Ebikorwa 10:33 - Indagano Inyaaya mu-Chijita

³³ Niyo isonga, awoawo ꞉naatumire abhaanu bhaaje bhakubhirikire na waakora ja ekisi okuuja. Woori eswe bhoone chiri anu imbere ya Nyamuwanga, korereki chuungwe bhuri omusango gunu Raatabhugenyi akuragiriiye okuchibhwira.”

INDAGANO INYA:YA

³³ Aonao ninkutumira aba:nu, na:we wakondya oku:ja. Mbe wori, cirio anu bo:ne imbere ya Nyamuanga, korereki cungwe byone binu Nyamuanga akuragiriye.

Ebikorwa 10:33 Referans Kwoze

Yakobo 1:19

Abhayiri bhaani abheendwa, muntegeresye kisi. Bhuri muunu abhe omwangu wa okuungwa, nawe asige okubha omwangu wa okwayika noorwo okubhiyirwa,

Bagalatia 4:14

Noorwo kutyo ꞉mwaregeejerwe okungaya na okundema ku‑songa ya obhurwaye bhwani, ꞉mutaakorere kutyo. Nawe omusango gunu ꞉mwakorere ni kunnyikirisya rwa kutyo mukeekirisiisye maraayika wa Nyamuwanga, amwi okwikirisya Kirisito Yeesu omwene.

Yakobo 1:21

Kurwa ejo, musige ebhibhiibhi na ebhikorwa ebhibhiibhi bhyone. Mwikirisye kwa obhworooro omusango gunu Nyamuwanga ꞉aayambire mu‑myoyo jeemwe, kwa okubha ogwo, nigwo ogutura okubhachungura.

1 Bakorinto 3:18

Omuunu woonewoone agati yeemwe aasiga okwijiga ati ari na obhwengeeso. Araabha omuunu aakeerora ati ari na obhwengeeso ku‑chaaro chinu, abhe ˆneekora ati ni mumuumu korereki abhone obhwengeeso bhwa echimari.

Ebikorwa 28:28

ˆNaagenderera okwayika ati, “Mbe mumenye woori ati obhuchungusi bhunu bhusookere ku‑Nyamuwanga, obhusirwa ku‑bhaanu bhanu bhatari Bhayawudi. Abheene abhaja okugenderera okubhuramira!” [

Mariko 10:15

Ni chimari enibhabhwira ati, woonewoone unu atakwikirisya obhukama bhwa Nyamuwanga rwa omwana omurera, ataringira mu‑bhukama obhwo noorwo na akatyari.”

Matayo 18:4

Kurwa ejo, omuunu woonewoone unu keekeeya na okubha rwa omwana omurera unu, niwe omukuru mu‑bhukama bhwa mu‑rwire.

1 Batesalonika 2:13

Kurwa ejo, eswe chitakuyigwa okusiima Nyamuwanga, kwa okubha mwejire mwoongwa emisango jaaye okusooka kw‑iswe, ꞉mutaajiikirisiisye wuti ni misango ja abhaanu. Nawe, ꞉mwajiikirisiisye mumenyere ati ejisooka ku‑Nyamuwanga. Chimari, nikwo kutyo jiri. Emisango ejo, nijo ejikora emirimu mu‑myoyo jeemwe, emwe abheekirisya.

Matayo 19:30

Nawe abhaanu bhaafu bhanu bhatangatire woori, bharisingirira. Ka wone, abhaanu bhaafu bhanu bhasingiriiye woori, bharitangata.”

Ebikorwa 10:32

Kurwa ejo, woori bhwira abhaanu bhagende mu‑musi gwa Yoopa, bhabhirikire Simooni unu kaatogwa Peetero. Eekaaye iika ewa Simooni, omubhambi wa jinjayi. Inju yaaye iri ku‑mbarimbari ya inyanja.’

Ebikorwa 10:34

Niwo Peetero ˆnaamba okwayika ati, “Woori niwo naamenya ati ni chimari, Nyamuwanga atari na isoroore mu‑bhaanu!