Ebikorwa 12:3 - Indagano Inyaaya mu-Chijita

³ Ejire aarora ati echikorwa echo chaakondera Abhayawudi, ˆnaaragirira Peetero wone agwatwe. Jinu joone ꞉jaakorekeene ku‑mwanya gwa ichikukuru ya emikaate jinu jitakutuurwa‑mo echifwimbya.

INDAGANO INYA:YA

³ Mbe, ejire arora ati byakondera Abayaudi, nongesya okugwata na Petero one. Jisiku ijo jariga je mikate jitarimo cifwimbya.

Ebikorwa 12:3 Referans Kwoze

Ebikorwa 24:27

Jejire jaatura emiguuga ebhiri, omuunu umwi unu aatogwaga Porokiiyo Feesito, ˆneengira ku‑chitebhe cha omusiibha Feeriki. Nawe kwa okubha Feeriki aariga ˆneenda okwikondya ku‑Bhayawudi, ˆnaasiga Pawuro ari mw‑ibhoyero.

Yowana 12:43

Abhatangasya abho ꞉bheendere muno okuyaanwa echibharo na abhaanu, okukira okuyaanwa echibharo na Nyamuwanga.

Ebikorwa 25:9

Feesito aariga ˆneenda okwikondya ku‑Bhayawudi, kurwa ejo ˆnaabhuusya Pawuro ati, “Angu owikirisya okuriinya Yerusareemu korereki uramurwe eyo imbere yaani inguru ya echiina chinu?”

Bagalatia 1:10

Woori, omwitogera ati, eniyenjeresya okwikirisibhwa na abhaanu? Wuri, anye eniyenjeresya okwikirisibhwa na Nyamuwanga era. Amwi omwitogera ati eniyenjeresya okukondisya abhaanu? Araabha naakabheeye niyenjeresya okukondisya abhaanu, nitaakabheeye omukosi wa Kirisito.

Ebikorwa 20:6

Omwanya gunu ichikukuru ya emikaate jinu jitakutuurwa‑mo echifwimbya ꞉yaayitingʼeene, nichisooka mu‑musi gwa Firiipi na ingarabha. Nichiribhata siku etaanu okukingira nichikinga mu‑musi gwa Turoowa, awo niwo ꞉chaabhugeene na abheejaasu abho. ꞉Chaabheeye awo siku etaanu na ebhiri.

1 Batesalonika 2:4

Nawe echiraasya kwa okubha Nyamuwanga ꞉aachiikirisisiisye, ˆnaachiyaana emirimu ja okuraasya Emisango ja Ekisi. Jitari ati, echikena okukondisya abhaanu, tari echikena okukondisya Nyamuwanga unu kaamenya kutyo emyoyo jeeswe jiri.

Yowana 21:18

Ni chimari enikubhwira ati, omwanya gunu waariga uchaari mumura, waariga unarire okufwara emyenda jaawo omwene, na okuja woonewoone anu weendaga. Nawe aribha waakokora, urigorora mabhoko gaawo na omuunu owundi arikubhoya na okukusira anu utaryenda okuja.”

Yowana 19:11

Yeesu ˆnaamusubhya ati, “Utaakabheeye na obhuturo bhwonebhwone inguru yaani araabha ukabheeye utayaaywe na Nyamuwanga. Kurwa ejo, omuunu unu antuura mu‑mabhoko gaawo ari na echibhiibhi chinene muno okukira echaawo.”

Matayo 26:17

Ku‑rusuku rwa okwamba rwa ichikukuru ya emikaate jinu jitakutuurwa‑mo echifwimbya, abheeyigisibhwa bha Yeesu nibhamuuja‑ko, nibhamubhuusya ati, “Oweenda chije aaki chikwiraabhire ebhiryo bhya Okwambuka?”

Ebikorwa 4:13

Abhakuru abho bhejire bhaarora Peetero na Yowana kutyo abharoma kwa ribhaasi, enu bhabhamenyere ati ni bhaanu bhanu bhatasomere na bhatari na obhwengeeso, nibharuguura muno. Nibheeya nibhasombookerwa ati Peetero na Yowana bhaariga bhari aamwi na Yeesu.

Ebikorwa 2:14

Niwo Peetero ˆneemereeguru, aamwi na jitumwa jeejaabho jirya ekumi na umwi, ˆnaamura obhuraka ˆnaabhwira abhaanu abho ati, “Emwe Abhayawudi bheejaasu, na emwe abhandi bhanu mwikaaye Yerusareemu anu, muntegeresye kisi, korereki nibheeresye emisango jinu!

Ebikorwa 12:4

Bhejire bhaamara okugwata Peetero, Yeroode ˆnaaragirira ati Peetero atuurwe mw‑ibhoyero. ˆNaamutuura mu‑mabhoko ga abhasirikare ebhise bhina, bhuri chise bhasirikare abhanabhana, korereki bhamwangarire kisi. ꞉Aakarariiye okumuramura imbere ya abhaanu ichikukuru ya Okwambuka yaaturire.