Barumi 1:7 - Indagano Inyaaya mu-Chijita

⁷ Enibhakaamira emwe abheekirisya bhoone bhanu muri Ruumi eyo. Nyamuwanga kaabheenda muno, na abhabhirikiiye, korereki mubhe abhaanu bhaaye abheeru. Obhwitiriranya na omurembe okusooka ku‑Nyamuwanga Raata weeswe, na ku‑Raatabhugenyi Yeesu Kirisito, bhibhe aamwi na emwe.

INDAGANO INYA:YA

⁷ Enibandikira emwe bo:ne abende Rumi, banu mwenderwe na Nyamuanga, banu mwabirikiywe okuba be:ru. Ecigongo cibe kwimwe no murembe binu ebiso:ka ku Nyamuanga Rata na ku Ratabugenyi Yesu Kristo.

Barumi 1:7 Referans Kwoze

Bakolosai 1:2

Echikaamira emwe abheeru bha Nyamuwanga bhanu mwikaaye mu‑musi gwa Korosaayi, emwe abhayiri bheeswe abheeyikanyibhwa mu‑kubha na obhumwi na Kirisito. Obhwitiriranya na omurembe okusooka ku‑Nyamuwanga, Raata weeswe, bhibhe aamwi na emwe.

Baefeso 1:2

Obhwitiriranya na omurembe okusooka ku‑Nyamuwanga Raata weeswe na ku‑Raatabhugenyi Yeesu Kirisito, bhibhe aamwi na emwe.

1 Batesalonika 1:1

Inyarubha inu, niikaamire anye Pawuro, niri aamwi na Sirwano na Timoteewo. Echibhakaamira emwe bhanu muri mw‑ikanisa rinu riri mu‑musi gwa Tesaroonike, emwe bhanu mwikirisiisye Raata Nyamuwanga na Raatabhugenyi Yeesu Kirisito. Obhwitiriranya na omurembe bhibhe aamwi na emwe.

2 Yoana 1:3

Mbe, Raata Nyamuwanga na Omwana waaye Yeesu Kirisito, abhachiyaana obhwitiriranya, echigongo na omurembe, eswe bhanu echiruubha echimari na eryenda.

Filemoni 1:3

Obhwitiriranya na omurembe okusooka ku‑Nyamuwanga Raata weeswe na ku‑Raatabhugenyi Yeesu Kirisito, bhibhe aamwi na emwe.

2 Batesalonika 3:18

Obhwitiriranya bhwa Raatabhugenyi weeswe Yeesu Kirisito, bhubhe aamwi na emwe bhoone.

2 Batesalonika 3:16

Woori, Raatabhugenyi Yeesu omwene unu ari obhwambiro bhwa omurembe, abhayaanega omurembe omwanya gwone ku‑njira joone. Omwene abhe aamwi na emwe bhoone.

Obhusweruro 22:21

Obhwitiriranya bhwa Raatabhugenyi Yeesu bhubhe aamwi na emwe bhoone. Jibhe kutyo.

Filemoni 1:25

Obhwitiriranya bhwa Raatabhugenyi Yeesu Kirisito bhubhe aamwi na emwe bhoone.

1 Yoana 3:1

Mbe, mwiganirisye kutyo Raata Nyamuwanga acheendere muno, okukingira okuchitoga ati chiri bhaana bhaaye! Chimari, nikwo kutyo chiri. Nawe abhaanu bhanu bhatakugayuka Nyamuwanga bhatakumenya ati, eswe chiri bhaana bhaaye, kwa okubha bhatakumusombookerwa.

1 Petero 1:15

Nyamuwanga unu ꞉aabhabhirikiiye ni mweru. Woori emwe wone omukenwa mubhe abheeru mu‑katungiiywe keemwe,

Tiito 1:4

Enikukaamira awe Tiito, omwana waani wa echimari mu‑riikirisya rinu echisangira aamwi. Obhwitiriranya na omurembe okusooka ku‑Raata Nyamuwanga na ku‑Kirisito Yeesu Omuchungusi weeswe, bhibhe aamwi na awe.

2 Timoteo 4:22

Raatabhugenyi Yeesu abhe aamwi na awe. Obhwitiriranya bhwaye bhubhe aamwi na emwe bhoone.

2 Timoteo 1:2

Enikukaamira awe Timoteewo, omwana waani omwendwa. Obhwitiriranya, echigongo na omurembe okusooka ku‑Raata Nyamuwanga na ku‑Kirisito Yeesu Raatabhugenyi weeswe, bhibhe aamwi na awe.

1 Timoteo 1:2

Enikukaamira awe Timoteewo, omwana waani wa echimari mu‑riikirisya. Obhwitiriranya, echigongo na omurembe okusooka ku‑Raata Nyamuwanga na ku‑Kirisito Yeesu Raatabhugenyi weeswe, bhibhe aamwi na awe.

1 Batesalonika 5:28

Obhwitiriranya bhwa Raatabhugenyi weeswe Yeesu Kirisito, bhubhe aamwi na emwe bhoone.

1 Batesalonika 4:7

Okubha Nyamuwanga ꞉ataachibhirikiiye korereki chikore obhujabhi, tari ꞉aachibhirikiiye chirame mu‑bhweru.

1 Batesalonika 1:3

Bhunu echibhasabhirwa ku‑Nyamuwanga Raata weeswe, echiichuka imbere yaaye, emirimu jeemwe jinu omukora mu‑riikirisya. Echiichuka okukomeera kwemwe kunu okuruubhana na eryenda ryemwe, ka wone, okwigumiirisya kwemwe kunu okuruubhana na obhwiyikanyo bhwemwe bhwa okusubha rindi Raatabhugenyi Yeesu Kirisito.

Bakolosai 3:12

Woori, kwa okubha emwe mwabha abhasorwa, abheeru na abheendwa bha Nyamuwanga, mubhe na omwoyo gwa echigongo, obhwa ekisi, obhwikeeya, obhworooro na obhwigumiirisya.

Bafilipi 4:23

Obhwitiriranya bhwa Raatabhugenyi weeswe Yeesu Kirisito bhubhe aamwi na emwe.

Bafilipi 4:20

Nyamuwanga, Raata weeswe, akusibhwe akajaanende koone. Jibhe kutyo.

Baefeso 6:23

Omurembe gubhe neemwe, emwe abhayiri bheeswe, na eryenda aamwi na eriikirisya, okusooka ku‑Raata Nyamuwanga na ku‑Raatabhugenyi Yeesu Kirisito.

Bagalatia 6:18

Abhayiri bhaani, obhwitiriranya bhwa Raatabhugenyi weeswe Yeesu Kirisito bhubhe aamwi na emwe. Jibhe kutyo.

1 Bakorinto 16:23

Obhwitiriranya bhwa Raatabhugenyi Yeesu bhubhe aamwi na emwe.

Barumi 9:25

Ogwo nigwo gunu Nyamuwanga ꞉aayikire mu‑chitabho cha omuragi Woseya ati, “Bhanu bhatari bhaanu bhaani, niribhatoga ‘Abhaanu bhaani.’ Abhaanu bhanu naariga nitakwenda, niribhatoga ‘Abheendwa bhaani.’”

Barumi 5:1

Mbe, Nyamuwanga achibharire okubha abharengeresi imbere yaaye, okuruubhana na eriikirisya ryeswe. Kurwa ejo, chiri na omurembe na Nyamuwanga okutura ku‑Raatabhugenyi weeswe Yeesu Kirisito.

Ebikorwa 15:23

“Eswe jitumwa aamwi na abhakaruka bha rikanisa, echibhakeesya emwe abheekirisya bhanu mutari Bhayawudi, bhanu muri mu‑musi gwa Atiyookiya, na emikoowa ja Siiriya na Kiriikiya.

Bakolosai 3:15

Omurembe gwa Kirisito gutunge mu‑myoyo jeemwe. Emwe mubheeye omubhiri gumwi, kurwa ejo mubhirikiiywe okurama kwa omurembe. Ka wone, nimusiimaga Nyamuwanga.

Bafilipi 4:13

Enitura okukora emisango ejo joone, kwa okubha Kirisito niwe kaanaana amanaga.

Barumi 1:6

Emwe wone muri mu‑abho na mubhirikiiywe okubha abhaanu bha Yeesu Kirisito.

Obhusweruro 2:1

Omuunu oyo, ˆnaagenderera okwayika ati, “Ukaamire maraayika wa mw‑ikanisa rya Yefeeso kutya, Anye niri na jinjota jirya etaanu na ebhiri mu‑kubhoko kwani kwa ebhuryo, anye eniribhataga agatigati ya emitereko etaanu na ebhiri ja inaaryo ja okutuura‑ko jidara. Mutegeresye jinu enibhabhwira!

Yakobo 1:1

Inyarubha inu niikaamire anye Yakobho, omukosi wa Nyamuwanga na owa Raatabhugenyi Yeesu Kirisito. Enikaamira emwe jingʼanda ekumi na ebhiri, jinu jinyarambukire na okuja okwikara mu‑bhyaro bhyafubhyafu. Enibhakeesya!

Yowana 20:17

Yeesu ˆnaamubhwira ati, “Nuusige okungwata‑ko. Nichaari okugenda mu‑rwire ku‑Raata. Mbe, genda ubhwire abhayiri bhaani, ati enigenda mu‑rwire ku‑Raata waani, unu ari Esomwana wone, ku‑Nyamuwanga waani unu ari Nyamuwanga weemwe wone.”

Matayo 5:16

Nikwo kutyo, obhweru bhwemwe obhukenwa bhumurikirega abhaanu, korereki bharore ebhikorwa bhyemwe bhya ekisi, bhakusye Esomwana unu ari mu‑rwire.

Obhusweruro 3:22

Unu kaategeresya, noongwe emisango jinu Mwoyo Mweru kaabhwira amakanisa.”

Obhusweruro 3:14

“Ukaamire maraayika wa mw‑ikanisa rya Rawodeekiya kutya, Anye, naanye Jibhe kutyo, omubhambaasi omwiyikanyibhwa wa echimari inguru ya Nyamuwanga. Anye, naanye obhusimukwa bhwa ebhibhumbwa bhyone bhinu Nyamuwanga ꞉aabhumbire. Mutegeresye jinu enibhabhwira!

Obhusweruro 3:7

“Ukaamire maraayika wa mw‑ikanisa rya Firadeefiya kutya, Anye niwe omweru na owa echimari. Ka wone, niri na orwiguriro rwa omukama Dawudi. Nikeegara orwigi, atari‑wo owundi unu kaatura okurwigura. Nikarwigura, atari‑wo owundi unu kaatura okurwigara. Mutegeresye jinu enibhabhwira!

Obhusweruro 2:29

Unu kaategeresya, noongwe emisango jinu Mwoyo Mweru kaabhwira amakanisa.”

Obhusweruro 2:18

“Ukaamire maraayika wa mw‑ikanisa rya Tiyaatira kutya, Anye, naanye Omwana wa Nyamuwanga. Ameeso gaani gari rwa jimbeesi ja omuriro na amaguru gaani agangʼarabhya muno rwa echuuma echitukurasi chinu chikuubhirwe muno. Mutegeresye jinu enibhabhwira!

Obhusweruro 2:12

“Ukaamire maraayika wa mw‑ikanisa rya Perigaamo kutya, Niri na imbanda eya amoogi gabhiri. Mutegeresye jinu enibhabhwira!

Obhusweruro 2:8

“Ukaamire maraayika wa mw‑ikanisa rya Simuriina kutya, Anye niri wa okwamba na owa obhuteero. ꞉Naafuuwe, ninsuuruka! Mutegeresye jinu enibhabhwira!

1 Timoteo 6:2

Araabha abhagaya bhari na abhaami abheekirisya bhasige okubhagaya, kwa okubha abheene wone ni bhayiri. Abhagaya abho, abhakenwa bhabhakorere ja ekisi muno, kwa okubha abhabha nibhasakira abheekirisya abheejaabho, ka wone ni bheendwa bheebhwe. Ejo ujiiyigisye na okujikomeeresya.

Ebikorwa 9:13

Nawe Ananiiya ˆnaayika ati, “Raatabhugenyi, abhaanu bhaafu bhaambwira kutyo Saawuri oyo ꞉aakoreeye abheeru bhaawo amabhiibhi Yerusareemu eyo!

Barumi 5:5

Obhwiyikanyo obhwo, bhutakutura okuchiswasya, kwa okubha Nyamuwanga eeturuuye eryenda ryaye ryafu mu‑myoyo jeeswe, okutura Mwoyo waaye Mweru unu achiyaaye.

Barumi 8:28

Chimenyere ati, mu‑joone Nyamuwanga kaakorera eja ekisi abhaanu bhanu abhamwenda, nibho bhabhirikiiywe okuruubhana na obhutinge bhwaye.

1 Bakorinto 1:24

Nawe ku‑bhaanu bhanu Nyamuwanga ꞉aabhirikiiye okubha abhaanu bhaaye, bhabhe Abhayawudi amwi bhabhe Abhayunaani, Kirisito niwe amanaga ga Nyamuwanga na obhwengeeso bhwa Nyamuwanga.

Bafilipi 1:2

Obhwitiriranya na omurembe okusooka ku‑Nyamuwanga Raata weeswe na ku‑Raatabhugenyi Yeesu Kirisito, bhibhe aamwi na emwe.

1 Batesalonika 1:4

Mbe, emwe abhayiri bheeswe, bhanu mwenderwe na Nyamuwanga, echimenya ati, omwene abhasorere okubha abhaana bhaaye.

2 Batesalonika 1:2

Obhwitiriranya na omurembe okusooka ku‑Raata Nyamuwanga na ku‑Raatabhugenyi Yeesu Kirisito bhibhe aamwi na emwe.