Barumi 4:6 - Indagano Inyaaya mu-Chijita

⁶ Rwa kutyo omukama Dawudi wone ꞉aayikire, inguru ya amabhando ga omuunu unu Nyamuwanga kaabhara okubha omurengeresi okuringira ebhikorwa bhyaye wuri. Dawudi ꞉aayikire ati,

INDAGANO INYA:YA

⁶ Rwa kutyo Daudi one ka:ika ribando ryo mu:nu unu Nyamuanga kabarira oburenge:resi bunu butari mu bikorwa, na:ika ati,

Barumi 4:6 Referans Kwoze

2 Timoteo 1:9

Omwene ꞉aachichunguuye, ˆnaachibhirikira chibhe abhaana bhaaye abheeru. ꞉Ataakorere kutyo kwa okubha ati ebhikorwa bhyeswe ni bhya ekisi, tari ꞉aakorere kutyo mu‑kwenda kwaye na obhwitiriranya bhwaye. ꞉Aachiyaaye obhwitiriranya obhwo inguru ya Kirisito Yeesu, noorwo achaari okubhumba echaaro.

1 Bakorinto 1:30

Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

Bafilipi 3:9

ka wone nibhe na obhumwi nage. Nitakwiyikanya rindi obhurengeresi bhunu obhusooka mu‑kugayuka ebhiraagiro, tari obhurengeresi bhunu obhusooka mu‑kwikirisya Kirisito. Obhwo nibhwo obhurengeresi bhunu Nyamuwanga kaayaana bhanu abheekirisya Kirisito.

2 Bakorinto 5:21

Kirisito aariga atari na echibhiibhi choonechoone, nawe Nyamuwanga ꞉aamubharire rwa owa ebhibhiibhi inguru yeeswe, korereki eswe chibharwe okubha abharengeresi imbere ya Nyamuwanga okutura ku‑Kirisito.

Baefeso 1:3

Akusibhwe Nyamuwanga, Esemwene Raatabhugenyi weeswe Yeesu Kirisito unu achiyaaye amabhando goone ga echinyamwoyo mu‑kubha na obhumwi na Kirisito, mu‑chaaro chinyatarorwa.

Bagalatia 3:14

꞉Aachichunguuye, korereki amabhando ganu ꞉aayaaywe Bhurayimu, gakinge ku‑bhanu bhatari Bhayawudi okutura ku‑Kirisito Yeesu. Mbe woori, eswe bhoone, echitura okuramira Mwoyo Mweru unu Nyamuwanga ꞉aaragire okuchiyaana, ku‑njira ya okwikirisya Kirisito Yeesu.

Barumi 4:11

Okutendwa kwaye ꞉kwabheeye echibharikisyo, ka wone ꞉kwabheeye orunabho runu ꞉rweresiisye ati Nyamuwanga ꞉aamubharire okubha omurengeresi okuruubhana na eriikirisya ryaye rinu aariga ari naryo achaari okutendwa. Ku‑njira eyo, Bhurayimu ꞉aakorerwe okubha esemwene abheekirisya bhanu bhachaari okutendwa, korereki noorwo abheene bhabharwe okubha abharengeresi imbere ya Nyamuwanga.

Barumi 1:17

Emisango ja Ekisi ejo, ejeeresya abhwerubhweru kutyo Nyamuwanga kaabhara abhaanu okubha abharengeresi imbere yaaye. Abhaanu abhabharwa okubha abharengeresi imbere ya Nyamuwanga ku‑njira ya eriikirisya era. Rwa kutyo Ebhikaame Ebhyeru ebhyayika ati, “Omuunu unu aribha na obhuwanga, ni unu Nyamuwanga kaabhara ati ni murengeresi ku‑njira ya eriikirisya ryaye.”

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

Bagalatia 4:15

Omwanya gurya mwariga muri na rikonderwa, nawe woori, okukonderwa kwemwe okwo kuri aaki? Enaayika echimari ati, ku‑mwanya gurya mwakaturire okwiya ameeso geemwe nimuganaana.

Barumi 4:24

tari ꞉jaakaamirwe noorwo inguru ya eswe bhoone. Emisango ejo, ejichibhwira ati chikeekirisya Nyamuwanga unu ꞉aasuuruuye Yeesu Raatabhugenyi weeswe okusooka mu‑bhafuuwe, niwo eswe wone echibharwa okubha abharengeresi imbere ya Nyamuwanga.

Barumi 4:9

Angu woori, amabhando ago ni inguru ya abhaanu bhanu ꞉bhaatenderwe era, amwi noorwo ku‑bhaanu bhanu bhatakutendwa? Enibheechukya jinu Ebhikaame Ebhyeru ebhyayika ati, Bhurayimu ꞉eekirisiisye Nyamuwanga, kurwa ejo Nyamuwanga ˆnaamubhara okubha omuunu omurengeresi okuruubhana na eriikirisya ryaye.

Barumi 3:27

Kurwa ejo, angu, omusango ogwo oguchiyingirira okwikumangya? Yee, kwa okubha noorwo eswe chitakubharwa okubha abharengeresi imbere ya Nyamuwanga kwa okuruubha ebhiraagiro, tari kwa okwikirisya Yeesu era.

Matayo 25:19

“Gwejire gwatura omwanya omureera, omwami weebhwe ˆnaasubha. Niwo ˆnaabhirikira abhagaya bhaaye, korereki bhamubhwire kutyo ꞉bhaakoreeye obhuniibhi bhwaye.

Barumi 4:5

Nawe omuunu unu atakwiyikanya ebhikorwa bhyaye, aakeekirisya Nyamuwanga unu kaabhara omuunu omujabhi okubha omuunu omurengeresi, oyo niwe Nyamuwanga kaabhara okubha omuunu omurengeresi okuruubhana na eriikirisya ryaye.

Barumi 4:7

“Bhari na amabhando abhaanu bhanu Nyamuwanga afwiriiye echigongo ebhibhiibhi bhyebhwe na okubhasoosisya‑wo ebhibhiibhi bhyebhwe.

Yakobo 2:18

Woori omuunu owundi akaayika ati, “Awe, wuri na eriikirisya na anye niri na ebhikorwa bhya ekisi.” Niwo nirimubhwira ati, “Nyeeresya eriikirisya ryawo, rinu ritari na ebhikorwa bhya ekisi. Anye wone nikweresye eriikirisya ryani ku‑njira ya ebhikorwa bhyani bhya ekisi.”