Bakolosai 3:10 - Indagano Inyaaya mu-Chijita

¹⁰ na mufwaye bhumuunu obhuyaaya. Nyamuwanga omwene niwe ꞉aabhumbire bhumuunu obhuyaaya obhwo na kaagenderera okubhukora bhususane nage kata, korereki mumusombookerwe kisi.

INDAGANO INYA:YA

¹⁰ nimufwara omu:nu omuya:ya, unu kakorwa buya:ya mu kumenya, rwo rususo rwa Unu amuyangire.

Bakolosai 3:10 Referans Kwoze

Barumi 12:2

Mwasiga okuruubha jitungwa ja abhaanu bha echaaro chinu, nawe musige Nyamuwanga ayindure emitima jeemwe, korereki mubhe na obhwiganirisya obhuyaaya. Awo niwo muriiyigira okumenya jinu Nyamuwanga keenda kwa okujikora. Murimenya ati ni misango ki jinu jiri ja ekisi, jinu ejimukondisya, ka wone jinu jikuumiiye.

Baefeso 2:10

Okubha Nyamuwanga achichunguuye na okuchibhumba bhuyaaya echinyamwoyo mu‑Kirisito Yeesu, korereki chikore ebhikorwa bhya ekisi, bhinu ꞉aachiiraabhiiye okusookerera kara, korereki chibhikorega.

Bakolosai 3:12

Woori, kwa okubha emwe mwabha abhasorwa, abheeru na abheendwa bha Nyamuwanga, mubhe na omwoyo gwa echigongo, obhwa ekisi, obhwikeeya, obhworooro na obhwigumiirisya.

2 Bakorinto 5:17

Omuunu woonewoone unu ari na obhumwi na Kirisito, aabha echibhumbwa echiyaaya, emisango ja kara jaayitingʼeene, woori ni miyaaya!

Bakolosai 3:14

Okukira ejo joone mwendane, kwa okubha eryenda niryo eribhagwatanya emwe bhoone mu‑bhumwi bhunu bhukuumiiye.

1 Yoana 2:5

Tari omuunu unu kaagayuka ebhiraagiro bhyaye, chimari eryenda rya Nyamuwanga erikuumira mu‑mwoyo gwaye. Kutyo nikwo echimenya ati chiri na obhumwi na Nyamuwanga.

Barumi 13:14

Tari woori, mu‑bhurame bhwemwe bhwone, mutangasibhwega na Raatabhugenyi Yeesu Kirisito. Mwasiga okwikirisya noorwo na akatyari okutangasibhwa na obhusimukwa bhwemwe bhwa echibhiibhi kwa okuruubha okurigira kwemwe okubhiibhi.

1 Yoana 2:3

Araabha chikagayuka ebhiraagiro bhyaye, niwo echimenya ati echimusombookerwa.

Barumi 8:29

Chimenyere ejo, kwa okubha, bhanu Nyamuwanga ꞉aamenyere okusookerera ku‑bhwambiro, ꞉aaramuuye noorwo echaaro chichaari okubhumbwa ati bhabhe rwa Omwana waaye Yeesu Kirisito kutyo ari. ꞉Aaramuuye kutyo, korereki Omwana waaye abhe omutangati agati ya abhayiri bhaafu.

Yowana 17:3

Obhuwanga bhwa akajaanende nibhwo bhunu, abhaanu bhakumenye awe, Nyamuwanga eenyere wa chimari, ka wone, bhammenye anye Yeesu Kirisito, unu awe ꞉waantumire.

Obhusweruro 21:5

Neeya unu aariga eenyanjire ku‑chitebhe cha ingʼoma ˆnaayika ati, “Ringira, enikora bhuri chiinu okubha echiyaaya!” ˆNaambwira wone ati, “Kaama ati, ejo ni misango ja okwiyikanyibhwa na ja echimari.”

Baefeso 2:15

Omwanya gunu ꞉aakorere kutyo, ꞉aasoosiisye‑wo obhutinge bhwone bhwa ebhiraagiro bhya Echiyawudi. Obhwira bhwaye bhwariga bhuri okukora ebhise bhibhiri ebhyo, okubha echise chimwi echiyaaya. Nikwo kutyo ꞉aareetere omurembe agatigati ya Abhayawudi na bhanu bhatari Bhayawudi na okubhagwatanya aamwi nage.

Bagalatia 6:15

Okutendwa amwi okurema okutendwa, kutari na obhugajuro bhwonebhwone bhurya. Omusango gwa bhusibhusi ni kubhumbwa bhuyaaya na Nyamuwanga.

2 Bakorinto 4:6

Okubha Nyamuwanga ꞉aayikire ati, “Obhweru bhumirike mu‑chisuute.” Omwene niwe kaamirika emyoyo jeeswe, na okuchiyaana obhweru bhwa okusombookerwa rikusyo ryaye, rinu eringʼarabhya mu‑bhusu bhwa Yeesu Kirisito.

2 Bakorinto 3:18

Mbe, eswe bhoone bhanu chitakuswikira obhusu kwa echitambaara, echeeresya rikusyo rya Raatabhugenyi rwa kutyo rirore eryeresya orususo. Echiyindurwa, korereki chisusane nage, okusooka mw‑ikusyo okuja mw‑ikusyo ryafu muno. Rikusyo eryo erisooka ku‑Raatabhugenyi, omwene oyo niwe Mwoyo.

Barumi 13:12

Woori, obhwire bhwaja okucha, mu‑mwisi yaafogera. Kurwa ejo, chisige ebhikorwa ebhibhiibhi bhinu ebhikorwa mu‑chisuute, na chigege ebhigwato bhya obhweru.

Bagalatia 3:27

Emwe bhoone bhanu ꞉mwabhatiijiibhwe, muri na obhumwi na Kirisito, muri wuti mufwaye Kirisito.

Baeburania 6:6

Nawe woori, bhasigire okwikirisya Nyamuwanga. Jitakuturikana wuri okusubhya abhaanu abho, korereki bhate rindi ebhibhiibhi bhyebhwe ku‑Nyamuwanga. Ku‑njira ya okurema Omwana wa Nyamuwanga, abhamubhamba ku‑musarabha rwa kabhiri na okumuswasya abhwerubhweru.

Barumi 6:4

Omwanya gunu ꞉chaabhatiijiibhwe, chaariga wuti chifuuwe na okusiikwa aamwi nage, korereki rwa kutyo Kirisito ꞉aasuuruuywe okusooka mu‑bhafuuwe ku‑managa maafu ga Raata Nyamuwanga, nyabhuriko, noorwo eswe chiture okurama obhurame obhuyaaya.

2 Bakorinto 4:16

Kutyo, chitakufwa omutima. Noorwo kutyo emibhiri jeeswe ejikokora, nawe mu‑myoyo jeeswe, Nyamuwanga kaachikora okubha abhayaaya siku joone.

Filemoni 1:6

Enisabhwa Nyamuwanga ati, eriikirisya rinu owusangira aamwi na eswe, rikusakire okumenya muno bhuri echiinu cha ekisi chinu echikenwa okukora inguru ya Kirisito.