Barumi 10:2 - Indagano Inyaaya mu-Chijita

² Enibhabhwira ati, abhaanu abho abheekomeesya muno okuyenja Nyamuwanga, noorwo kutyo bhatakusombookerwa kutyo Nyamuwanga keenda bhamuyenje.

INDAGANO INYA:YA

² Okuba enibabambarira ati, abe:kome:sya ku Nyamuanga, nawe tari mu kuso-mbo:kerwa.

Barumi 10:2 Referans Kwoze

Ebikorwa 21:20

Yakobho na abhakaruka bha rikanisa bhejire bhoongwa ejo, nibhakuuya Nyamuwanga. Niwo nibhabhwira Pawuro ati, “Omuyiri weeswe waarora ebhiwumbi na ebhiwumbi bhya Abhayawudi bhanu bheekirisiisye Yeesu na bhoone abharuubhirisya muno ebhiraagiro bhya Muusa.

Bafilipi 3:6

Ka wone ꞉neekomeesiisye muno okukora emisango jinu neetogeraga ati nijo Nyamuwanga kaakena. Echo nicho ꞉chankorere ninyaasya abheekirisya. Mu‑bhurengeresi bhunu obhubhonekana mu‑bhiraagiro bhya Muusa, naariga nitari na echikayo choonechoone.

Bafilipi 1:9

Enibhasabhirwa ku‑Nyamuwanga ati eryenda ryemwe rigenderere okwiyongesya muno, mu‑kubha na obhwengeeso na okusombookerwa kwone,

Barumi 10:3

Abheene ꞉bhataaruubhire injira inu Nyamuwanga kaabhara abhaanu okubha abharengeresi, kwa okubha ꞉bhataayisombookeeywe, ka wone ꞉bhaayenjere abheene injira ya okwibhonera obhurengeresi.

Bagalatia 1:14

꞉Naayigire abheejaasu bhaafu bha rikura ryani kwa okurwanirira idiini yeeswe ya Echiyawudi. ꞉Neekomeesiisye muno okugwata obhusimukwa bhwa bhasaaja weeswe.

2 Bakorinto 4:4

Abhaanu abho, bhatakwikirisya Yeesu, kwa okubha Syetaani omukama wa echaaro chinu, ayingiriiye obhwenge bhwebhwe. Eyo niyo isonga abhataamibhwa okurora obhweru bhwa Emisango ja Ekisi inguru ya rikusyo rya Kirisito, omwene niwe keeresya abhwerubhweru kutyo Nyamuwanga ari.

2 Bakorinto 4:6

Okubha Nyamuwanga ꞉aayikire ati, “Obhweru bhumirike mu‑chisuute.” Omwene niwe kaamirika emyoyo jeeswe, na okuchiyaana obhweru bhwa okusombookerwa rikusyo ryaye, rinu eringʼarabhya mu‑bhusu bhwa Yeesu Kirisito.

Ebikorwa 22:3

“Anye niri Muyawudi. ꞉Neebhuriiywe mu‑musi gwa Taariso mu‑mukoowa gwa Kiriikiya, nawe ꞉naarereeywe Yerusareemu anuanu. Anye naariga niri mwiyigisibhwa wa Gamaryeri. Omwene ꞉aanyiyigisiisye okugwata ebhiraagiro bhinu ꞉chaasigiiywe na bhasaaja weeswe. Naariga niri na obhwikomeeresya muno ku‑Nyamuwanga, rwa kutyo emwe wone muri na obhwikomeeresya obhwo reero.

2 Bakorinto 8:3

Enibhasoosisya obhubhambaasi ati, ꞉bhaasoosiisye ebhiinu bhyafu, okukira obhuturo bhwebhwe, ka wone ꞉bhaasoosiisye mu‑kwenda kwebhwe abheene.

Ebikorwa 21:28

“Emwe abharume bha Yisirayeeri! Muchisakire! Mbawo omuunu unu niwe uryaurya kaagenderera okwiyigisya abhaanu bha mbaara joone ati, bhachigaye eswe Abhayawudi, bhagaye ebhiraagiro bhya Muusa na bhagaye Riyekaru rinu. Okusiga ejo kaajabhiyasya ayeeru kwa okwingisya Abhayunaani mw‑Iyekaru rya Nyamuwanga.”

Bagalatia 4:15

Omwanya gurya mwariga muri na rikonderwa, nawe woori, okukonderwa kwemwe okwo kuri aaki? Enaayika echimari ati, ku‑mwanya gurya mwakaturire okwiya ameeso geemwe nimuganaana.

Bakolosai 4:13

Enisoosya obhubhambaasi ati, keekomeesya okukora emirimu inguru yeemwe na inguru ya abhaanu bha emisi ja Rawodeekiya na Eyaropoori.

Ebikorwa 22:22

Abhaanu abho bhaariga nibhategeresya Pawuro kisi. Nawe omwanya gunu ꞉aayikire emisango ejo, abhaanu nibhaamba okumwaya nibhaayikaga ati, “Eetwe, Eetwe! Omuunu rwa unu ateeyire okusigara‑mo omwoyo!”

Yowana 16:2

Abhaanu bharibhakindika mu‑nju ja ameekofyanyo. Oguuja omwanya gunu bhuri muunu unu aribheetaga, ariitogera ati kaakora emirimu ja Nyamuwanga.

Barumi 10:1

Abhayiri bhaani, eneenda kwa omwoyo gwani gwone ati Abhayisirayeeri bhachungurwe. Ogwo nigwo enibhasabhirwa muno ku‑Nyamuwanga.