Barumi 1:1 - Indagano Inyaaya mu-Chijita

¹ Inyarubha inu, niikaamire anye Pawuro, omukosi wa Kirisito Yeesu. Anye ꞉naabhirikiiywe nibhe itumwa yaaye, na okusorwa na Nyamuwanga nibhega nindaasya Emisango jaaye ja Ekisi.

INDAGANO INYA:YA

¹ Anye Paulo, omugaya wa Yesu Kristo, unu nabirikiywe okuba ntumwa, unu na:uywe okusimura Ebyobwana ebya Nyamuanga,

Barumi 1:1 Referans Kwoze

Ebikorwa 9:15

Nawe Raatabhugenyi ˆnaabhwira Ananiiya ati, “Genda era! Omuunu oyo, naamusora abhe omukosi waani, korereki araasye risiina ryani ku‑bhaanu bhanu bhatari Bhayawudi, ku‑bhakama bheebhwe na ku‑Bhayisirayeeri abheene.

Barumi 15:16

korereki nibhe omukosi wa Kirisito Yeesu ku‑bhaanu bhanu bhatari Bhayawudi. ꞉Naakorerwe okubha rwa omugabhisi wa okubharaasisya Emisango ja Ekisi okusooka ku‑Nyamuwanga, korereki bhabhe ebhyogo bhinu ebhikondisya Nyamuwanga, bhyesiibhwe na Mwoyo Mweru.

1 Bakorinto 1:1

Inyarubha inu, niikaamire anye Pawuro, niri aamwi na Sositeene omuyiri weeswe mu‑riikirisya. Anye Pawuro ꞉naabhirikiiywe okubha itumwa ya Kirisito Yeesu mu‑kwenda kwa Nyamuwanga.

Bakolosai 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, niri aamwi na Timoteewo omuyiri weeswe mu‑riikirisya.

Tiito 1:1

Inyarubha inu, niikaamire anye Pawuro, omukosi wa Nyamuwanga na itumwa ya Yeesu Kirisito. Nitumirwe okusimbiisya abhaanu bhanu Nyamuwanga asorere, korereki bhabhe na eriikirisya enene na bhamenye ameeyigisyo ga echimari inguru ya Kirisito. Ameeyigisyo ago, garibhakora okurama rwa kutyo Nyamuwanga keenda.

Barumi 1:9

Nyamuwanga unu enikorera emirimu kwa mwoyo gwani gwone mu‑kuraasisya abhaanu Emisango ja Ekisi ja Omwana waaye, kaamenya kutyo enibhasabhirwa omwanya gwone.

2 Bakorinto 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, niri aamwi na Timoteewo omuyiri weeswe mu‑riikirisya. Echikaamira emwe bhanu muri mw‑ikanisa rya Nyamuwanga mu‑musi gwa Koriito, aamwi na abheeru bhoone bha Nyamuwanga bhanu bhari mu‑mukoowa gwa Akaaya.

1 Bakorinto 9:1

Woori, anye nitari mwitaage? Anye nitari tumwa? Anye ꞉nitaarorere Raatabhugenyi weeswe Yeesu? Ka wone emirimu jinu anye ꞉naakorere jitari nijo jinu jikorere emwe mwikirisye Raatabhugenyi?

2 Timoteo 1:11

Anye nisorerwe korereki nibhe omuraasya, itumwa na omwiyigisya wa Emisango ja Ekisi ejo.

1 Timoteo 1:1

Inyarubha inu, niikaamire anye Pawuro, itumwa ya Yeesu Kirisito. Anye nitumirwe okubha itumwa ya Kirisito Yeesu ku‑chiragiriro cha Nyamuwanga Omuchungusi weeswe na Kirisito Yeesu niwe obhwiyikanyo bhweswe.

Bagalatia 1:1

Inyarubha inu, niikaamire anye Pawuro. Anye ꞉nitaatumirwe na abhaanu amwi okuragirirwa na omuunu omurebhe, tari ꞉naatumirwe na Yeesu Kirisito omwene na Raata Nyamuwanga unu ꞉aasuuruuye Yeesu okusooka mu‑bhafuuwe.

1 Timoteo 2:7

Nikwo okukora anye ꞉naateeywe‑wo okubha omuraasya na okubha itumwa. Ka wone ꞉naateeywe‑wo okubha omwiyigisya wa abhaanu bhanu bhatari Bhayawudi, korereki nibhe nindaasya emisango ja eriikirisya na echimari. Enaayika echimari, nitakubheeya wuri.

1 Batesalonika 2:2

Ka wone mumenyere ati omwanya gunu chaariga chichaari okukinga kw‑imwe, ꞉chaanyaasiibhwe muno na okufumwa mu‑musi gurya gwa Firiipi. Noorwo kw‑imwe ꞉chaayingiriiywe muno, nawe Nyamuwanga weeswe ꞉aachiyaaye ribhaasi rya okubharaasisya Emisango ja Ekisi.

Barumi 1:5

Okutura ku‑mwene Nyamuwanga ꞉aanaaye obhwitiriranya bhwa okubha itumwa ya Raatabhugenyi Yeesu, korereki abhaanu bhoone bhanu bhatari Bhayawudi, bhature okwikirisya na okugayuka emisango ja Raatabhugenyi Yeesu, na risiina ryaye riyaanwe rikusyo.

Bafilipi 1:1

Inyarubha inu, niikaamire anye Pawuro, niri aamwi na Timoteewo, omukosi weejaasu wa Kirisito Yeesu. Echikaamira abhaangarisi na abhasakisi bha rikanisa, na emwe abheeru bhoone bha Nyamuwanga Firiipi eyo, bhanu muri na obhumwi na Kirisito Yeesu.

Obhusweruro 1:1

Bhunu nibhwo obhusweruro bhwa Yeesu Kirisito. Nyamuwanga ꞉aamusweruriiye, korereki eeresye abhakosi bhaaye emisango jinu ni bhusibhusi jikorekane bhwangu. Yeesu wone ˆnaaragirira maraayika waaye okunnyeeresya emisango ejo anye omukosi waaye Yowana.

Yuuda 1:1

Inyarubha inu, niikaamire anye Yuuda. Anye, niri mukosi wa Yeesu Kirisito, ka wone, niri mumura waabho Yakobho. Enikaamira emwe abhaanu bhanu mubhirikiiywe na Raata Nyamuwanga. Omwene kaabheenda, na kaabhaangarira kisi okukingira anu Yeesu Kirisito ariijira.

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

Yakobo 1:1

Inyarubha inu niikaamire anye Yakobho, omukosi wa Nyamuwanga na owa Raatabhugenyi Yeesu Kirisito. Enikaamira emwe jingʼanda ekumi na ebhiri, jinu jinyarambukire na okuja okwikara mu‑bhyaro bhyafubhyafu. Enibhakeesya!

Baeburania 5:4

Atari‑wo omuunu unu kaatura okwiyaana omwene echibharo cha okubha omugabhisi omukuru, tari Nyamuwanga niwe kaamusora rwa kutyo ꞉aasorere Aruuni.

Bafilipi 2:11

Ka wone bhuri muunu aayike ati Yeesu Kirisito niwe Raatabhugenyi. Nikwo kutyo Raata Nyamuwanga arikusibhwa.

Baefeso 4:11

Omwene niwe ꞉aawuuwe abhaanu abhandi okubha jitumwa, abhandi abharagi, abhandi abharaasya, abhandi abhareefi na abheeyigisya.

Baefeso 1:13

Emwe wone, bhanu mutari Bhayawudi ꞉mwoonguuwe omusango gwa echimari, nijo Emisango ja Ekisi ja obhuchungusi bhwemwe. Ka wone, mwejire mweekirisya Kirisito, Nyamuwanga ꞉aabhateeye‑ko orunabho kwa okubhayaana Mwoyo Mweru unu aariga abharagire. Kwa okukora kutyo, ꞉eeresiisye ati, muri abhaana bhaaye.

2 Bakorinto 12:11

Naayika rwa omumuumu, nawe emwe neemwe mwareterera naayike kutyo. Emwe mwariga nimwendwa munkuuye. Noorwo araabha enibhonekana ati, niteeyire, anye nitari mutooto okukira bhanu abheerora wuti nibho jitumwa jingʼuru.

2 Bakorinto 11:5

Anye nitakwirora ati niri mutooto okukira bhanu abheerora wuti nibho jitumwa jingʼuru.

2 Bakorinto 4:5

Eswe chitakuraasya emisango jeeswe, tari chiraasya ati Yeesu Kirisito ni Raatabhugenyi, ka eswe chiri bhakosi bheemwe inguru yaaye.

Barumi 1:16

Anye nitakwiswara okuraasya Emisango ja Ekisi ejo, kwa okubha nijo obhuturo bhwa Nyamuwanga bhwa okuchungura abhaanu bhoone bhanu abheekirisya Yeesu, okwambira Abhayawudi okukingira abhaanu bhanu bhatari Bhayawudi.

Ebikorwa 22:21

Nawe Raatabhugenyi ˆnaansubhya ati, ‘Genda, kwa okubha enija okukutuma ugende mu‑bhyaro ebhindi bhya kura ku‑bhaanu bhanu bhatari Bhayawudi.’”

Ebikorwa 22:7

Ningwa aasi, ninuungwa obhuraka nibhumbwira ati, ‘Saawuri awe! Saawuri awe! Ni kurwa ki owunnyaasya?’

Ebikorwa 20:24

Nawe, nitakubhara obhurame bhwani ati ni chiinu cha omuriiro kw‑anye, korereki nikuumisye emirimu jinu Raatabhugenyi Yeesu ꞉aanaaye nikore. Emirimu ejo ni kuraasisya abhaanu Emisango ja Ekisi ja obhwitiriranya bhwa Nyamuwanga ku‑bhaanu.

Obhusweruro 22:9

Nawe omwene, ˆnaambwira ati, “Siga okukora kutyo! Anye niri omukosi weejaanyu aamwi na abharagi bhanu bhari abhayiri bheejaanyu mu‑riikirisya na bhoone bhanu abhagayuka emisango ja echitabho chinu. Ramya Nyamuwanga omwene era!”

Bakolosai 1:25

Nyamuwanga anteeye‑wo okubha omukosi wa rikanisa ryaye, korereki nibharaasisye emisango jaaye joone kutyo jiri.

Baefeso 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga. Enikaamira emwe abheeru bha Nyamuwanga [bhanu muri mu‑musi gwa Yefeeso]. Emwe muri abheeyikanyibhwa mu‑kubha na obhumwi na Kirisito Yeesu.

Barumi 16:25

Woori, chikusye Nyamuwanga! Omwene kaatura okukora mubhe nimurumatana mu‑riikirisya ryemwe, okutura ku‑Misango ja Ekisi inguru ya Yeesu Kirisito jinu naariga nindaasya kw‑imwe. Emisango ejo nijo obhutinge bhwa imbisike bhunu bhwariga bhubhisirwe kara,

Barumi 16:18

Abhaanu bha imbaga eyo bhatakukorera emirimu Kirisito, Raatabhugenyi weeswe, tari wubha nibharuubha okurigira kwebhwe abheene. Abhaayika emisango ja ekisi ja okukondisya, nawe abhajiga abheekirisya bhanu bhatakwiyikanya okukorerwa obhubhiibhi bhwonebhwone.

Barumi 15:29

Enimenya ati, omwanya gunu niribhaaja‑ko na okubha aamwi na emwe eyo, Kirisito arichiyaana amabhando maafu muno.

Barumi 11:13

Woori, enaayika na emwe bhanu mutari Bhayisirayeeri. Chimari Nyamuwanga ꞉aantumire nibhe itumwa inguru ya abhaanu bhanu bhatari Bhayisirayeeri. Enikusya emirimu jinu niyaaywe,

Ebikorwa 27:23

Okubha anye niri muunu wa Nyamuwanga ka niwe eniramya. Reero mu‑ngeta maraayika waaye aansoromokera, ˆneemereeguru ayeeyi na anye,

Ebikorwa 26:1

Feesito ejire aamara, niwo Agiriipa ˆnaabhwira Pawuro ati, “Owikirisibhwa okwibhagira.” Pawuro ˆneenamusya okubhoko okwibhagira, ˆnaayikaga ati,

Ebikorwa 13:9

Saawuri unu aatogwaga risiina erindi ati Pawuro, enu eejuuywe Mwoyo Mweru, ˆnaaringira Erima nekeneke,

Yowana 15:15

Nitachaabhatoga rindi ati, muri bhagaya, kwa okubha omugaya atakumenya gunu omwami waaye kaakora. Nawe emwe naabhaswerurira joone jinu noongwa okusooka ku‑Raata waani, kutyo niraabhatogega ati, muri bhasaani bhaani.

Yowana 12:26

Omuunu woonewoone unu kaankorera emirimu, jeenderwe anduubhe. Ka wone orubhaara rwonerwone anu anye niri, niwo omukosi waani wone kaja okubha. Raata kaja okuyaana echibharo omuunu woonewoone unu kaankorera emirimu.”

Obhusweruro 22:6

Neeya maraayika oyo, ˆnaambwira ati, “Emisango jinu ni ja okwiyikanyibhwa na ja echimari. Raatabhugenyi Nyamuwanga unu kaayaana abharagi Mwoyo Mweru waaye, ꞉aatumire maraayika waaye okweresya abhakosi bhaaye emisango jinu ni bhusibhusi jikorekane bhwangu.”

Baeburania 7:26

Omugabhisi Omukuru wa imbaga eyo keendwa muno kw‑iswe, kwa okubha omwene ni Mweru, atari na esoro, noorwo ꞉ataakorere echibhiibhi choonechoone. Nyamuwanga ꞉aamukindikire okusooka ku‑bhakosi bha ebhibhiibhi, ˆnaamwinamusya okuja mu‑rwire.

Ebikorwa 26:14

Eswe bhoone nichigwa aasi, anye ninuungwa obhuraka nibhumbirikira mu‑nyaayika yaasu ya Echiyebhuraniya ˆnaayika ati, ‘Saawuri awe! Saawuri awe! Ni kurwa ki owunnyaasya? Kukomeeye awe okubhara kw‑ichumu na okuguru kwawo!’

Ebikorwa 21:40

Niwo omukuru wa abhasirikare oyo ˆnaamwikirisisya. Kurwa ejo Pawuro ˆneemereeguru ku‑njegwe ejo, ˆnaawungisya abhaanu abho okubhoko ati bhajibhire. Bhejire bhaajibhira bhoone, ˆnaayika nabho mu‑nyaayika yeebhwe ya Echiyebhuraniya.

Yowana 15:20

Mwasiga okurabhirwa omusango gunu ꞉naabhabhwiriiye ati, ‘Omugaya atakutura okubha omukuru okukira omwami waaye.’ Mbe, araabha ꞉bhaanyaasiisye anye, emwe wone bharibhanyaasya. Nawe araabha ꞉bheekirisiisye ameeyigisyo gaani, ageemwe wone abhaja okugeekirisya.

Mariko 1:14

Nijitura siku nyafu, Yowana ˆnaabhoywa mw‑ibhoyero. Omwanya gunu aariga ari mw‑ibhoyero, Yeesu ˆnaagenda mu‑mukoowa gwa Gariraaya, ˆnaaraasyaga Emisango ja Ekisi ja Nyamuwanga.

2 Bakorinto 2:12

Mbe, omwanya gunu ꞉naakingire mu‑musi gwa Turoowa okuraasya Emisango ja Ekisi inguru ya Kirisito, ꞉naasongeene Raatabhugenyi aanyiguriiye orwigi, korereki nikore emirimu jaaye eyo.

2 Bakorinto 11:7

꞉Neekeeyiisye ku‑njira ya okuraasya Emisango ja Ekisi ja Nyamuwanga kw‑imwe nitari na omuyeero, korereki nibhariinyagisye. Angu, ꞉naakorere echibhiibhi ku‑musango ogwo?

1 Batesalonika 2:8

꞉Chaabheendere muno. Ka wone, ꞉chaakondeeywe, jitari kwa okubharaasisya Emisango ja Ekisi okusooka ku‑Nyamuwanga era, tari na okwisoosya okukora joone jinu ejikenwa korereki okubhasakira. ꞉Chaakorere kutyo, kwa okubha emwe muri bheendwa bheeswe.

1 Batesalonika 2:9

Woori, abhayiri bheeswe, omwichuka okwikomeesya kweswe na okunyaaka kweswe, kutyo chaakoraga emirimu mu‑ngeta na mu‑mwisi. ꞉Chaakorere kutyo, korereki omwanya gunu echiraasya Emisango ja Ekisi okusooka ku‑Nyamuwanga, chisige okunyaasya omuunu woonewoone kw‑imwe.

1 Petero 4:17

Mumenye ati, omwanya gwa obhuramusi gwakinga na Nyamuwanga kaja okwamba okuramura abhaana bhaaye. Woori araabha obhuramusi bhukambira kw‑iswe abhaana bhaaye, angu, jiribha kutiki ku‑bhanu bhatakwikirisya Emisango ja Ekisi ja Nyamuwanga?