Bakolosai 4:12 - Indagano Inyaaya mu-Chijita

¹² Epaafura, omukosi wa Kirisito Yeesu, ka wone ni muunu wa ewaanyu eyo, kaabhakeesya. Bhuri mwanya keekomeesya okubhasabhirwa korereki murumatane echinyamwoyo mu‑riikirisya ryemwe na okubha na echimari inguru ya okwenda kwone kwa Nyamuwanga.

INDAGANO INYA:YA

¹² Epafura niwe owewanyu, omugaya wa Kristo Yesu, niwe kabake:sya, kakome:ra okubasabirwa kusiku, korereki mwimereguru muku:miye na ka musombo:keywe byone binu Nyamuanga kenda.

Bakolosai 4:12 Referans Kwoze

Barumi 15:30

Abhayiri bhaani, okuruubhana na obhumwi bhweswe na Raatabhugenyi weeswe Yeesu Kirisito, na okuruubhana na eryenda rinu Mwoyo Mweru achiyaaye, enibheerembeeresya kwa omwoyo gwani gwone ati, mwikomeesye okuwumbana aamwi na anye mu‑kunsabhirwa ku‑Nyamuwanga.

Bakolosai 1:9

Kurwa ejo, chichaariga okusiga okubhasabhirwa, okusookerera orusuku runu ꞉choonguuwe emisango jeemwe. Echisabhwa Nyamuwanga abhayaane okumenya kwone ku‑joone jinu omwene keenda. Ku‑ogwo, abhayaane obhwengeeso bhwone na okusombookerwa kunu okusooka ku‑Mwoyo Mweru.

Filemoni 1:23

Epaafura, unu abhoyerwe aamwi na anye inguru ya Kirisito Yeesu, kaakukeesya.

Bakolosai 1:28

Kirisito niwe echiraasya omwanya gunu echikengya na okwiyigisya abhaanu bhoone mu‑bhwengeeso bhwone. Echimuraasya, korereki chireete abhaanu bhoone imbere ya Nyamuwanga bharumateene echinyamwoyo okuruubhana na okubha na obhumwi na Kirisito.

Bakolosai 1:7

Emwe, ꞉mweeyigisiibhwe Emisango ja Ekisi ejo na Epaafura. Omwene ni weejaasu omwendwa na omukosi omwiyikanyibhwa wa Kirisito inguru yeemwe.

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

Bagalatia 4:19

Abhaana bhaani mu‑riikirisya, anye enirumwa obhusungu rindi inguru yeemwe, rwa kutyo omugasi unu afugaaye kaarumwa obhusungu omwanya gwa okwibhura. Eniiyungwa kutyokutyo, okukingira anu itungwa ya Kirisito iribhonekana mu‑tungwa jeemwe.

Bagalatia 1:10

Woori, omwitogera ati, eniyenjeresya okwikirisibhwa na abhaanu? Wuri, anye eniyenjeresya okwikirisibhwa na Nyamuwanga era. Amwi omwitogera ati eniyenjeresya okukondisya abhaanu? Araabha naakabheeye niyenjeresya okukondisya abhaanu, nitaakabheeye omukosi wa Kirisito.

Barumi 15:14

Abhayiri bhaani, anye omwene enimenya chimari ati muri bhaanu bha ekisi muno, na mumenyere kisi jinu mwenderwe okukora, ka wone muri na obhuturo bhwa okwiyigisyanya.

Yuuda 1:24

Nyamuwanga niwe owa obhuturo bhwa okubhaangarira, korereki mwasiga okwikuujura. Ka wone, kaatura okubheemereegusyu mw‑ikusyo ryaye, nimusandabhaga muno, mutaabha‑ko esoro.

Baeburania 5:14

Nawe abhaanu abhakuru, abho abharya ebhiryo bhikomeeye. Abhaanu abho bheeyigiiye okusoosya obhutaasyanya bhwa emisango ja ekisi na emibhiibhi.

Baeburania 5:7

Omwanya gunu Yeesu aariga ari ku‑chaaro anu, ꞉aasabhirwe na okwirembeeresya muno Nyamuwanga, ka wone ꞉aamuuwe obhuraka ˆnaarira amasiga mogomogo ku‑Nyamuwanga unu ari na obhuturo bhwa okumuchungura okusooka mu‑rufu. Inguru ya okwikeeya kwaye, Nyamuwanga ˆnaamuungwa.

Bakolosai 1:22

ku‑njira ya orufu rwa Kirisito. ꞉Aakorere kutyo, korereki abhareete imbere yaaye muri bheeru, bhanyataayikwa kubhiibhi noorwo mutari na esoro.

2 Bakorinto 13:11

Woori, abhayiri bhaani mu‑riikirisya, enimariisya kwa okubhabhwira ati mukonderwega! Mubhega mukuumiiye mu‑riikirisya, musimbiisyanyega, mubhega na obhumwi, mwikarega kwa omurembe na Nyamuwanga wa eryenda na omurembe, kaja okubha aamwi na emwe.

1 Bakorinto 14:20

Abhayiri bhaani mu‑riikirisya, mwasiga okwiganirisya rwa abhaana abharera, tari mwiganirisyega rwa abhaanu abhakuru. Nawe inguru ya obhubhiibhi, mubhe rwa abhaana abharera.

1 Bakorinto 2:6

Woori eswe, echaayika emisango ja obhwengeeso ku‑bhaanu bhanu bharumateene mu‑riikirisya, nawe obhwengeeso obhwo bhutari bhwa echaaro chinu, ka wone bhutari bhwa abhatungi bha echaaro chinu bhanu bhariyitingʼana.

Yowana 12:26

Omuunu woonewoone unu kaankorera emirimu, jeenderwe anduubhe. Ka wone orubhaara rwonerwone anu anye niri, niwo omukosi waani wone kaja okubha. Raata kaja okuyaana echibharo omuunu woonewoone unu kaankorera emirimu.”

Matayo 5:48

Mbe, mukuumirega rwa Esomwana unu ari mu‑rwire kutyo akuumiiye.

Yakobo 5:16

Kurwa ejo, bhuri umwi weemwe abhe ˆnaata ebhibhiibhi bhyaye ku‑weejaabho na okusabhirana ku‑Nyamuwanga korereki muwosibhwe amarwara geemwe. Risabhwa rya omuunu omurengeresi riri na obhuturo na erikora emirimu.

Yakobo 1:1

Inyarubha inu niikaamire anye Yakobho, omukosi wa Nyamuwanga na owa Raatabhugenyi Yeesu Kirisito. Enikaamira emwe jingʼanda ekumi na ebhiri, jinu jinyarambukire na okuja okwikara mu‑bhyaro bhyafubhyafu. Enibhakeesya!

1 Batesalonika 5:23

Nyamuwanga omwene, niwe kaachiyaana omurembe. Woori, abheesye ebhibhiibhi bhyemwe bhyone, ka wone aangarire emitima jeemwe, emyoyo jeemwe na emibhiri jeemwe, korereki omwanya gunu Raatabhugenyi weeswe Yeesu Kirisito arisubha rindi, mubhe mutari na esoro.

Ruuka 22:44

Yeesu omwanya gunu aariga achaari na obhusurumbaaye bhwafu, ˆnaagenderera okusabhwa Nyamuwanga. Amooyiro nigamwitururuka, nigatonyikaga aasi rwa amatonyinga ga isagama.]

Ruuka 1:1

Tewofiiro owa echibharo, abhaanu bhaafu bhaariga bheekomeesiisye, okukaama inguru ya emisango jinu ꞉jaakorekeene agati yeeswe.

Bakolosai 1:29

Inguru ya omusango ogwo, eniikomeesya na okurwanirira emirimu jinu ku‑managa maafu ganu Kirisito kaanaana.

Bakolosai 4:9

Ariija aamwi na Oneesimo, omuyiri weeswe omwendwa, ka wone omwiyikanyibhwa. Omwene ni muunu wa ewaanyu eyo. Bharibhabhwira emisango joone jinu ejikorekana kw‑iswe enu.

Yakobo 1:4

Omukenwa mugenderere okwigumiirisya okukingira ku‑bhuteero, korereki mubhe mukuumiiye chimwi, mutagerukiiywe wuri echiinu choonechoone.