Barumi 2:12 - Indagano Inyaaya mu-Chijita

¹² Abhaanu bhanu bhatari Bhayawudi bhanu abhakora ebhibhiibhi bharisingaarisibhwa, noorwo bhaakabha bhatakumenya ebhiraagiro bhya Muusa. Abhayawudi bhanu abhakora ebhibhiibhi keenu bhamenyerega ebhiraagiro ebhyo, abheene bhariramurwa okuruubhana na ebhiraagiro ebhyo.

INDAGANO INYA:YA

¹² Okuba bo:ne banu banyamuraga batana biragiro, nibo barisimagira one batana biragiro. Na bo:ne banu banyamuraga barine biragiro, nibo baritemerwa eci:na ne biragiro.

Barumi 2:12 Referans Kwoze

1 Bakorinto 9:21

Ku‑bhanu bhatari na ebhiraagiro bhya Muusa, naariga niri rwa omuunu unu atari na ebhiraagiro ebhyo, korereki okubhasakira bheekirisye Kirisito. Ogwo gutari na obhugajuro ati nitari na ebhiraagiro imbere ya Nyamuwanga. Tari niri nabhyo kwa okubha enitangasibhwa na ebhiraagiro bhya Kirisito.

Bagalatia 3:10

Nawe abhaanu bhoone bhanu abheeyikanya okuchunguka kwa okukora jinu ebhiraagiro bhya Muusa ebhikena, abho bheeyiimirwe. Okubha Ebhikaame Ebhyeru ebhyayika ati, “Woonewoone unu atakuruubha na okukora joone jinu jikaamirwe mu‑chitabho cha ebhiraagiro, eeyiimirwe.”

Barumi 8:3

Ebhiraagiro bhya Muusa bhyariga bhitari na amanaga ga okuchiyaana obhwitaage, ku‑songa ya obhusimukwa bhweswe bhwa echibhiibhi. Nawe chinu ebhiraagiro ebhyo ꞉bhyataamiibhwe okukora, Nyamuwanga ꞉aachikorere. ꞉Aatumire Omwana waaye omwene, aaje kw‑iswe ku‑chaaro anu ari na omubhiri rwa eswe abha ebhibhiibhi, korereki eesoosye rwa echoogo inguru ya ebhibhiibhi bhyeswe. Kwa okukora kutyo, Nyamuwanga ꞉aayaaye Yeesu ebhitiibha inguru ya ebhibhiibhi bhya abhaanu,

Barumi 1:32

Abhaanu abho bhamenyere kisi ati, omuunu unu kaakora ebhikorwa ebhijabhi rwa ebhyo, kaabha eeyire okusingaarisibhwa na Nyamuwanga. Noorwo kutyo, jitakubhasaasa! Abhagenderera okukora ebhikorwa ebhijabhi ebhyo, ka wone abheekirisyanya na abhaanu bhanu abhabhikora.

Matayo 11:24

Nawe enibhabhwira ati, ku‑rusuku rwa indamu, Nyamuwanga arisoosya indamu isito muno okukira kutyo ariramura abhaanu bha omusi gwa Sodoma.”

Yakobo 2:10

Omuunu woonewoone, akagayuka ebhiraagiro bhyone, nawe ˆnaanyamura echiraagiro chimwi, oyo kaabharwa ati, anyamuuwe bhyone.

Barumi 4:15

kwa okubha okunyamura ebhiraagiro, okureterera okuyaanwa ebhitiibha. Nawe araabha bhitari‑wo ebhiraagiro, niwo kutari‑wo okunyamura ebhiraagiro.

Matayo 11:22

Nawe, enibhabhwira ati, ku‑rusuku rwa indamu, Nyamuwanga arisoosya indamu isito muno, okukira kutyo ariramura abhaanu bha emisi ja Tiiro na Sidooni.

Bagalatia 3:22

Nawe jitari kutyo. Ebhikaame Ebhyeru ebhyayika ati abhaanu bhoone bhari mw‑ibhoyero rya obhutungi bhwa ebhibhiibhi. Kurwa ejo, Nyamuwanga ꞉aaragire okusoosya echiinu chinu ꞉aaragire ku‑bhoone bhanu abheekirisya Yeesu Kirisito.

Yowana 19:11

Yeesu ˆnaamusubhya ati, “Utaakabheeye na obhuturo bhwonebhwone inguru yaani araabha ukabheeye utayaaywe na Nyamuwanga. Kurwa ejo, omuunu unu antuura mu‑mabhoko gaawo ari na echibhiibhi chinene muno okukira echaawo.”

Ebikorwa 2:23

Ejire eeya Yeesu oyo, ˆnaatuurwa mu‑mabhoko geemwe, rwa kutyo Nyamuwanga ꞉aaramuuye okuruubhana na obhukarariiye bhwaye, okusookerera kara. Emwe nimumwita ku‑musarabha, okutura ku‑bhanyamanga.