Barumi 9:3 - Indagano Inyaaya mu-Chijita

³ ku‑songa ya abhaanu bha riyanga ryani. Araabha jikaturikeene, anye omwene nikeekirisiisye okwiyiimwa na okukindikwa na Kirisito, araabha okukora kutyo kukabheeye nikusakira abhayiri bhaani abho bheekirisye Kirisito.

INDAGANO INYA:YA

³ Okuba anye omwene nakasabirwe ati niimwe no kutamyibwa na Kristo kurwa abairi bani abo ruganda rwasu mu mubiri.

Barumi 9:3 Referans Kwoze

Barumi 11:14

niniiyikanya ati, amwi okutura emirimu jaani ejo, Abhayisirayeeri bheejaasu bharyungwa obhwiro bhwa okubhona obhuchungusi rwa kutyo emwe ꞉mwabhubhwene, korereki abhaanu abharebhe mu‑bheene wone bhachunguke.

Bagalatia 3:10

Nawe abhaanu bhoone bhanu abheeyikanya okuchunguka kwa okukora jinu ebhiraagiro bhya Muusa ebhikena, abho bheeyiimirwe. Okubha Ebhikaame Ebhyeru ebhyayika ati, “Woonewoone unu atakuruubha na okukora joone jinu jikaamirwe mu‑chitabho cha ebhiraagiro, eeyiimirwe.”

1 Bakorinto 16:22

Omuunu woonewoone unu atakwenda Raatabhugenyi Yeesu, eeyiimwe. Raatabhugenyi weeswe iija!

Bagalatia 3:13

Kirisito ꞉aacheeruuye okusooka mu‑chiyiimo cha ebhiraagiro kwa okugega echiyiimo echo, inguru yeeswe. Ebhikaame Ebhyeru ebhyayika ati, “Woonewoone unu abhambirwe ku‑musarabha, eeyiimirwe.”

Bagalatia 1:8

Araabha omuunu woonewoone, noorwo araabha ni eswe abheene amwi bhamaraayika okusooka mu‑rwire, akabharaasisya emisango jinu jitaasyanyiisye na jinu anye ꞉naabharaasisiisye, Nyamuwanga eeyiime omuunu oyo!

1 Bakorinto 12:3

Kutyo, enibhabhwira ati omuunu woonewoone unu kaatangasibhwa na Mwoyo wa Nyamuwanga atakutura okwayika ati, “Yeesu eeyiimwe.” Ka wone omuunu woonewoone atakutura okwayika ati, “Yeesu ni Raatabhugenyi,” araabha atakutangasibhwa na Mwoyo Mweru.

Barumi 11:1

Woori enibhuusya ati, angu, Nyamuwanga aremere abhaanu bhaaye? Wuri, noorwo na akatyari! Anye omwene niri Muyisirayeeri, okusooka mu‑rwibhuro rwa Bhurayimu, na okusooka mu‑ruganda rwa Bhenjamiini.

Ebikorwa 13:26

“Abhayiri bhaasu, emwe abhaanu bha orwibhuro rwa Bhurayimu, na emwe abhaanu bhanu mutari Bhayawudi bhanu omuramya Nyamuwanga, emisango ja obhuchungusi bhunu jaaretwa kw‑iswe!

Ebikorwa 22:5

Jinu enibhabhwira, noorwo omugabhisi omukuru aamwi na abhakuru bha Abhayawudi bhoone abhatura okujiikirisya ati ni ja echimari. Abheene nibho ꞉bhaanaaye jinyarubha ja okusirira Abhayawudi abhakuru bhanu bhaariga bhari Damaasiko. Niniimuka korereki nigende eyo, nibhoye abheekirisya bheende‑yo na nibhareete Yerusareemu anu, korereki bhabhumwe.

Ebikorwa 28:21

Abhakuru bha Abhayawudi nibhamusubhya nibhaayikaga ati, “Eswe, chichaari okuramira inyarubha yooneyoone okusooka Yuudeya inguru yaawo. Ka wone atari‑wo woonewoone unu ꞉eejire anu okuchibhwira noorwo okwayika omusango omubhiibhi inguru yaawo.

Barumi 1:3

Emisango ja Ekisi ejo, nijo emisango inguru ya Omwana waaye. Echinyamuunu, ꞉eebhuuywe mu‑ruganda rwa omukama Dawudi,

Barumi 9:2

Chimari, anye niri na obhusurumbaaye bhwafu muno na obhusungu bhwafu mu‑mwoyo gwani

Barumi 16:7

Mukeesye Adurooniko na Yuuniya. Abho ni Bhayawudi bheejaasu bhanu ꞉chaabhoyerwe aamwi mw‑ibhoyero. ꞉Bhaantangatiiye okwikirisya Kirisito, ka wone abhayaanwa echibharo muno agati ya jitumwa.

Barumi 16:11

Mukeesye Erodiwooni, Omuyawudi weejaasu. Mukeesye abhaanu bha mu‑nju ya Naakiso bhanu abheekirisya Raatabhugenyi Yeesu Kirisito.

Barumi 16:21

Timoteewo, omukosi weejaasu, kaabhakeesya. Ka wone, Abhayawudi bheejaasu Ruukiyo, Yasooni na Sosipiita, abhabhakeesya.

2 Bakorinto 12:15

Anye enikondererwa okusoosya ebhiinu bhyani noorwo okwisoosya anye omwene, korereki nibhasakire. Nawe ejibhonekana ati, omwanya gunu anye enigenderera okubheenda muno, niwo emwe omugerura eryenda ryemwe kw‑anye.

Bagalatia 1:9

Enibhabhwira rindi, rwa kutyo ꞉naabhabhwiriiye omwanya gurya ati, araabha omuunu akabharaasisya emisango ejindi jinu jitaasyanyiisye na jinu ꞉naabharaasisiisye, Nyamuwanga eeyiime omuunu oyo!

Baefeso 6:5

Emwe abhagaya, mugayukega abhaami bheemwe bha echinyamubhiri mu‑bhuubha na mu‑kuyarara. Mukorega kutyo, mu‑mutima omweru, rwa kutyo omukorera Kirisito.