Barumi 8:2 - Indagano Inyaaya mu-Chijita

² Ku‑njira ya okubha na obhumwi na Kirisito Yeesu, amanaga ga Mwoyo Mweru unu kaareeta obhuwanga bhwa akajaanende koone, gankorere nibhe na obhwitaage, korereki nisige okutungwa na amanaga ga ebhibhiibhi na orufu.

INDAGANO INYA:YA

² Okuba eciragiro eco Mwoyo gwo buanga mu Kristo Yesu, cacisurumuye mu ciragiro ce bibi:bi ne co kufwa.

Barumi 8:2 Referans Kwoze

Barumi 6:14

Echibhiibhi chitaribhatunga rindi, kwa okubha mutakutangasibhwa na obhuturo bhwa ebhiraagiro, tari omutangasibhwa na obhwitiriranya bhwa Nyamuwanga.

2 Bakorinto 3:17

Woori, Raatabhugenyi ni Mwoyo, na anu Mwoyo wa Raatabhugenyi ari, awo niwo bhuri bhwitaage.

Barumi 6:18

Enisiima Nyamuwanga, kwa okubha abhasuruumuuye okusooka mu‑mboyero ja echibhiibhi, musige okubha abhagaya bha echibhiibhi rindi. ꞉Aabhasuruumuuye, neeya ˆnaabhakora okubha abhakosi bhaaye, korereki mukorega emisango ja obhurengeresi.

2 Bakorinto 3:6

Omwene niwe ꞉aachiyaaye obhuturo bhwa okubha abhakosi bha indagano inyaaya. Indagano eyo itakusookana na ebhiraagiro bhinu ꞉bhyakaamirwe, tari eyisooka ku‑Mwoyo Mweru, kwa okubha ebhiraagiro ebhireeta orufu, nawe Mwoyo Mweru kaareeta obhuwanga.

1 Bakorinto 15:45

Mu‑Bhikaame Ebhyeru jikaamirwe ati, “Omuunu wa okwamba, Adaamu, ꞉aabhumbirwe ˆnaabha omuunu omuwanga,” nawe Adaamu wa obhuteero, Kirisito, niwe Mwoyo unu kaayaana abhaanu obhuwanga.

Yowana 8:36

Kurwa ejo, araabha anye Omwana wa Nyamuwanga nibhasoosiisye mu‑bhibhiibhi bhyemwe, mutaribha abhagaya rindi, tari muribha abhaanu abheetaage kata.

Yowana 8:32

Ka wone omuja okumenya echimari, na echimari echo, echija okubhakora mubhe abheetaage.”

Barumi 7:4

Abhayiri bhaani, emisango ejo nikwo kutyo jiri kw‑imwe wone. Noorwo emwe mutakubhoywa rindi na ebhiraagiro bhya Muusa, kwa okubha mufuuwe aamwi na Kirisito ku‑musarabha. Woori emwe muri bhaanu bha Kirisito unu ꞉aasuuruuywe okusooka mu‑bhafuuwe, korereki obhurame bhweswe bhubhe na amatwasyo ga ekisi inguru ya Nyamuwanga.

Barumi 6:22

Woori musuruumuuywe na Nyamuwanga okusooka mu‑bhugaya bhwemwe bhwa echibhiibhi. Ka wone, abhakorere okubha abhakosi bhaaye, na okuruubhana na ejo mubhwene omuriiro. Omuriiro ogwo ni kukorera emirimu Nyamuwanga kwa omwoyo gwone na ku‑bhuteero ni kuramira obhuwanga bhwa akajaanende koone.

Yowana 6:63

Mwoyo wa Nyamuwanga niwe kaayaana abhaanu obhuwanga. Omuunu atakutura okukora omusango gwonegwone ku‑managa gaaye omwene. Emisango jinu naabhabhwira ni ja Mwoyo wa Nyamuwanga, na ejireeta obhuwanga bhwa akajaanende koone.

Yowana 4:14

Nawe omuunu unu kaanywa amanji ganu anye enimuyaana, atakuja okuungwa obhwiro noorwo na akatyari kajaanende koone. Amanji ganu enija okumuyaana, agaja okubha rwa omumiro gwa amanji mu‑mwoyo gwaye ganu agabhogomera obhuwanga bhwa akajaanende koone.”

Yowana 4:10

Yeesu ˆnaamusubhya ati, “Araabha ukabheeye nuumenya echiyaanwa cha Nyamuwanga, na unu kaakusabhwa amanji ga okunywa, waakamusabhirwe, na omwene aakakuyaaye amanji ganu agasoosya obhuwanga.”

Bagalatia 5:1

Kirisito achiyaaye obhwitaage, korereki chiikare mu‑bhwitaage obhwo. Kurwa ejo, mwimereeguru murumateene, mwasiga okwikirisya okusubha rindi mu‑bhugaya bhwa ebhiraagiro.

Bagalatia 2:19

Okubha naariga ninduubha ebhiraagiro bhya Muusa, nawe ebhiraagiro ebhyo nibhyo ꞉bhyandamuuwe. Woori nitakubhigwata rindi, kwa okubha Nyamuwanga ansoosiisye mu‑bhugaya obhwo, korereki niikare rwa kutyo keenda omwene.

Barumi 5:21

Mbe, echibhiibhi chaariga chiri na amanaga ga okutunga abhaanu na okubhareetera orufu. Kutyokutyo, obhwitiriranya bhwa Nyamuwanga wone obhutunga abhaanu, kwa okubhabhara ati ni bharengeresi. Obhwitiriranya obhwo, obhubhayaana obhuwanga bhwa akajaanende koone, okutura ku‑Raatabhugenyi weeswe Yeesu Kirisito.

Barumi 7:21

Mbe, naasombookerwa ati, omwanya gunu eneenda okukora echiinu cha ekisi, enibha ninkururwa okukora echiinu echibhiibhi.

Obhusweruro 22:1

Neeya maraayika urya ˆnaanyeeresya omusima gwa amanji ganu agasoosya obhuwanga. Omusima ogwo gwariga nigubharangirya rwa rirore na gwariga niguwurura okusooka mw‑ifuufu rya echitebhe cha ingʼoma cha Nyamuwanga na Omwana wa Inaama.

Barumi 3:27

Kurwa ejo, angu, omusango ogwo oguchiyingirira okwikumangya? Yee, kwa okubha noorwo eswe chitakubharwa okubha abharengeresi imbere ya Nyamuwanga kwa okuruubha ebhiraagiro, tari kwa okwikirisya Yeesu era.

Obhusweruro 11:11

Omwanya gwa amasuubha gasatu na esinja gwejire gwatura, Nyamuwanga ˆnaasubhya‑mo emyoyo abhabhambaasi abho, nibheemereeguru. Abhaanu bhoone bhanu ꞉bhaabharorere, nibhoobhaya muno.

Barumi 7:23

Nawe naasombookerwa ati ebhiwuga bhya omubhiri gwani, ebhibha nibhitungwa na amanaga ga ebhibhiibhi bhinu ebhiyaajana na obhwiganirisya bhwani bhwa ekisi. Echo nicho echinkora nibhe omugaya wa ebhibhiibhi bhinu bhiri mu‑bhiwuga bhyani.

Barumi 8:1

Mbe woori, Nyamuwanga atariyaana ebhitiibha abhaanu bhanu bhari na obhumwi na Kirisito Yeesu.

Barumi 16:3

Mukeesye Pirisika aamwi na omurume waaye Akiira. Abho ni bhakosi bheejaasu mu‑mirimu ja Kirisito Yeesu,

Bagalatia 6:2

Musakiranega na okugegerana emigugu jeemwe emisito, niwo murikuumisya echiraagiro cha Kirisito.

Yakobo 1:25

Nawe omuunu unu kaarora etegeresiisye echiraagiro chinu chikuumiiye na okureeta obhwitaage, ˆnaagenderera okukora ejo okurabhirwa wuri jinu ꞉oonguuwe na okujiruubhirira, oyo niwe aribhona amabhando mu‑kukora kutyo.