Ebikorwa 10:3 - Indagano Inyaaya mu-Chijita

³ Rusuku rumwi wuti saa etaanu na ena mu‑mwisi, Koroneeriyo ˆnaarora ebhiroro. Mu‑bhiroro ebhyo, ꞉aarorere abhwerubhweru maraayika wa Nyamuwanga ˆnaamusoromokera. Maraayika oyo ˆnaamubhirikira ati, “Koroneeriyo!”

INDAGANO INYA:YA

³ Omwene mu saa eta:nu ne:na ja mu mwisi, narora abweru mu ciroro, narora maraika wa Nyamuanga namu:jako, namubwira ati, Korinelio.

Ebikorwa 10:3 Referans Kwoze

Ebikorwa 3:1

Rusuku rumwi, Peetero na Yowana bhaariga nibhagenda mw‑Iyekaru saa etaanu na ena mu‑mwisi. Ogwo nigwo gwariga guri mwanya gwa okusabhwa Nyamuwanga.

Ebikorwa 5:19

Nawe mu‑ngeta irya maraayika umwi wa Raatabhugenyi ˆnaaja, ˆneegura jinjigi ja ribhoyero eryo, ˆnaabhawurusya anja. ˆNaamara ˆnaabhabhwira ati,

Baeburania 1:14

Mbe woori, bhamaraayika ni chiinu ki? Ni myoyo jinu ejikorera emirimu Nyamuwanga, omwene kaajituma jigende okukorera emirimu abhaanu bhanu bharichungurwa.

Baeburania 1:4

Nyamuwanga ꞉aakorere Omwana waaye abhe omukuru okukira bhamaraayika rwa kutyo ꞉aamuyaaye risiina rikuru okukira rya bhamaraayika.

Ebikorwa 27:23

Okubha anye niri muunu wa Nyamuwanga ka niwe eniramya. Reero mu‑ngeta maraayika waaye aansoromokera, ˆneemereeguru ayeeyi na anye,

Ebikorwa 11:13

Omwene ˆnaachitondera kutyo maraayika ꞉aamusoromokeeye iika ewaaye, ˆnaamubhwira ati, ‘Nuubhwire abhaanu bhagende Yoopa, bhabhirikire Simooni unu kaatogwa Peetero.

Ebikorwa 10:30

Koroneeriyo ˆnaamubhwira ati, “Jisiku esatu jinu jiyitingʼeene, omwanya gwa saa etaanu na ena mu‑mwisi, naariga niri mu‑nju ninsabhwaga Nyamuwanga. Awo nindora omuunu eemereeguuyu imbere yaani afwaye emyenda jinu ejingʼarabhya.

Ebikorwa 10:19

Peetero achaagenderera okwiganirisya inguru ya ejo, Mwoyo Mweru ˆnaamubhwira ati, “Tegeresya! Bhari‑wo abhaanu bhasatu anu, abhakuronda.

Ebikorwa 10:17

Omwanya gunu Peetero aariga acheebhuusya inguru ya obhugajuro bhwa ebhiroro ebhyo, abhaanu abhasatu bhanu ꞉bhaatumirwe na Koroneeriyo bhunu ꞉bhaamenyere inju ya Simooni, nibheemereeguru ku‑muryango.

Ebikorwa 9:10

Damaasiko eyo, aariga ari‑wo omwiyigisibhwa umwi wa Yeesu, risiina ryaye aatogwaga Ananiiya. Yeesu ˆnaabhirikira Ananiiya mu‑bhiroro. ˆNaamubhirikira ati, “Ananiiya!” Ananiiya ˆnaasubhya ati, “Anye niri anu, Raatabhugenyi.”

Ebikorwa 9:4

ˆNaagwa aasi, ˆnoongwa obhuraka nibhumubhuusya ati, “Saawuri awe! Saawuri awe! Ni kurwa ki owunnyaasya?”

Ruuka 2:13

Awoawo, echise echinene muno cha bhamaraayika abheejaabho okusooka mu‑rwire nibhabha aamwi nage. Niwo bhoone, nibhakuuya Nyamuwanga ati,

Ruuka 1:11

Awoawo, Jaakariya ˆnaasoromokerwa na maraayika wa Raatabhugenyi. Maraayika oyo, aariga eemereeguuyu orubhaara rwa ebhuryo rwa echigabhiro cha okwotera‑ko obhubhaani.

Matayo 27:46

Ku‑mwanya gwa saa etaanu na ena, Yeesu ˆnaamura obhuraka ˆnaarira ati, “Eroyi! Eroyi! Raama sabhakitaani?” Obhugajuro bhwa emisango ejo ni ati, “Nyamuwanga waani! Nyamuwanga waani! Kurwa ki waansiga?”

Ebikorwa 10:9

Mwejo yende‑ko wuti saa etaanu na imwi mu‑mwisi, omwanya gunu abhaanu bha Koroneeriyo abho bhaariga nibharebherera omusi gwa Yoopa, Peetero ˆnaariinya ku‑rusara rwa inju okusabhwa Nyamuwanga.