Barumi 1:9 - Indagano Inyaaya mu-Chijita

⁹ Nyamuwanga unu enikorera emirimu kwa mwoyo gwani gwone mu‑kuraasisya abhaanu Emisango ja Ekisi ja Omwana waaye, kaamenya kutyo enibhasabhirwa omwanya gwone.

INDAGANO INYA:YA

⁹ Okuba Nyamuanga unu enikorera mu mwoyo gwani mu kwaika Ebyobwana ebyo Mwana wae, niwe kanyimako ati, eniba:ika emwe buto:sa,

Barumi 1:9 Referans Kwoze

Baefeso 6:18

Musabhwe Nyamuwanga omwanya gwone nimutangasibhwaga na Mwoyo Mweru. Mumusabhwe na okumwirembeeresya bhunyatayigwa ku‑bhuri musango. Ka wone, mugenderere okusabhirwa abheeru bha Nyamuwanga bhoone.

2 Timoteo 1:3

Enisiima Nyamuwanga unu enikorera emirimu mu‑mutima omweru, rwa kutyo ꞉bhaamukoreeye bhasaaja waani. Omwanya gwone enikwichuka, mw‑isabhwa ryani mu‑ngeta na mu‑mwisi.

Barumi 9:1

Kirisito kaamenya ati chinu enaayika woori, ni chimari era. Noorwo omutima gwani gunu ogutangasibhwa na Mwoyo Mweru wone ogumbambaarira ati, nitakwayika orubheeyi.

1 Batesalonika 5:17

mwasiga okuyigwa okusabhwa Nyamuwanga.

2 Bakorinto 1:23

Jinu enaayika ni ja chimari, noorwo Nyamuwanga kaamenya! ꞉Nitaasubhire kw‑imwe Koriito eyo, kwa okubha ꞉niteendere okusurumbasya emyoyo jeemwe.

1 Batesalonika 3:10

Echisabhwa Nyamuwanga muno bhuri rusuku, mu‑ngeta na mu‑mwisi ati, achisakire chibhagosorere. Echikena chibhugane na emwe, korereki chibhasakire anu eriikirisya ryemwe rigerukire.

1 Batesalonika 1:2

Echisiima Nyamuwanga bhuri rusuku inguru yeemwe bhoone na chitakuyigwa okubhasabhirwa.

Bafilipi 3:3

Eswe neeswe chitenderwe echinyamwoyo kwa okubha Mwoyo wa Nyamuwanga kaachisakira kutyo jiiyire chiramye Nyamuwanga. Eswe echikuuyisya Kirisito Yeesu na okumwiyikanya. Ka wone chitakwiyikanya ebhikorwa bhyeswe bhya echinyamubhiri korereki chibhone obhuchungusi,

Bafilipi 1:4

Ka wone omwanya gwone bhunu enibhasabhirwa, enisabhwaga nikondereywe,

Ebikorwa 27:23

Okubha anye niri muunu wa Nyamuwanga ka niwe eniramya. Reero mu‑ngeta maraayika waaye aansoromokera, ˆneemereeguru ayeeyi na anye,

Ebikorwa 19:21

Emisango ejo jejire jaawa, Pawuro ˆnaaramura okugenda Yerusareemu okutura mu‑mikoowa ja Makedooniya na Akaaya. ꞉Aayikire ati, “Nikakinga Yerusareemu, neenderwe nikinge mu‑musi gwa Ruumi.”

1 Timoteo 2:7

Nikwo okukora anye ꞉naateeywe‑wo okubha omuraasya na okubha itumwa. Ka wone ꞉naateeywe‑wo okubha omwiyigisya wa abhaanu bhanu bhatari Bhayawudi, korereki nibhe nindaasya emisango ja eriikirisya na echimari. Enaayika echimari, nitakubheeya wuri.

Bafilipi 2:22

Nawe mumenyere kutyo orukuma rwa Timoteewo rwariga ruri rwa ekisi. ꞉Aakorere aamwi na anye emirimu ja okuraasya Emisango ja Ekisi, rwa omwana na esemwene.

Bagalatia 1:20

Nyamuwanga kaamenya ati emisango jinu enibhakaamira ni ja echimari, jitari ja orubheeyi!

2 Bakorinto 11:31

Nyamuwanga Esemwene Raatabhugenyi Yeesu, unu eeyire okukusibhwa akajaanende koone, amenyere ati nitakwayika orubheeyi.

Ebikorwa 24:14

“Nawe, eniikirisya imbere yaawo ati, anye eniramya Nyamuwanga wa bhasaaja weeswe, kwa okuruubhirisya Injira ya Yeesu inu abhatangasya bha Abhayawudi abhayitoga ati, ni idiini ya orubheeyi. Eniikirisya bhuri echiinu chinu chiri mu‑bhiraagiro bhya Muusa na mu‑bhikaame bhya abharagi.

Ebikorwa 12:5

Kurwa ejo Peetero ꞉aabhoyerwe mw‑ibhoyero, nawe abheekirisya bhaariga nibheekomeesya muno okumusabhirwa ku‑Nyamuwanga.

Ebikorwa 3:26

Kurwa ejo, omwanya gunu Nyamuwanga ꞉aasorere omukosi waaye Yeesu, ꞉aamutumire kw‑imwe okwamba, korereki abhayaane amabhando kwa okubhasoosya bhuri muunu mu‑bhibhiibhi bhyaye.”

Ruuka 18:1

Mbe, Yeesu ˆnaabhwira abheeyigisibhwa bhaaye echijekekanyo, korereki okubheeresya ati, bheenderwe bhagenderere okusabhwa Nyamuwanga okufwa omutima wuri.

Mariko 1:1

Bhunu nibhwo obhwambiro bhwa Emisango ja Ekisi ja Yeesu Kirisito, Omwana wa Nyamuwanga.

Filemoni 1:4

Omwanya gwone gunu enikusabhirwa, enisiima Nyamuwanga,

Bafilipi 1:3

Bhuri mwanya nikabheechuka, enisiima Nyamuwanga waani.