Ebikorwa 11:3 - Indagano Inyaaya mu-Chijita

³ nibhaayikaga ati, “Awe ꞉weengiiye mu‑nju ya bhanyatatendwa na okurya ebhiryo aamwi nabho!”

INDAGANO INYA:YA

³ Niba:ika ati, Awe wamengira mu ba:nu banu batatendere nurya aamwi nabo.

Ebikorwa 11:3 Referans Kwoze

Ebikorwa 10:28

Peetero ˆnaabhabhwira ati, “Emwe mumenyere kisi ati eswe Abhayawudi, ebhiraagiro bhyeswe ebhichigaanya okusaasikana na abhaanu bha amaanga. Noorwo okubharibhatira wone, chigaanyiibhwe. Nawe Nyamuwanga aanyeresya ati, nisige okwiganirisya omuunu woonewoone okubha omujabhi.

Bagalatia 2:12

Peetero aaryaga ebhiryo aamwi na abheekirisya bhanu bhatari Bhayawudi ataabha na echiitimaato choonechoone. Nawe bhejire bhaaja abhaanu abharebhe okusooka ku‑Yakobho, Peetero ˆneeyawura okusooka ku‑bheekirisya bhanu bhatari Bhayawudi abho, ˆnaasiga okurya ebhiryo aamwi nabho. ꞉Aakorere kutyo, kwa okubha aariga ˆnoobhaya abhaanu bhanu bhaariga nibhakomeeresya ati abheekirisya bhoone ni bhusibhusi bhabhega nibhatendwa okwamba.

Ruuka 15:2

Omusango ogwo nigukora Abhafarisaayo na abheeyigisya bha ebhiraagiro bhya Muusa bhajujuume ati, “Mbawo omuunu unu, kaakuma abhaanu abha ebhibhiibhi! Ka wone kaarya aamwi nabho!”

2 Yoana 1:10

Mbe, omuunu woonewoone akaaja kw‑imwe unu atakwiyigisya echimari inguru ya Kirisito, mwasiga okumukuma mu‑misi jeemwe, ka wone mwasiga okumukeesya rwa omwikirisya oweejaanyu.

1 Bakorinto 5:11

Tari, chinu ꞉neendere okwayika ni ati, mwasiga okusangira aamwi na omuunu unu keetoga omwikirisya, keenu ari muromesi, wa omuruuru, noorwo unu kaaramya amasusano, amwi omusokanya, amwi omukorwa, amwi omusaakusi. Omuunu rwa oyo, mwasiga noorwo okurya aamwi nage.

Ebikorwa 10:48

Niwo Peetero ˆnaaragirira ati, Koroneeriyo na abheejaabho bhabhatiijiibhwe na risiina rya Yeesu Kirisito. Ejo jejire jaawa, nibhasabhwa Peetero abhe nabho kwa siku nooto.

Ebikorwa 10:23

Ejire eeya Peetero ˆnaabhakuma mu‑nju, bhabhe abhagenyi bhaaye. Mwejo yende‑ko, Peetero na abhaanu bhasatu bharya nibhaamba orugendo rwebhwe, aamwi na abheekirisya abharebhe okusooka Yoopa.

Matayo 9:11

Abhafarisaayo bhejire bhaarora ejo, nibhabhwira abheeyigisibhwa bha Yeesu ati, “Mbawo, omwiyigisya weemwe kaarya aamwi na abhatobhesya bha rigooti na abhakosi bha ebhibhiibhi!”

Yowana 18:28

Mbe bhwejire bhwacha, abhatangasya bha Abhayawudi nibhagega Yeesu okusooka ku‑Kayaafa. Nibhagenda nage mw‑iyumba rya omutungi wa Echiruumi. Nawe abheene ꞉bhateengiiye‑mo, korereki bhaasiga okwijabhiyasya nibhataamibhwa okurya ebhiryo bhya ichikukuru ya Okwambuka.

Ebikorwa 10:32

Kurwa ejo, woori bhwira abhaanu bhagende mu‑musi gwa Yoopa, bhabhirikire Simooni unu kaatogwa Peetero. Eekaaye iika ewa Simooni, omubhambi wa jinjayi. Inju yaaye iri ku‑mbarimbari ya inyanja.’