori, Nyamuwanga atariyaana ebhitiibha abhaanu bhanu bhari na obhumwi na Kirisito Yeesu.

Barumi 4:15

kwa okubha okunyamura ebhiraagiro, okureterera okuyaanwa ebhitiibha. Nawe araabha bhitari‑wo ebhiraagiro, niwo kutari‑wo okunyamura ebhiraagiro.

Barumi 3:19

Mbe, eswe chimenyere ati, omwanya gunu Ebhikaame Ebhyeru ebhisimura inguru ya echiinu choonechoone, ebhisimura inguru ya abhaanu bhanu ꞉bhaayaaywe Ebhikaame ebhyo. Ebhikaame ebhyo, ꞉bhyakaamirwe korereki abhaanu bhoone, Abhayawudi na abhaanu bhanu bhatari Bhayawudi bhasige okubha na isonga ya okwibhagira omwanya gunu Nyamuwanga ariramura echaaro. Jiribha abhwerubhweru ati abhaanu bhoone bheeyire okuramurwa na Nyamuwanga.

Barumi 5:20

Ebhiraagiro bhya Muusa ꞉bhyejire, nibhireterera ebhibhiibhi okwiyongesya. Noorwo kutyo, omwanya gunu ebhibhiibhi ꞉bhyeyongesiisye, obhwitiriranya bhwa Nyamuwanga wone nibhugenderera okwiyongesya muno.

Barumi 5:9

Woori, kwa okubha chibharirwe okubha abharengeresi imbere ya Nyamuwanga ku‑njira ya isagama ya Yeesu Kirisito, chimari chirichungurwa nage okusooka mu‑kuyaanwa ebhitiibha na Nyamuwanga.

Yowana 1:17

Okubha, Nyamuwanga ꞉aasoosiisye ebhiraagiro bhyaye okutura ku‑Muusa, na woori asoosiisye obhwitiriranya bhwaye na echimari chaaye okutura ku‑Yeesu Kirisito.

Baeburania 10:11

Okuruubhana na indagano ya kara, bhuri rusuku abhagabhisi abhakorera emirimu Nyamuwanga na okusoosya kwiya kaafu ebhyogo bhiryabhirya, bhinu bhitakutura wuri noorwo na akatyari okusoosya‑wo ebhibhiibhi.

Baeburania 10:4

kwa okubha orwamba rwa jindume na orwa jimbusi rutakutura okusoosya‑wo ebhibhiibhi bhya abhaanu.

Barumi 5:1

Mbe, Nyamuwanga achibharire okubha abharengeresi imbere yaaye, okuruubhana na eriikirisya ryeswe. Kurwa ejo, chiri na omurembe na Nyamuwanga okutura ku‑Raatabhugenyi weeswe Yeesu Kirisito.

Barumi 4:24

tari ꞉jaakaamirwe noorwo inguru ya eswe bhoone. Emisango ejo, ejichibhwira ati chikeekirisya Nyamuwanga unu ꞉aasuuruuye Yeesu Raatabhugenyi weeswe okusooka mu‑bhafuuwe, niwo eswe wone echibharwa okubha abharengeresi imbere ya Nyamuwanga.

Ebikorwa 10:43

Yeesu oyo, abharagi bhoone ꞉bhaayikire inguru yaaye ati, omuunu woonewoone unu arimwikirisya arifwirwa echigongo ebhibhiibhi bhyaye ku‑njira ya risiina ryaye.”

Bagalatia 5:3

Enibhabhwira abhwerubhweru rindi ati, omurume woonewoone unu keekirisya okutendwa, kaakenwa okuruubha ebhiraagiro bhyone bhya Muusa.

Bagalatia 3:8

Ebhikaame Ebhyeru ꞉bhyaragire ati Nyamuwanga akabharire abhaanu bhanu bhatari Bhayawudi okubha abharengeresi imbere yaaye kwa eriikirisya ryebhwe. Nyamuwanga ꞉aatangatire okuraasisya Bhurayimu emisango ja ekisi ejo ati, “Okutura kw‑awe, abhaanu bha amaanga goone bharibhona amabhando.”

Bagalatia 2:19

Okubha naariga ninduubha ebhiraagiro bhya Muusa, nawe ebhiraagiro ebhyo nibhyo ꞉bhyandamuuwe. Woori nitakubhigwata rindi, kwa okubha Nyamuwanga ansoosiisye mu‑bhugaya obhwo, korereki niikare rwa kutyo keenda omwene.

1 Bakorinto 6:11

Abhandi agati yeemwe bhaariga bhari kutyo. Nawe woori, kwa okutura ku‑Raatabhugenyi weeswe Yeesu Kirisito, na ku‑managa ga Mwoyo wa Nyamuwanga weeswe, mwosibhwa obhujabhi bhwemwe, mwesibhwa, na okubharwa ati muri bharengeresi imbere ya Nyamuwanga.

Barumi 9:31

Abhayisirayeeri bhaariga nibheekomeesya okuruubha ebhiraagiro bhya Muusa, korereki bhabharwe okubha abharengeresi imbere ya Nyamuwanga, nawe ꞉bhataabhikuumisiisye.

Yowana 5:24

“Ni chimari enibhabhwira ati, omuunu woonewoone unu kaategeresya emisango jaani na okwikirisya Nyamuwanga unu ꞉aantumire, oyo ari na obhuwanga bhwa akajaanende koone. Omuunu oyo atariramurwa, tari aambukire okusooka mu‑kufwa na okwingira mu‑bhuwanga bhwa kajaanende koone.

Ruuka 18:14

Ka wone, Yeesu ˆnaagenderera okwayika ati, “Enibhabhwira ati, omutobhesya wa rigooti oyo, omwanya gunu ꞉eekire okusubha iika ewaaye, aariga aabharirwe okubha omurengeresi imbere ya Nyamuwanga. Nawe, oweejaabho urya ꞉ataafwiriiywe echigongo. ꞉Ataafwiriiye echigongo, isonga iri ati, omuunu woonewoone unu keeriinyagisya inguru, Nyamuwanga arimworomosya emwaro. Nawe omuunu woonewoone unu keekeeya, Nyamuwanga arimuriinyagisya inguru.”

Ruuka 10:28

Yeesu ˆnaamubhwira ati, “Waasubhya kisi! Kora kutyo, owuja okubhona obhuwanga.”

Ruuka 10:25

Rusuku rumwi, omwiyigisya umwi wa ebhiraagiro bhya Muusa ˆneemereeguru, ˆnaabhuusya Yeesu omusango gwa okumuregeeja ati, “Omwiyigisya, nikore kutiki korereki nibhone obhuwanga bhwa akajaanende koone?”

Barumi 3:20

Emisango ejo jiri kutyo, kwa okubha atari‑wo omuunu woonewoone unu aribharwa okubha omurengeresi imbere ya Nyamuwanga kwa okuruubha ebhiraagiro bhya Muusa. Emirimu ja ebhiraagiro ebhyo, ni kumenyesya abhaanu bhoone inguru ya ebhibhiibhi bhyebhwe.