Barumi 2:1 - Indagano Inyaaya mu-Chijita

¹ Mbe, awe Omuyawudi weejaasu, chimari owuramura abhaanu abhandi bhanu abhakora emisango ejo. Nawe noorwo awe utakutura okwibhagira imbere ya Nyamuwanga! Ringira, omwanya gunu owuramura abhandi, niwo awe wone umenye ati owiramura omwene, kwa okubha emisango emijabhi jinu abhakora nijo awe omwene owukora.

INDAGANO INYA:YA

¹ Kwoukora utana rubamba:riro, awe mu:nu wo:ne unu ouramura oundi, okuba cinu ouramura owe:janyu, nico owiramura omwene, okuba na:we unu ouramura ka:we one nukora ebyo.

Barumi 2:1 Referans Kwoze

Ruuka 6:37

“Mwasiga okuramura abhandi, korereki emwe wone Nyamuwanga atarija okubharamura. Musige okwendera abhandi indamu, emwe wone mwasiga okwenderwa indamu. Mufwire echigongo abhaanu bhanu bhabhakayiiye, niwo emwe wone omuja okufwirwa echigongo ebhibhiibhi bhyemwe.

Barumi 2:3

Nawe awe unu owuramura abhaanu abhandi keenu awe wone nuukora emisango ejoejo, angu, owitogera ati uriiruka indamu ya Nyamuwanga?

Barumi 9:20

Nawe awe omuunu, naawe ga owuyaajana kutyo na Nyamuwanga? Angu, echiinu chinu chimogerwe echitura okubhuusya omumogi waacho ati, “Kurwa ki ꞉waammogere kutya?”

Yakobo 4:11

Bhayiri bhaani, musigega okuromana, kwa okubha unu kaaroma oweejaabho, amwi okuramura oweejaabho, oyo niwe kaabha agayire ebhiraagiro bhya Nyamuwanga. Omwanya gunu owikora okubha omuramusi wa ebhiraagiro keenu awe utari omuramusi waabhyo, niwo owubha utakubhigayuka, waabha omuramusi wa okuramura ebhiraagiro.

Yakobo 2:20

Awe uri mumuumu! Uchaakena okumenya ati, eriikirisya rinu ritari na ebhikorwa bhya ekisi, ritari na omuriiro?

Ruuka 19:22

“Omukama oyo, ˆnaamubhwira ati, ‘Awe omugaya omubhiibhi! Enija okukuramura okuruubhana na obhwayiki bhwawo omwene. Waayika ati, umenyere ati, anye niri mururu kabhukabhu, enigega anu ꞉nitaateeye echiinu wuri, na enigesa anu ꞉nitaayambire echiinu wuri.

1 Bakorinto 7:16

Awe omugasi omwikirisya, utakutura okumenya! Amwi omurume waawo aritura okwikirisya Kirisito ku‑songa ya eriikirisya ryawo. Awe omurume omwikirisya, utakutura okumenya! Amwi omugasi waawo aritura okwikirisya Kirisito ku‑songa ya eriikirisya ryawo.

Ruuka 12:14

Yeesu ˆnaamusubhya ati, “Musaani, niga unu ꞉aanteeye‑wo nibhe omuramusi weemwe, amwi omugabhi wa omwandu gwemwe?”

Barumi 2:2

Eswe chimenyere ati Nyamuwanga kaaramura kwa obhurengeresi abhaanu bhanu abhakora emisango rwa ejo.

Barumi 3:9

Mbe, chaayike ki? Angu, chaayike ati eswe Abhayawudi chiri na omuriiro okukira abhaanu abhandi bhanu bhatari Bhayawudi? Wuri! Rwa kutyo ndamarire okweresya, Abhayawudi na bhanu bhatari Bhayawudi, bhoone bhatungirwe na ebhibhiibhi.

Barumi 14:22

Woori awe, chinu owikirisya inguru ya emisango ejo, chibhe chaawo na Nyamuwanga waawo era. Ari na ribhando omuunu unu atakwiramura omwanya gunu kaakora echiinu chinu kaarora ati ni cha kisi.

1 Bakorinto 4:5

Woori, mwasiga okuramura abhaanu omwanya guchaari kukinga, rindirira okukingira orusuku runu Raatabhugenyi Yeesu ariija. Omwene niwe arituura abhweru ebhiinu bhyone bhinu bhibhisirwe mu‑chisuute na okweresya bhinu bhiri mu‑myoyo ja abhaanu. Niwo bhuri muunu aribhona jikuma jinu jimwiyire, okusooka ku‑Nyamuwanga.