Ebikorwa 1:14 - Indagano Inyaaya mu-Chijita

¹⁴ Abho bhoone bhaariga nibheekomeesya okwikofyanya aamwi okusabhwa Nyamuwanga. Aamwi na abho, bhaariga bhari‑wo abhagasi abhandi na Maryamu nyiramwene Yeesu na abhamura bhaabho Yeesu.

INDAGANO INYA:YA

¹⁴ Abo bo:ne bariga be:kome:sisye na mwoyo gumwi mu kusabwa, aamwi na bagasi na Maryamu nyiramwene Yesu na bamura babo Yesu.

Ebikorwa 1:14 Referans Kwoze

Baefeso 6:18

Musabhwe Nyamuwanga omwanya gwone nimutangasibhwaga na Mwoyo Mweru. Mumusabhwe na okumwirembeeresya bhunyatayigwa ku‑bhuri musango. Ka wone, mugenderere okusabhirwa abheeru bha Nyamuwanga bhoone.

Ebikorwa 6:4

korereki eswe chibhone omwanya gwa okusabhwa Nyamuwanga na okwiyigisya abhaanu omusango gwaye.”

Bakolosai 4:2

Musabhwega bhuri rusuku, mutengeejega mw‑isabhwa na okusiima Nyamuwanga.

Ebikorwa 2:42

Abheekirisya bhoone nibheekomeesya okwiyigira ameeyigisyo ga jitumwa ja Yeesu, okusangira aamwi, okurya ebhiryo aamwi na okusabhwa Nyamuwanga aamwi.

Barumi 12:12

Mukondererwega nimurindirira okubhona jinu Nyamuwanga ꞉aabharagire. Mwigumiirisyega mu‑myanya ja jinyaako, na mugendererega okusabhwa Nyamuwanga.

Ruuka 18:1

Mbe, Yeesu ˆnaabhwira abheeyigisibhwa bhaaye echijekekanyo, korereki okubheeresya ati, bheenderwe bhagenderere okusabhwa Nyamuwanga okufwa omutima wuri.

Matayo 21:22

Araabha muri na eriikirisya, choonechoone chinu omusabhwa ku‑Nyamuwanga, muriramira.”

Ebikorwa 2:1

Orusuku rwa Pendekoosite rwejire rwakinga, abhaanu bhoone bhanu ꞉bheekirisiisye Yeesu bhaariga bheekofyanyiisye mu‑nju imwi.

Ruuka 11:13

Woori, emwe bhanu muri abhajabhi, mumenyere okuyaana abhaana bheemwe ebhiinu bhya ekisi. Mbe, Esomwana unu ari mu‑rwire kaja okukira muno mu‑kukora ja ekisi, na kaja okuyaana Mwoyo Mweru bhanu abhamusabhwa.”

Ebikorwa 2:46

Bhuri rusuku, bhaabhuganaga aamwi mu‑rubhuga rwa Riyekaru. Nawe ku‑mwanya gwa okubhega omukaate, bhaabhuganaga mu‑nju jeebhwe na okurya aamwi kw‑ikonderwa na omutima mweru,

Ruuka 24:53

Mbe, nibhabha mw‑Iyekaru rya Nyamuwanga nibhamukusyaga bhuri rusuku.

Matayo 12:46

Omwanya gunu Yeesu aariga achaayika na echise cha abhaanu abho, abhamura bhaabho Yeesu nibhaaja aamwi na nyiramwene, nibheemereeguru anja, nibhakenaga okusimura nage.

Ruuka 24:10

Abhagasi bhanu ꞉bhaabhwiriiye jitumwa ja Yeesu emisango ejo, ni Maryamu okusooka mu‑musi gwa Magidara, Yoana na Maryamu nyiramwene Yakobho, aamwi na abhagasi bhanu bhaariga bhari aamwi nabho.

Ruuka 23:55

Mbe, abhagasi bhanu ꞉bheejire aamwi na Yeesu okusooka Gariraaya, nibharuubha Jejefu okuja ku‑fwa, nibharora kutyo omubhiri gwa Yeesu ꞉gwamaamiibhwe mu‑fwa omwo.

Ruuka 23:49

Nawe abhaanu bhoone bhanu bhaariga bhamenyeene na Yeesu ꞉bheemereeguuyu kura, nibharingiraga joone jinu jaariga nijikorekana. Mu‑bheene omwo bhaariga bhari‑mo abhagasi bhanu bhaamuruubhaga okusooka mu‑mukoowa gwa Gariraaya.

Mariko 16:1

Isabhaato yejire yaatura, Maryamu okusooka mu‑musi gwa Magidara, Saroome na Maryamu nyiramwene Yakobho omutooto, nibhagura amafuta ganu agarangirira kisi, bhagende bhabhambage omubhiri gwa Yeesu.

Mariko 15:40

Bhaariga bhari‑wo abhagasi bhanu bhaariga nibharingira bhari kura‑wo. Mu‑bhagasi abho aariga ari‑mo Maryamu okusooka mu‑musi gwa Magidara, Saroome na Maryamu nyiramwene Yakobho omutooto na Yoose.

Matayo 27:55

Awo bhaariga bhari‑wo na abhagasi bhaafu bhanu bhaariga nibharuubha Yeesu okusooka mu‑mukoowa gwa Gariraaya na okumufurubhendera. Abhagasi abho ꞉bheemereeguuyu kura‑wo nibharingiraga joone jinu jaariga nijikorekana.

Ruuka 24:33

Omwanya ogwoogwo, nibheemuka nibhasubha Yerusareemu. Bhejire bhaakinga, nibhasongʼana jitumwa ja Yeesu ekumi na umwi, na abharuubhirisya abhandi bheekumanyiisye aamwi.

Ruuka 8:20

Abhaanu abhandi nibhabhwira Yeesu ati, “Nyokomwana na abhamura bhaanyu, bheemereeguuyu anja, abhakena okubhugana nawe.”

1 Bakorinto 14:13

Kurwa ejo, omuunu unu kaayika inyaayika ingenyi, asabhwe Nyamuwanga korereki amuyaane obhuturo bhwa okugajura inyaayika eyo.