Ebikorwa 13:29 - Indagano Inyaaya mu-Chijita

²⁹ Bhejire bhaakuumisya joone jinu jikaamirwe inguru ya Yeesu, nibhamworomosya okusooka ku‑musarabha, nibhamutuura mu‑fwa.

INDAGANO INYA:YA

²⁹ Mbe wejire bamara okuku:misya byone binu byandikirwe ku Mwene, nibamuso:sya kwiti, nibamuta mu:fwa.

Ebikorwa 13:29 Referans Kwoze

Ruuka 23:53

Piraato ˆneekirisya. Jejefu ˆnaagenda, ˆneesya omutumbi ogwo okusooka ku‑musarabha, ˆnaagutuura mw‑isanda. ˆNaagumaamya mu‑fwa inu yaariga isimbirwe ku‑rutare, inu yaariga ichaari okubhiikwa‑mo omutumbi gwonegwone.

Yowana 19:30

Yeesu ejire aarabha isese eyo, ˆnaayika ati, “Naamara omurimu gwani!” Mbe, ˆneenamya omutwe gwaye, ˆnaafwa.

Yowana 19:28

Mbe, Yeesu ˆnaasombookerwa ati aariga aamarire okukora emirimu jaaye joone. Mbe, ˆnaayika ati, “Obhwiro bhwanyita.” Kurwa ejo, nijikuumira jinu jikaamirwe mu‑Bhikaame Ebhyeru.

1 Bakorinto 15:4

Ka wone ˆnaasiikwa, ˆnaasuuruka ku‑rusuku rwa kasatu, rwa kutyo jikaamirwe mu‑Bhikaame Ebhyeru.

Ebikorwa 5:30

Emwe ꞉mweetire Yeesu kwa okumubhamba ku‑musarabha, nawe Nyamuwanga wa bhasaaja weeswe ˆnaamusuurura.

Ruuka 24:44

Ejire aamara okurya, ˆnaabhabhwira ati, “Emisango jinu nijo ꞉naabhabhwiriiye omwanya gunu naariga niri aamwi na emwe. ꞉Naabhabhwiriiye ati, ni bhusibhusi jikuumire joone jinu jikaamirwe inguru yaani mu‑bhiraagiro bhya Muusa, ku‑bharagi na mu‑Jabhuri.”

Ebikorwa 13:27

Okubha abhaanu bha Yerusareemu na abhakuru bheebhwe ꞉bhataamenyere ati Yeesu niwe Omuchungusi, nibhamuramura eetwe. Kwa okukora kutyo, ꞉bhaakuumisiisye emisango jinu jikaamirwe inguru yaaye mu‑bhitabho bhya abharagi, na nijo jaasomwaga bhuri rusuku rwa Isabhaato.

Ebikorwa 4:28

Jinu ꞉bhaakorere, nijo jinu awe ꞉waaramuuye okwambira ku‑bhwambiro jikorekane, noorwo ejo wone ꞉jaakorekeene kwa obhwira bhwawo.

Ebikorwa 2:23

Ejire eeya Yeesu oyo, ˆnaatuurwa mu‑mabhoko geemwe, rwa kutyo Nyamuwanga ꞉aaramuuye okuruubhana na obhukarariiye bhwaye, okusookerera kara. Emwe nimumwita ku‑musarabha, okutura ku‑bhanyamanga.

Mariko 15:42

Yejire yaakinga keegoro, kwa okubha orusuku orwo rwariga ruri rusuku rwa okwiraabha inguru ya Isabhaato, nikwo okwayika ati rusigaaye orusuku rumwi okuyikingira,

Ruuka 23:50

Aariga ari‑wo omuunu umwi ˆnaatogwa Jejefu. Jejefu oyo aariga asookere mu‑ruguuyo rwa Arimataaya okusooka mu‑mukoowa gwa Yuudeya. Aariga ari muunu murengeresi imbere ya Nyamuwanga, na aariga ˆnaarindirira obhukama bhwa Nyamuwanga bhuuje. Noorwo kutyo aariga ari wumwi wa abhaanu bhwa mw‑iramuriro rya Abhayawudi, ꞉ateekirisyanyiisye na abheejaabho ku‑musango ogwo gwa okwita Yeesu.

Ebikorwa 26:22

Nawe, Nyamuwanga ꞉aansakiiye okukingira orusuku rwa reero. Akorere niniimereeguru anu imbere ya abhaanu bhoone, abhakuru na abharera, korereki okusoosya obhubhambaasi. Emisango jinu enaayika, nijo jirya era Muusa na abharagi abhandi ꞉bhaayikire ati jirikorekana.