Ebikorwa 1:5 - Indagano Inyaaya mu-Chijita

⁵ Okubha, Yowana ꞉aabhatiijiisye abhaanu mu‑manji, nawe jisiku jitari nyafu emwe omuja okubhatiijibhwa kwa Mwoyo Mweru.”

INDAGANO INYA:YA

⁵ Okuba Yoana abatijaga na manji, nawe emwe muribatijibwa no Mwoyo Mweru mu siku jitari nyafu.

Ebikorwa 1:5 Referans Kwoze

Matayo 3:11

“Anye enibhabhatiija mu‑manji okweresya ati, muyindukiiye Nyamuwanga. Nawe kaja okuuja omuunu owundi owa obhuturo okunkira. Anye niteeyire noorwo okusuruumura jingoye ja ebhiraato bhyaye. Omwene aribhabhatiija kwa Mwoyo Mweru na kwa omuriro okwesya emitima jeemwe rwa kutyo omuriro ogwesya ebhyuma.

Ruuka 3:16

Nawe Yowana ˆnaabhasubhya ati, “Chimari anye enibhabhatiija mu‑manji era. Nawe ariija omuunu owundi owa obhuturo okunkira. Anye niteeyire noorwo okusuruumura jingoye ja ebhiraato bhyaye. Omwene aribhabhatiija kwa Mwoyo Mweru na kwa omuriro okwesya emitima jeemwe rwa kutyo omuriro ogwesya ebhyuma.

1 Bakorinto 12:13

Enaayika kutyo, kwa okubha eswe bhoone, chibhe Abhayawudi amwi abhaanu bhanu bhatari Bhayawudi, chibhe abhagaya amwi abheetaage, ꞉chaabhatiijiibhwe mu‑Mwoyo umwi na okuyaanwa Mwoyo umwi oyo, korereki chibhe omubhiri gumwi.

Tiito 3:5

꞉Ataachichunguuye kwa okubha ebhikorwa bhyeswe ni bhya obhurengeresi, tari ku‑chigongo chaaye era. ꞉Aachoosiisye obhujabhi bhweswe, ˆnaachiibhura bhuyaaya na Mwoyo Mweru ˆnaachikora okubha abhayaaya.

Mariko 1:8

Anye enibhabhatiija mu‑manji, nawe omwene aribhabhatiija kwa Mwoyo Mweru.”

Ebikorwa 19:4

Niwo Pawuro ˆnaabhabhwira ati, “Yowana aariga ˆnaabhatiija abhaanu bhanu bhaariga nibhata ebhibhiibhi bhyebhwe. Omwene ꞉aabheeyigisiisye ati, ari‑wo omuunu ariija inyuma yaaye, niwe Yeesu. Bhamwikirisye oyo.”

Ebikorwa 10:45

Abhayawudi bhanu ꞉bheekirisiisye Kirisito bhanu ꞉bheejire na Peetero, ꞉bhaatangʼangʼaaye muno okurora ati, Nyamuwanga ꞉aayaaye noorwo abhaanu bhanu bhatari Bhayawudi echiyaanwa cha Mwoyo Mweru.

Yowana 1:31

Noorwo anye ꞉nitaamumenyere ati niga, nawe niijire okubhatiija abhaanu mu‑manji korereki aswerurirwe ku‑Bhayisirayeeri.”

Matayo 3:6

Abhaanu abho, bhaariga nibhegamba ebhibhiibhi bhyebhwe na omwene ˆnaabhabhatiija mu‑musima gwa Yorodaani.

Yowana 1:26

Yowana ˆnaabhasubhya ati, “Anye enibhatiija mu‑manji, nawe agati yeemwe anu, ari‑wo omuunu unu emwe mutakumumenya.

Yowana 1:33

Nawe ꞉nitaamumenyere ati niga, tari Nyamuwanga unu ꞉aantumire okubhatiija abhaanu mu‑manji aariga aambwiriiye ati, ‘Omuunu unu owuja okurora Mwoyo waani ˆneekaga na okugwa inguru yaaye, oyo niwe unu aribhatiija abhaanu kwa Mwoyo Mweru.’”