Barumi 1:11 - Indagano Inyaaya mu-Chijita

¹¹ Enisabhwa kutyo, kwa okubha niri na obhwira muno bhwa okubhugana na emwe, korereki nirumatanye eriikirisya ryemwe kwa okubhayaana amabhando ga echinyamwoyo.

INDAGANO INYA:YA

¹¹ Okuba eniranga okubarora, korereki mbayane eciyanywa co mwoyo, korereki mukome:sibwe.

Barumi 1:11 Referans Kwoze

2 Petero 1:12

Kurwa ejo, nirigenderera okubheechukya emisango ejo siku joone, noorwo kutyo omujimenya na okwimaririra mu‑chimari chinu ꞉mweeyigiiye.

Barumi 16:25

Woori, chikusye Nyamuwanga! Omwene kaatura okukora mubhe nimurumatana mu‑riikirisya ryemwe, okutura ku‑Misango ja Ekisi inguru ya Yeesu Kirisito jinu naariga nindaasya kw‑imwe. Emisango ejo nijo obhutinge bhwa imbisike bhunu bhwariga bhubhisirwe kara,

2 Batesalonika 3:3

Nawe Raatabhugenyi Yeesu ni mwiyikanyibhwa, omwene kaja okubhakomeesya na okubhaangarira okusooka ku‑Mubhiibhi urya.

Barumi 15:29

Enimenya ati, omwanya gunu niribhaaja‑ko na okubha aamwi na emwe eyo, Kirisito arichiyaana amabhando maafu muno.

1 Petero 5:12

Naabhakaamira inyarubha ifuyi inu, kwa obhusakisi bhwa Sirwano. Anye enisombookerwa kisi ati, omwene ni omwiyikanyibhwa. Obhukarariiye bhwani ni kukomeesya emyoyo jeemwe na okubhabhwira ati, emisango jinu chimari ni bhwitiriranya bhwa Nyamuwanga. Woori, mwimereeguru murumateene mu‑bhwitiriranya obhwo.

1 Petero 5:10

Nyamuwanga wa obhwitiriranya bhwone, ꞉aabhabhirikiiye korereki musangire aamwi nage mw‑ikusyo ryaye rya akajaanende koone, aamwi na Kirisito. Omunyaaka kwa omwanya mutooto era, nawe Nyamuwanga omwene aribhakomeesya, aribhayaana amanaga na okubhakuumisya.

2 Batesalonika 2:17

abhasimbiisye emyoyo na okubhakomeesya, korereki mukorega na okwayika jinu jiri ja ekisi.

Ebikorwa 19:6

Omwanya gunu Pawuro ꞉aabhatereeye‑ko amabhoko gaaye, awoawo Mwoyo Mweru ˆnaabheekira, nibhaamba okwayika mu‑nyaayika jingenyi na okusoosya obhuragi.

Ebikorwa 16:5

Kutyo nikwo abheekirisya ꞉bhaagendereeye okukomeera mu‑riikirisya. Obhukumi bhwebhwe bhwariga nibhwiyongesya bhuri rusuku.

1 Batesalonika 3:13

Akomeesye emitima jeemwe, korereki mubhe abheeru, bhanyamburwa esoro mu‑meeso ga Nyamuwanga Raata weeswe, omwanya gunu Raatabhugenyi weeswe Yeesu arisubha aamwi na abheeru bhaaye bhoone.

1 Batesalonika 3:2

Nichituma Timoteewo omuyiri weeswe, korereki aaje okukomeesya emyoyo jeemwe na okubhasimbiisya inguru ya eriikirisya ryemwe. Omwene ni mukosi weejaasu wa Nyamuwanga, wa okuraasya Emisango ja Ekisi inguru ya Kirisito.

Bafilipi 4:1

Kurwa ejo, abhayiri bhaani, mwimereeguru murumateene mu‑kwiyikanya Raatabhugenyi Yeesu. Enibheenda na niri na obhwira bhwa okubhugana na emwe, abheendwa bhaani. Emwe neemwe rikonderwa ryani na orutengya rwani rwa obhuyigi runu niriyaanwa inguru ya emirimu jinu nikorere.

Bafilipi 2:26

Enimwikirisisya kwa okubha keegomba okubhugana na emwe bhoone. Ka wone omwoyo gwaye ogusurumbara muno, kwa okubha ꞉mwoonguuwe ati aariga arwaye.

Bafilipi 1:8

Nyamuwanga niwe kaamenya ati enaayika echimari kutyo eniigomba okubhugana aamwi na emwe rindi, niri na eryenda riryarirya rwa kutyo Kirisito Yeesu kaabheenda.

2 Bakorinto 9:14

Bharibhaga nibhabhasabhirwa ku‑Nyamuwanga kwa eryenda ryafu, ku‑songa ya obhwitiriranya bhwafu bhunu Nyamuwanga abhayaaye emwe.

2 Bakorinto 1:21

Mbe, Nyamuwanga niwe kaachirumatanya na emwe mu‑kwikirisya Kirisito. Achisorere

Barumi 15:32

Kutyo, araabha Nyamuwanga aakeenda, niribhaaja‑ko awo kwa rikonderwa muno, korereki nibhe na omwanya gwa okwisya omwoyo aamwi na emwe.

Barumi 15:23

Nawe woori, naakuumisya emirimu jaani mu‑mbaara jinu, na ni miguuga myafu naakenaga okubhaaja‑ko.

Ebikorwa 19:21

Emisango ejo jejire jaawa, Pawuro ˆnaaramura okugenda Yerusareemu okutura mu‑mikoowa ja Makedooniya na Akaaya. ꞉Aayikire ati, “Nikakinga Yerusareemu, neenderwe nikinge mu‑musi gwa Ruumi.”

Baeburania 13:9

Musigega okugegwagegwa na ameeyigisyo maafumaafu amagenyi, kwa okubha obhwitiriranya bhwa Nyamuwanga nibhwo obhurumatanya emyoyo jeemwe, noorwo bhitari ebhiraagiro inguru ya ebhiryo. Ebhiraagiro ebhyo bhitakusakira gwonegwone ku‑bhaanu bhanu abhabhiruubha.

2 Bakorinto 11:4

Enaayika kutyo, kwa okubha emwe muri bhaangu okuramira omuunu unu kaaja okuraasya emisango inguru ya Yeesu, jinu jitaasyanyiisye na jinu eswe ꞉chaaraasiisye. Ka wone, omuramira omwoyo ogundi, amwi emisango ejindi bhwangubhwangu era, noorwo kutyo ejitaasyanya na jinu ꞉mwaramiiye okusooka kw‑iswe.

Barumi 1:12

Chinu eneenda ni ati, eriikirisya ryemwe rindumatanye, na eriikirisya ryani ribharumatanye.

2 Bakorinto 1:15

Naariga niri na obhwiyikanyo obhwo, nikwo okukora naariga nineenda okukinga kw‑imwe eyo okwamba, korereki mubhone ribhando rya okugosorerwa na anye orwa kabhiri.