Barumi 7:8 - Indagano Inyaaya mu-Chijita

⁸ Nawe ebhibhiibhi nibhiimusya okurigira okubhiibhi kwa mbaga nyafu mu‑mwoyo gwani ku‑njira ya echiraagiro echo. Araabha echiraagiro chikabha chitari‑wo, echibhiibhi echibha chitari na amanaga.

INDAGANO INYA:YA

⁸ Mbe nawe ebibi:bi byabwene omwanya mu ciragiro eco, nibikora kurigira kwone mwanye. Okuba ebiragiro bikaba bitario, ebibi:bi bifu:ye.

Barumi 7:8 Referans Kwoze

Barumi 7:11

Okutura ku‑chiraagiro echo, echibhiibhi nichibhona omwanya gwa ekisi gwa okunjiga, na okundeetera orufu.

1 Bakorinto 15:56

Obhuturo bhwa orufu obhusookana na ebhibhiibhi, na obhuturo bhwa ebhibhiibhi obhusookana na ebhiraagiro.

Barumi 4:15

kwa okubha okunyamura ebhiraagiro, okureterera okuyaanwa ebhitiibha. Nawe araabha bhitari‑wo ebhiraagiro, niwo kutari‑wo okunyamura ebhiraagiro.

Barumi 7:13

Nawe araabha nikwo kutyo, angu, echiinu cha ekisi echo nicho ꞉chaandeetereeye orufu? Wuri, noorwo na akatyari! Echibhiibhi nicho ꞉chaandeetereeye orufu ku‑njira ya echiraagiro chinu chiri cha ekisi. Bhwariga bhuri bhutinge bhwa Nyamuwanga ati echiraagiro chibhe nicheeresya abhwerubhweru ati, echibhiibhi ni chiinu echibhiibhi muno.

Barumi 5:20

Ebhiraagiro bhya Muusa ꞉bhyejire, nibhireterera ebhibhiibhi okwiyongesya. Noorwo kutyo, omwanya gunu ebhibhiibhi ꞉bhyeyongesiisye, obhwitiriranya bhwa Nyamuwanga wone nibhugenderera okwiyongesya muno.

Yowana 15:22

Araabha nikabheeye ꞉niteejire ku‑bheene na okwayika nabho, mbe bhatakabheeye na echibhiibhi. Nawe woori, bhatakutura okwibhagira ati bhatari na echibhiibhi.

Barumi 7:17

Awo owubha nitari anye unu enikora ebhibhiibhi, tari ni chibhiibhi chinu chiri mu‑mwoyo gwani.

Yowana 15:24

Nikorere ebhiruguusyo ebhinene bhinu omuunu owundi achaariga okukora. Araabha bhakabheeye bhatabhirorere, bhatakabheeye na echibhiibhi. Nawe woori, bharorere joone jinu ꞉naakorere, noorwo kutyo bhachaansokere na Raata waani wone bhamusokere.

Mariko 7:22

obhwifi, obhwiti, obhuromesi, omuruuru gwa ebhiinu, obhujabhi, obhujigi, orukubho, orwiso, amafumo, echigundu na obhutaamutaamu.

Barumi 3:20

Emisango ejo jiri kutyo, kwa okubha atari‑wo omuunu woonewoone unu aribharwa okubha omurengeresi imbere ya Nyamuwanga kwa okuruubha ebhiraagiro bhya Muusa. Emirimu ja ebhiraagiro ebhyo, ni kumenyesya abhaanu bhoone inguru ya ebhibhiibhi bhyebhwe.

Barumi 7:9

Ku‑mwanya gunu naariga nichaari kumenya echiraagiro echo, naariga niikaaye rwa kutyo naariga nineenda. Nawe omwanya gunu ꞉naamenyere echiraagiro, ebhibhiibhi nibhibha na amanaga muno, nibhindeetera orufu.