Ebikorwa 11:13 - Indagano Inyaaya mu-Chijita

¹³ Omwene ˆnaachitondera kutyo maraayika ꞉aamusoromokeeye iika ewaaye, ˆnaamubhwira ati, ‘Nuubhwire abhaanu bhagende Yoopa, bhabhirikire Simooni unu kaatogwa Peetero.

INDAGANO INYA:YA

¹³ Omwene nacitondera rwa kutyo arorere maraika mu nyumba, emereguyu namubwira ati, Tuma aba:nu Yopa, baji:re Simoni, unu katogwa Petero.

Ebikorwa 11:13 Referans Kwoze

Ebikorwa 12:11

Niwo Peetero ˆnaasombookerwa jinu jaamubhona, ˆnaayika ati, “Woori naamenya chimari ati, Raatabhugenyi aatuma maraayika waaye, ˆnaamonʼya okusooka mu‑mabhoko ga Yeroode na okusooka mu‑mabhiibhi goone, ganu Abhayawudi bhakarariiye okunkorera!”

Ebikorwa 10:22

Nibhamubhwira ati, “Chaatumwa na omwangarisi umwi wa abhasirikare, risiina ryaye ni Koroneeriyo. Omwene ni muunu wa obhurengeresi na kaagayuka Nyamuwanga, ka wone kaakuuyibhwa na Abhayawudi bhoone ati ni muunu wa ekisi. ꞉Aabhwiriiywe na maraayika omweru ati, akukume iika ewaaye, korereki ategeresye emisango jinu owuja okumubhwira.”

Ebikorwa 9:43

Peetero ˆneekara Yoopa awo siku nyafu, ari ewa omubhambi wa jinjayi, risiina ryaye aatogwaga Simooni.

Baeburania 1:14

Mbe woori, bhamaraayika ni chiinu ki? Ni myoyo jinu ejikorera emirimu Nyamuwanga, omwene kaajituma jigende okukorera emirimu abhaanu bhanu bharichungurwa.

Ebikorwa 9:36

Mu‑musi gwa Yoopa aariga ari‑mo omugasi umwi, omwiyigisibhwa wa Raatabhugenyi Yeesu, risiina ryaye aatogwaga Tabhiija, mu‑nyaayika ya Echiyunaani, risiina rinu ni Dorikaasi. Tabhiija aariga ˆnaasakira abhanare, na okukora ebhikorwa ebhindi bhya ekisi.

Ebikorwa 9:38

Omusi gwebhwe gwa Yoopa gwariga guri yeeyi na Ruuda. Kurwa ejo, bhunu abheeyigisibhwa ꞉bhoonguuwe ati Peetero ari Ruuda nibhatuma abhaanu abhabhiri ku‑Peetero. Eyo nibhabhwira Peetero ati, “Echikwirembeeresya, nuuwuuje kw‑iswe enu woori anu kutya!”

Ebikorwa 9:42

Emisango ja echikorwa echo nijiswirana muno mu‑musi gwone gwa Yoopa, abhaanu bhaafu nibheekirisya Raatabhugenyi Yeesu.

Ebikorwa 11:12

Mwoyo Mweru ˆnaambwira ati nigende aamwi nabho, nisige okwitimaata. Kurwa ejo ningenda nabho aamwi na abheekirisya abheejaasu bhanu, bhataanu na umwi. Nichiingira iika ewa Koroneeriyo.

Ebikorwa 11:14

Oyo niwe kaja okukubhwira emisango na okutura ku‑misango ejo, awe na abhaanu bhoone bha iika ewaawo murichungurwa.’