Barumi 6:3 - Indagano Inyaaya mu-Chijita

³ Mumenye ati, omwanya gunu ꞉chaabhatiijiibhwe, ꞉chaagwateene na Kirisito Yeesu mu‑kufwa kwaye.

INDAGANO INYA:YA

³ Mutakumenya ati, eswe bo:ne banu cabatijibwe okwingira mu Kristo Yesu, cabatijibwe okwingira mu kufwa kwae?

Barumi 6:3 Referans Kwoze

Bagalatia 3:27

Emwe bhoone bhanu ꞉mwabhatiijiibhwe, muri na obhumwi na Kirisito, muri wuti mufwaye Kirisito.

Barumi 6:8

Woori kwa okubha ꞉chaafuuwe aamwi na Kirisito, echiikirisya ati chiriikara aamwi nage.

1 Bakorinto 12:13

Enaayika kutyo, kwa okubha eswe bhoone, chibhe Abhayawudi amwi abhaanu bhanu bhatari Bhayawudi, chibhe abhagaya amwi abheetaage, ꞉chaabhatiijiibhwe mu‑Mwoyo umwi na okuyaanwa Mwoyo umwi oyo, korereki chibhe omubhiri gumwi.

1 Petero 3:21

Amanji ago, ni chijekekanyo cha obhubhatiijo bhwemwe, kwa okubha omwanya gunu omubhatiijibhwa, eyeeresya ati Nyamuwanga kaabhachungura ku‑njira ya obhusuuruko bhwa Yeesu Kirisito. Obhubhatiijo obhwo, bhutari bhwa okusoosya‑ko riiko ku‑mibhiri jeemwe, tari ni kubha na omutima omweru ku‑Nyamuwanga.

Ebikorwa 2:38

Peetero ˆnaabhabhwira ati, “Bhuri umwi weemwe ate ebhibhiibhi bhyaye, na abhatiijibhwe kw‑isiina rya Yeesu Kirisito, korereki afwirwe echigongo ebhibhiibhi bhyaye, emwe omuja okuyaanwa echiyaanwa cha Mwoyo Mweru.

Matayo 28:19

Mbe, mugende ku‑bhaanu bha amaanga goone mubhakore okubha abheeyigisibhwa bhaani. Mugende mukore kutyo kwa okubhabhatiija kw‑isiina rya Raata, na erya Omwana na erya Mwoyo Mweru,

Yakobo 4:4

Emwe, muri abhaanu bhanu bhatari bheeyikanyibhwa ku‑Nyamuwanga! Mutakumenya ati okubha omusaani wa echaaro chinu ni okubha omusoko wa Nyamuwanga? Kurwa ejo, omuunu woonewoone aakeenda okubha omusaani wa echaaro, keekora okubha omusoko wa Nyamuwanga.

1 Bakorinto 9:13

Angu, mutakumenya ati bhanu abhakora emirimu mw‑Iyekaru rya Nyamuwanga, abhabhona ebhiryo bhyebhwe okusooka mw‑Iyekaru eryo? Ka wone, mutakumenya ati bhanu abhakora emirimu ja ku‑chigabhiro, abharamira omugabho gwebhwe, okusooka ku‑bhinu ebhisoosibhwa echoogo?

Barumi 7:1

Abhayiri bhaani, enaayika na emwe abhaanu bhanu omumenya kisi ebhiraagiro bhya Muusa. Omumenya ati omuunu kaakenwa okuruubha ebhiraagiro omwanya gwone gunu kaabha achaari muwanga.

Barumi 6:16

Mutakumenya ati, mukeesoosya ku‑muunu na okukora jinu keenda, niwo omubha nimumugayuka rwa abhagaya bhaaye? Mbe, araabha mukabha nimwisoosya okugayuka echibhiibhi, muribha abhagaya bha echibhiibhi, na amatwasyo gaacho ni rufu. Nawe mukabha nimwisoosya okugayuka Nyamuwanga, muribha abhakosi bha Nyamuwanga, na amatwasyo gaaye ni bhurame bhwa obhurengeresi.

Ebikorwa 19:5

Abhaanu bha Yefeeso abho, bhejire bhoongwa emisango ejo, wone nibhabhatiijibhwa kwa risiina rya Raatabhugenyi Yeesu.

1 Bakorinto 6:9

Mutakumenya ati abhajabhi bhatariingira mu‑bhukama bhwa Nyamuwanga? Mwasiga okwijiga! Abhasengani, abhaanu bhanu abharamya amasusano, abharomesi, noorwo abhasambukani,

1 Bakorinto 5:6

Orwikuuya rwemwe rutari rwa kisi. Mutakumenya ati echifwimbya chitooto era, echisangʼarasya echirengo choone?

Ebikorwa 8:16

kwa okubha atari‑wo noorwo umwi agati yeebhwe unu aariga eekiywe na Mwoyo Mweru. Bhaariga bhabhatiijiibhwe era kwa risiina rya Raatabhugenyi Yeesu.

2 Bakorinto 13:5

Woori mwirenge emwe abheene, korereki mumenye araabha muri na eriikirisya. Mwitatirisye emwe abheene, angu, mutakumenya ati Yeesu Kirisito ari mu‑myoyo jeemwe? Araabha jitari kutyo, awo niwo omumenya ati, obhutatirisi bhwemwe, bhwataamibhwa okukingira indengo ya eriikirisya.

1 Bakorinto 15:29

Woori, abhaanu bhanu abhabhatiijibhwa inguru ya abhafuuwe, abheeyikanya okubhona echiinu ki? Araabha abhafuuwe bhatakusuururwa noorwo na akatyari, kurwa ki abhaanu abhabhatiijibhwa inguru ya abhafuuwe?

1 Bakorinto 3:16

Angu, mutakumenya ati, emwe muri riyekaru rya Nyamuwanga, ka wone ati Mwoyo wa Nyamuwanga eekaaye mw‑imwe?

1 Bakorinto 6:19

Mutakumenya ati, emibhiri jeemwe nijo riyekaru rya Mwoyo Mweru unu Nyamuwanga ꞉aabhayaaye, ka wone Mwoyo Mweru eekaaye mu‑myoyo jeemwe? Kutyo, emibhiri ejo jitari jeemwe, tari ni ja Nyamuwanga,

1 Bakorinto 9:24

Mutakumenya ati abhaanu bhanu abhayaajana mu‑kubhirima, abhabhirima bhoone, nawe unu kaaramira echiyaanwa ni umwi wenyere? Woori mubhe nimubhirima muno, korereki muramire echiyaanwa.

1 Bakorinto 10:2

Jiri wuti ꞉bhaabhatiijiibhwe mu‑riire na mu‑nyanja okubha abharuubhirisya bha Muusa.