Bakolosai 3:1 - Indagano Inyaaya mu-Chijita

¹ Woori, kwa okubha musuurukire aamwi na Kirisito, muyenjeresye emisango ja mu‑rwire, anu Kirisito eenyanjire orubhaara rwa ebhuryo rwa Nyamuwanga.

INDAGANO INYA:YA

¹ Araba mwasu:kiye aamwi na Kristo, mbe muyenjega binu biri inguru anu Kristo enyanjire ku kuboko kwe buryo kwa Nyamuanga.

Bakolosai 3:1 Referans Kwoze

Barumi 8:6

Abhaanu bhanu obhwiganirisya bhwebhwe obhutungwa na obhusimukwa bhwebhwe bhwa echibhiibhi, abhafwa orufu rwa akajaanende koone. Nawe abhaanu bhanu obhwiganirisya bhwebhwe obhutangasibhwa na Mwoyo Mweru, abhabhona obhuwanga na omurembe.

Matayo 6:33

Woori emwe, muyenje okwamba obhukama bhwa Nyamuwanga na obhurengeresi bhwaye, na ebhindi ebhyo bhyone Nyamuwanga kaja okubhoongesisya.

2 Bakorinto 4:18

Kutyo, chitakuringira ebhiinu bhinu ebhibhonekana, tari bhinu bhitakubhonekana, kwa okubha bhinu ebhibhonekana ni bhya kasinjeeke era, nawe bhinu bhitakubhonekana, ni bhya akajaanende.

Bakolosai 3:2

Mwiganirisye emisango jinu jiri mu‑rwire, musige okwiganirisya jinu jiri ku‑chaaro kunu,

Matayo 6:20

Tari mwibhiikire ebhibhiikwa mu‑rwire anu amayeenje na obhutaretare bhitakunyamura na abheefi bhatakufumura korereki bheebhe.

Baeburania 12:2

Chiroreererega Yeesu, okubha omwene niwe ꞉aambisiisye eriikirisya ryeswe, ka wone niwe aririkuumisya. Omwene ꞉eegumiirisiisye ku‑songa ya rikonderwa rinu ryariga niriija. Ka wone ꞉ateeganirisiisye wuri jiswaro ja okufwa ku‑musarabha. Woori eenyanjire orubhaara rwa ebhuryo rwa echitebhe cha ingʼoma cha Nyamuwanga.

Ruuka 12:33

Mugusye ebhiinu bhyemwe, jiyera jinu omuja okubhona okuruubhana na ebhiinu ebhyo, muyaane abhataka. Mwibhariirire jisagwa jinu jitakunyamuka, na okwibhiikira ebhibhiikwa mu‑rwire anu bhitakugeruka‑ko. Eyo niwo omwifi atakukinga, korereki eebhe, noorwo amayeenje gatakunyamura.

Baeburania 1:3

Omwene oyo niwe orungʼarabhyo rwa rikusyo rya Nyamuwanga. Ka wone niwe orususo rwa echimari rwa kutyo Nyamuwanga ari. Omwene niwe kaakora ebhiinu bhyone bhigwatane aamwi ku‑musango gwaye ogwa amanaga. ꞉Eesiisye abhaanu ebhibhiibhi bhyebhwe, ˆnaagenda mu‑rwire, ˆneenyanja orubhaara rwa ebhuryo rwa Nyamuwanga owa obhuturo bhwone.

Ruuka 22:69

Nawe okwambira woori, anye Omwana wa Omuunu enija okubha niinyanjire orubhaara rwa ebhuryo rwa Nyamuwanga owa amanaga goone.”

Bakolosai 2:20

Emwe, ꞉mwafuuwe aamwi na Kirisito, kutyo ꞉aabhachunguuye okusooka ku‑bhutinge bhwa akatungiiywe bhwa echaaro chinu. Mbe, ni kurwa ki muchaagayuka ebhiraagiro bhyebhwe, na okwikara rwa abhaanu bha ku‑chaaro kunu? Ebhiraagiro ebhyo nibhyo bhinu,

Baeburania 8:1

Omusango omunene mu‑joone ejo nigwo gunu. Eswe chiri na Omugabhisi Omukuru wa imbaga eyo, unu eenyanjire mu‑rwire eyo, orubhaara rwa ebhuryo rwa echitebhe cha ingʼoma cha Nyamuwanga owa obhuturo bhwone.

Barumi 8:34

Ka wone niga unu arichiramura? Atari‑wo, kwa okubha Kirisito Yeesu, niwe ꞉aafuuwe, ˆnaasuuruka okusooka mu‑bhafuuwe. Ka wone, woori niwe ari orubhaara rwa ebhuryo rwa Nyamuwanga, niwe kaachisabhirwa.

Baeburania 10:12

Nawe Kirisito ꞉eesoosiisye rumwi okubha echoogo, korereki achisoosye‑ko ebhibhiibhi bhyeswe. Omwene niwe echoogo chinu chiiyire kajaanende koone. Niwo ˆneenyanja orubhaara rwa ebhuryo rwa Nyamuwanga.

Matayo 26:64

Yeesu ˆnaamusubhya ati, “Naawe omwayiki. Nawe enibhabhwira ati okwambira woori, murindora anye Omwana wa Omuunu niinyanjire orubhaara rwa ebhuryo rwa Nyamuwanga owa amanaga goone. Ka wone murindora omwanya gunu niriija niri mu‑meere okusooka mu‑rwire.”

Baefeso 4:10

Omwene oyo, unu ꞉eekire emwaro muno, oyooyo niwe wone ꞉aariinyire inguru okukira orwire rwone, korereki eejure mu‑bhiinu bhyone bhinu bhiri mu‑rwire na mu‑chaaro.

Mariko 14:62

Yeesu ˆnaamusubhya ati, “Anye niwe. Emwe murindora anye Omwana wa Omuunu niinyanjire orubhaara rwa ebhuryo rwa Nyamuwanga owa amanaga goone, niniija niri mu‑meere ga mu‑rwire.”

Baeburania 1:13

Nyamuwanga ꞉ataabhwiriiye maraayika woonewoone ati, “Inyanja orubhaara rwani rwa ebhuryo, okukingira omwanya gunu enija okutuura abhasoko bhaawo emwaro ya amaguru gaawo.”

Ebikorwa 2:34

Okubha Dawudi omwene ꞉ataariinyire na okwingira mu‑rwire, nawe ꞉aayikire ati, ‘Raatabhugenyi Nyamuwanga ꞉aabhwiriiye Raatabhugenyi waani ati, “Inyanja orubhaara rwani rwa ebhuryo,

Ruuka 20:42

Dawudi omwene, ꞉aakaamire mu‑chitabho cha Ijabhuri ati, ‘Raatabhugenyi Nyamuwanga ꞉aabhwiriiye Raatabhugenyi waani ati, “Inyanja orubhaara rwani rwa ebhuryo,

Mariko 16:19

Raatabhugenyi Yeesu ejire aamara okwayika nabho, Nyamuwanga ˆnaamugega ˆnaamwingʼengya mu‑rwire. ˆNeenyanja orubhaara rwa ebhuryo ku‑Nyamuwanga.

Mariko 12:36

Dawudi omwene omwanya gunu aatangasibhwaga na Mwoyo Mweru, ꞉aayikire ati, ‘Raatabhugenyi Nyamuwanga ꞉aabhwiriiye Raatabhugenyi waani ati, “Inyanja orubhaara rwani rwa ebhuryo, okukingira omwanya gunu enija okutuura abhasoko bhaawo emwaro ya amaguru gaawo.”’

1 Petero 3:22

Omwene ꞉aagendere mu‑rwire na woori eenyanjire orubhaara rwa ebhuryo rwa Nyamuwanga. Kaatunga bhamaraayika, ebhibhumbwa bhyone ebhya obhuturo na ebhya amanaga.

Ebikorwa 7:55

Nawe Tefwano eejuuywe Mwoyo Mweru, ˆnaaragamira inguru mu‑rwire, ˆnaarora rikusyo rya Nyamuwanga na Yeesu eemereeguuyu orubhaara rwa ebhuryo rwa Nyamuwanga.

Matayo 22:44

‘Raatabhugenyi Nyamuwanga ꞉aabhwiriiye Raatabhugenyi waani ati, “Inyanja orubhaara rwani rwa ebhuryo, okukingira omwanya gunu enija okutuura abhasoko bhaawo emwaro ya amaguru gaawo.”’

Baefeso 5:22

Emwe abhagasi, mugayukega abharume bheemwe, rwa kutyo omugayuka Raatabhugenyi weeswe.