Barumi 8:8 - Indagano Inyaaya mu-Chijita

⁸ Kurwa ejo, abhaanu bhanu abhatangasibhwa na obhusimukwa bhwebhwe bhwa echibhiibhi, bhatakutura okukondisya Nyamuwanga.

INDAGANO INYA:YA

⁸ Na banu bari mu byo mubiri batakutura kukondisya Nyamuanga.

Barumi 8:8 Referans Kwoze

Barumi 7:5

Omwanya gunu obhusimukwa bhweswe bhwa echibhiibhi bhwariga nibhuchitunga, ebhiraagiro ꞉bhyakorere okurigira kweswe okubhiibhi kubhe na amanaga muno kw‑iswe, nichirigira okukora ebhibhiibhi omwanya gwone. Okuruubhana na ogwo, orufu ruri‑wo.

Barumi 8:9

Nawe emwe woori, mutakutangasibhwa na obhusimukwa bhwemwe bhwa echibhiibhi, tari mutangasibhwa na Mwoyo wa Nyamuwanga, kwa okubha eekaaye mu‑myoyo jeemwe. Omuunu woonewoone unu atari na Mwoyo wa Kirisito, oyo atari muunu wa Kirisito.

Bakolosai 1:10

Niwo muritura okurama rwa kutyo Raatabhugenyi Yeesu keenda na okumukondisya ku‑misango joone. Obhurame bhwemwe bhurimukondisya inguru ya emirimu jeemwe ja ekisi, ka wone murigenderera okukura mu‑kumenya Nyamuwanga.

Yowana 3:3

Yeesu ˆnaamusubhya ati, “Ni chimari enikubhwira ati, atari‑wo omuunu unu kaatura okwingira mu‑bhukama bhwa Nyamuwanga araabha ateebhuuywe rwa kabhiri.”

Baeburania 13:21

Nyamuwanga abhayaane amanaga ga okukora okwenda kwaye. Ka wone akore mu‑myoyo jeeswe jinu ejimukondisya ku‑njira ya Yeesu Kirisito. Omwene akusibhwe akajaanende koone. Jibhe kutyo.

1 Yoana 3:22

Ka wone, bhuri chiinu chinu echisabhwa ku‑Nyamuwanga kaachiyaana, kwa okubha echigayuka ebhiraagiro bhyaye na okukora jinu ejimukondera.

Yowana 8:29

Unu ꞉aantumire ari aamwi na anye. Achaariga okunsiga eenyere, kwa okubha omwanya gwone enikora jinu ejimukondisya.”

1 Bakorinto 7:32

Eneenda mwasiga okubha na echiwerewere inguru ya emisango ja obhurame bhunu. Omuunu unu achaari okutwara, kaafurubhendera emirimu ja Raatabhugenyi, keeganirisya kutyo arikondisya Raatabhugenyi.

1 Batesalonika 4:1

Mbe, abhayiri bheeswe, ꞉chaabheeyigisiisye kutyo ejikenwa murame, korereki mukondisye Nyamuwanga. Chimari omukora kutyo ꞉mweeyigiiye. Woori, echibheerembeeresya ku‑bhuturo bhwa Raatabhugenyi Yeesu ati, mukore kisi muno okukira kutyo mwariga nimukora.

Matayo 3:17

Niwo, obhuraka okusooka mu‑rwire nibhwayika ati, “Unu niwe Omwana waani omwendwa, niwe kaankondisya.”

Baeburania 13:16

Mugenderere okusakira abheejaanyu na okusangira aamwi nabho ebhiinu bhinu muri nabhyo, okubha okukora kutyo, nicho echoogo chinu echikondisya Nyamuwanga.

Bakolosai 3:20

Emwe abhaana wone, mugayukega abheebhusi bheemwe mu‑joone, kwa okubha okukora kutyo okukondera Raatabhugenyi Yeesu.

Bafilipi 4:18

Woori, ebhiinu bhirya bhyone ꞉mwayaanire Epafurodiito okundeetera, naabhiramiiye. Bhyeya ku‑bhukene bhwani bhwone, ka wone bhyafura okukira bhinu naariga niikena. Obhusakisi obhwo bhuri rwa echoogo cha ebhirange bhya ekisi, nicho echoogo chinu Nyamuwanga keekirisya na okwenda.

Barumi 1:21

Abhamenya kutyo Nyamuwanga ari, nawe bhatakumukuuya noorwo okumusiima rwa kutyo eeyire. Nibhabha na obhwiganirisya obhubhiibhi, na obhwenge bhwebhwe nibhubha‑mo echisuute kata.