Bakolosai 3:11 - Indagano Inyaaya mu-Chijita

¹¹ Kurwa ejo, bhutari‑wo obhutaasyanya rindi agati ya Omuyawudi na unu atari Muyawudi, unu atenderwe na unu atatenderwe, unu kaasooka mu‑chaaro cha kura amwi omusikisi, omugaya na omwitaage. Tari Kirisito niwe wa bhusibhusi na omwene ari mw‑imwe bhoone.

INDAGANO INYA:YA

¹¹ Atario Mugiriki amwi Muyaudi, kutario kutendwa amwi kuremo:tendwa, atario munyeyanga amwi Musikisi, amwi mugaya, amwi mwibure, nawe Kristo niwe byone ka:ri mu bo:ne.

Bakolosai 3:11 Referans Kwoze

1 Bakorinto 12:13

Enaayika kutyo, kwa okubha eswe bhoone, chibhe Abhayawudi amwi abhaanu bhanu bhatari Bhayawudi, chibhe abhagaya amwi abheetaage, ꞉chaabhatiijiibhwe mu‑Mwoyo umwi na okuyaanwa Mwoyo umwi oyo, korereki chibhe omubhiri gumwi.

Barumi 10:12

Emisango ejo ejeeresya ati itari‑wo isoroore agati ya Abhayawudi amwi bhanu bhatari Bhayawudi. Ari‑wo Raatabhugenyi umwi era ku‑bhaanu bhoone. Omwene ni wa kisi muno ku‑bhaanu bhoone bhanu abhamusabhwa.

Baefeso 3:6

Obhutinge bhwa imbisike eyo, ni ati, ku‑njira ya okwikirisya Emisango ja Ekisi, abhaanu bhanu bhatari Bhayawudi na Abhayawudi bhari na omwandu gumwi, bhari mubhiri gumwi na abhasangira aamwi amabhando ganu bharagirwe mu‑Kirisito Yeesu.

Baefeso 1:23

Woori, rikanisa riri rwa omubhiri gwaye, riijuuye obhurame na amanaga gaaye. Omwene kaakuumisya joone ku‑bhuturo bhwaye.

Barumi 3:29

Angu, Nyamuwanga ni Nyamuwanga wa Abhayawudi era, amwi noorwo wa abhaanu bhanu bhatari Bhayawudi? Yee, Nyamuwanga ni Nyamuwanga wa abhaanu bhoone!

Bagalatia 5:6

Mbe araabha chiri na obhumwi na Kirisito Yeesu, okutendwa amwi okurema okutendwa kutari na obhugajuro bhwonebhwone. Echiinu cha bhusibhusi ni riikirisya ryeswe rinu erikora emirimu mu‑ryenda.

Yowana 17:23

Anye niri na obhumwi nabho, na awe uri na obhumwi na anye. Enisabhwa ati bhabhe chiinu chimwi kata, korereki ku‑njira eyo, abhaanu bha ku‑chaaro kunu bhasombookerwe ati naawe ꞉waantumire, ka wone bhasombookerwe ati ubheendere rwa kutyo unyendere.

Bagalatia 2:20

Bhumuunu bhwani bhwa kara bhwa ebhibhiibhi, ꞉bhwabhambirwe aamwi na Kirisito ku‑musarabha. Woori niri muwanga, nawe nitari anye unu niri muwanga, tari Kirisito niwe ari muwanga mu‑mwoyo gwani. Obhuwanga bhunu niri nabhwo omwanya gunu, niri nabhwo mu‑kwikirisya Omwana wa Nyamuwanga. Omwene ꞉aanyendere na okusoosya obhurame bhwaye inguru yaani, korereki nichunguke.

1 Bakorinto 7:19

Okutendwa amwi okurema okutendwa kutari‑mo omuriiro. Echiinu chinu chiri na omuriiro ni kuruubha amaragiriro ga Nyamuwanga.

Ebikorwa 15:17

korereki abhaanu abhandi bhoone bhanyenje, bhanu bhatari Bhayawudi bhanu nibhirikiiye bhabhe abhaanu bhaani. Emisango jinu, anye Raatabhugenyi nirijikora,

Bakolosai 2:10

Kutyo, ku‑njira ya okubha na obhumwi na Kirisito, emwe muyaaywe obhuwanga bhwone. Omwene niwe omukuru inguru ya obhutungi na obhuturo bhwone mu‑chaaro chinyatarorwa.

Barumi 1:14

Nyamuwanga andagirira nibhe nindaasya Emisango ja Ekisi ku‑bhaanu bhoone, ku‑Bhayunaani na ku‑bhanu bhatari Bhayunaani, ku‑bha obhwengeeso na ku‑bhanu bhatari bha obhwengeeso.

Yowana 15:5

“Anye niri riiti rya rijabhiibhu, emwe muri matabhi. Omuunu unu ari na obhumwi na anye, anye wone enibha na obhumwi nage, oyo aribhaga naatwasya amatwasyo maafu, kwa okubha mukarema okubha na obhumwi na anye, mutakutura okukora gwonegwone.

Ebikorwa 28:4

Abhaanu abho bhejire bhaarora ati injoka yiineenere ku‑kubhoko kwa Pawuro, nibhabhwirana ati, “Jiri ku‑bhweru ati omuunu unu ni mwiti. Noorwo kutyo aawona mu‑nyanja, Rirenga, risambwa ryeswe rinu eriramura abhakayi, ritakumusiga agenderere okubha omuwanga.”

Ebikorwa 28:2

Abheenengo nibhachikorera eja ekisi muno. Okubha ꞉bhaachikumire kisi na okuchikumira omuriro, kwa okubha ingʼubha yaariga iguuye na chaariga nichuungwa imbewo muno.

Yowana 14:23

Yeesu ˆnaamusubhya ati, “Omuunu woonewoone unu aanyendere, arigwata emisango jaani na Raata waani arimwenda. Ka wone anye na Raata chiriija ku‑mwene na okwikara aamwi nage.

2 Yoana 1:9

Omuunu woonewoone unu atakugenderera okuruubha ameeyigisyo ga Kirisito, ka wone kaagayindura, oyo atari na obhumwi na Nyamuwanga. Nawe, unu kaagenderera okugaruubha, oyo ari na obhumwi na Raata Nyamuwanga na Omwana waaye wone.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.

Baefeso 6:8

Mukore kutyo, kwa okubha mumenyere ati, Raatabhugenyi ariyaana bhuri muunu echiyaanwa ku‑bhuri musango gwa ekisi gunu kaakora, abhe ari mugaya amwi unu ari na obhwitaage.

Baefeso 3:17

korereki Kirisito akore obhwikaro bhwaye mu‑myoyo jeemwe ku‑njira ya eriikirisya. Enimusabhwa wone, abhasakire korereki murumatane ndi mu‑ryenda ryaye. Kutyo, eryenda ryaye riribha rwa risina na orufuka rwa obhurame bhwemwe,

1 Bakorinto 14:11

Woori, araabha nitakusombookerwa inyaayika inu owundi kaayika, enibha rwa omugenyi ku‑muunu oyo, omwene wone kaabha rwa omugenyi kw‑anye.

Barumi 3:22

Abhaanu bhoone bhanu abheekirisya Yeesu Kirisito, Nyamuwanga kaabhabhara ati ni bharengeresi imbere yaaye, okutura ku‑bhwiyikanyibhwa bhwa Yeesu oyo. Nyamuwanga atakusoroora omuunu woonewoone,

Baefeso 2:14

Okubha Kirisito niwe omurembe gweswe, niwe ꞉aakorere Abhayawudi na bhanu bhatari Bhayawudi okubha bhamwi. Ku‑njira ya orufu rwaye, ꞉aasoosiisye‑wo obhusoko bhunu bhwariga bhuri rwa orusiika rwa agati runu rwariga ruchitaaganyiisye.

Baefeso 2:15

Omwanya gunu ꞉aakorere kutyo, ꞉aasoosiisye‑wo obhutinge bhwone bhwa ebhiraagiro bhya Echiyawudi. Obhwira bhwaye bhwariga bhuri okukora ebhise bhibhiri ebhyo, okubha echise chimwi echiyaaya. Nikwo kutyo ꞉aareetere omurembe agatigati ya Abhayawudi na bhanu bhatari Bhayawudi na okubhagwatanya aamwi nage.