Barumi 3:4 - Indagano Inyaaya mu-Chijita

⁴ Wuri, noorwo na akatyari! Noorwo kutyo abhaanu bhoone ni bhabheeyi, Nyamuwanga keeresya ati kaakora chinu kaayika. Rwa kutyo Ebhikaame Ebhyeru ebhyayika inguru yaaye ati, “Waakabhuura abhaanu ku‑bhibhiibhi bhyebhwe, emisango jaawo ni ja echimari. Waakabharamura, indamu yaawo ni ya obhurengeresi.”

INDAGANO INYA:YA

⁴ Na Katyari uri. Nawe Nyamuanga abega we cimari, nawe mu:nu wo:ne aboneke ari wa rurimi, rwa kutyo byandikirwe ati, Ube murengeresi mu kwaika kwao, ariba waramurwa ogwao gwere.

Barumi 3:4 Referans Kwoze

Bagalatia 2:17

Eswe echiyenjeresya okubharwa ati chiri abharengeresi imbere ya Nyamuwanga mu‑kubha na obhumwi na Kirisito, nawe abhaanu abhandi abhaayika ati eswe wone chaabha abhakosi bha ebhibhiibhi. Angu, ni chimari ati Kirisito kaachikora okubha abhakosi bha ebhibhiibhi? Wuri, noorwo na akatyari!

Baeburania 6:18

Mbe, emisango jibhiri jinu nijo Nyamuwanga ꞉aakorere, okuraga na okurayira. Nyamuwanga atarijiyindura wuri noorwo na akatyari, kwa okubha omwene atari mubheeyi. ꞉Aakorere emisango ebhiri ejo, korereki achisimbiisye eswe bhanu chiirukiiye ku‑mwene, chibhe na obhwiyikanyo ku‑misango jinu ejiija.

Tiito 1:2

Niwo bharibha na obhwiyikanyo bhwa obhuwanga bhwa akajaanende bhunu Nyamuwanga ꞉aachiragire noorwo achaari okubhumba echaaro. Omwene atakutura okwayika orubheeyi.

Yowana 3:33

Omuunu woonewoone unu keekirisya obhubhambaasi bhwaye, keeresya ati jinu Nyamuwanga kaayika ni ja chimari,

Obhusweruro 3:7

“Ukaamire maraayika wa mw‑ikanisa rya Firadeefiya kutya, Anye niwe omweru na owa echimari. Ka wone, niri na orwiguriro rwa omukama Dawudi. Nikeegara orwigi, atari‑wo owundi unu kaatura okurwigura. Nikarwigura, atari‑wo owundi unu kaatura okurwigara. Mutegeresye jinu enibhabhwira!

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.

Barumi 9:14

Woori chaayike ki? Chaayike ati Nyamuwanga atari murengeresi? Wuri, noorwo na akatyari!

1 Yoana 5:10

Woori, omuunu woonewoone unu keekirisya Omwana wa Nyamuwanga, keekirisya ati obhubhambaasi obhwo ni bhwa echimari. Nawe unu atakwikirisya Nyamuwanga, kaakora Nyamuwanga okubha omubheeyi, kwa okubha atakwikirisya obhubhambaasi bhunu Nyamuwanga asoosiisye inguru ya Omwana waaye.

Bagalatia 2:21

Nitakutura okurema obhwitiriranya bhwa Nyamuwanga. Araabha omuunu kaatura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa, mbe bhwariga bhutari‑wo obhukene bhwa Kirisito okufwa!

Barumi 6:15

Woori chaayike ki? Angu, chigenderere okukora ebhibhiibhi, kwa okubha chitakutangasibhwa na obhuturo bhwa ebhiraagiro, tari echitangasibhwa na obhwitiriranya bhwa Nyamuwanga? Wuri, noorwo na akatyari!

Barumi 3:31

Angu woori, omwanya gunu echikomeeresya okwikirisya Yeesu, okwingana na okwayika ati ebhiraagiro bhya Muusa bhitari na omuriiro? Wuri, noorwo na akatyari! Nawe chikeekirisya Yeesu, niwo echibha chikuumisiisye joone jinu ebhiraagiro bhya Muusa bhiragiriiye.

Matayo 11:19

Mbe woori, anye Omwana wa Omuunu niijire, enirya ebhiryo na eninywa echifuufu, ka abhaanu abhaayika ati, ‘Ringira! Unu ni munanamba na omukorwa, ka wone ni musaani wa abhatobhesya bha rigooti na abha ebhibhiibhi abhandi!’ Nawe noorwo kutyo, obhwengeeso bhwa Nyamuwanga obhubhuurisibhwa ati, ni bhwa echimari ku‑njira ya ebhikorwa bhya abhaana bhaaye.”

Bagalatia 6:14

Nawe anye nitakwenda nibhe na omusango gwa okwikumangisya, tari musarabha gwa Raatabhugenyi weeswe Yeesu Kirisito. Okuruubhana na orufu rwaye, emisango joone ja echaaro chinu jitari na obhugajuro kw‑anye, na bhumuunu bhwani bhwa kara bhubhambirwe aamwi nage ku‑musarabha.

Barumi 11:1

Woori enibhuusya ati, angu, Nyamuwanga aremere abhaanu bhaaye? Wuri, noorwo na akatyari! Anye omwene niri Muyisirayeeri, okusooka mu‑rwibhuro rwa Bhurayimu, na okusooka mu‑ruganda rwa Bhenjamiini.

2 Bakorinto 1:18

Nawe woori, rwa kutyo Nyamuwanga ari mwiyikanyibhwa, jinu ꞉chaabhabhwiriiye, jaariga jitari ja omuunu okwayika ati, “Cha,” neeya ˆnaayika ati, “Wuri.”

Barumi 11:11

Woori enibhuusya ati, angu, Abhayisirayeeri ꞉bheekuujuuwe korereki bhagwe na okusingaarika chimwi? Wuri, noorwo na akatyari! Tari, ni kusookana na echikayo cheebhwe, obhuchungusi bhwaja noorwo ku‑bhaanu bhanu bhatari Bhayisirayeeri. Ku‑njira eyo, Nyamuwanga ꞉eendere Abhayisirayeeri bhoongwe obhwiro bhwa okubhona obhuchungusi rwa kutyo abheene ꞉bhaabhubhwene.

Barumi 7:7

Woori chaayike ki? Chaayike ati, ebhiraagiro ni bhibhiibhi? Wuri, noorwo na akatyari! Nawe araabha ebhiraagiro bhitaakabheeye‑wo, nitaakamenyere ati ebhibhiibhi ni bhiinu ki. Araabha chitaakabheeye‑wo echiraagiro chinu echaayika ati, “Waasiga okurigira echiinu cha oweejaanyu,” nitaakamenyere ati okurigira echiinu cha omuunu owundi, ni kukora echibhiibhi.

Barumi 6:2

Wuri, noorwo na akatyari! Eswe chaabha rwa abhafuuwe ku‑misango ja okukora ebhibhiibhi. Kurwa ejo, chitakutura okugenderera okwikara rindi mu‑bhibhiibhi.

Ruuka 20:16

Ariija abhasingaarisye bhoone, aribha aamara ariweekesya risambu eryo ku‑bharimi abhandi!” Abhaanu bhanu ꞉bhoonguuwe emisango ejo, nibhaayika ati, “Wuri, ejo jaasiga okukorekana siku joone!”

Barumi 7:13

Nawe araabha nikwo kutyo, angu, echiinu cha ekisi echo nicho ꞉chaandeetereeye orufu? Wuri, noorwo na akatyari! Echibhiibhi nicho ꞉chaandeetereeye orufu ku‑njira ya echiraagiro chinu chiri cha ekisi. Bhwariga bhuri bhutinge bhwa Nyamuwanga ati echiraagiro chibhe nicheeresya abhwerubhweru ati, echibhiibhi ni chiinu echibhiibhi muno.

1 Bakorinto 6:15

Mutakumenya ati emibhiri jeemwe, ni bhiwuga bhya omubhiri gwa Kirisito? Woori, nigege omubhiri gwani, gunu guri chiwuga cha omubhiri gwa Kirisito, na okugugwatanya na omubhiri gwa omugasi unu keegusya okwibhonera ribhona? Wuri, noorwo na akatyari!

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.