Biblia Todo Logo
Bib sou entènèt

- Piblisite -




Bakolosai 2:8 - Indagano Inyaaya mu-Chijita

8 Mubhe mwiyangariiye, omuunu woonewoone aasiga okubhayabhya kwa ameeyigisyo ga kutyo era na ga orubheeyi. Ameeyigisyo ago, agaruubhana na obhusimukwa bhwa abhaanu, na obhutinge bhwa akatungiiywe bhwa echaaro chinu. Ameeyigisyo ago gatakusooka ku‑Kirisito,

Gade chapit la Kopi

INDAGANO INYA:YA

8 Mwikenge, mu:nu wo:ne asiga kubakora ngwatwa mu kumba obwenge bwa ba:nu no kubebeya kwa kutyo era, rwe byecikuru bya ba:nu, no kumba ebya kara ebya i:si, ari kum:baga Kristo uri.

Gade chapit la Kopi




Bakolosai 2:8
38 Referans Kwoze  

Timoteewo wangarire kisi echimari chinu Nyamuwanga akuyaaye. Wiikenge na emisango emijabhi jinu jitari na obhugajuro na jimamba ja echitaamutaamu, kwa okubha bhitakureeta echibharo ku‑Nyamuwanga. Abhaanu abhandi, abhatoga emisango ejo ati ni obhusombookerwa, nawe chimari bhutari obhusombookerwa.


Mwasiga okwikirisya omuunu woonewoone okubhajiga kwa emisango ja kutyo era, okubha ebhibhiibhi ebhyo bhyone, nibhyo ebhikora risungu rya Nyamuwanga niriitika ku‑bhanyatagayuka.


“Mwikengega abharagi abhabheeyi. Omwanya gunu abhabhaaja‑ko, abheekora okubha abhoorooro rwa jinaama, nawe echimari ni bharuru rwa emisege.


Nawe woori, omumenya Nyamuwanga na omwene wone kaabhamenya muno. Woori ni kurwa ki omusubha okuramya obhutinge bhwa akatungiiywe bhwa echaaro chinu? Obhutinge obhwo, bhutari na obhuturo noorwo obhugajuro bhwonebhwone. Amwi omwenda rindi okubha abhagaya bhaabhwo?


Emwe, ꞉mwafuuwe aamwi na Kirisito, kutyo ꞉aabhachunguuye okusooka ku‑bhutinge bhwa akatungiiywe bhwa echaaro chinu. Mbe, ni kurwa ki muchaagayuka ebhiraagiro bhyebhwe, na okwikara rwa abhaanu bha ku‑chaaro kunu? Ebhiraagiro ebhyo nibhyo bhinu,


Nawe bhanu abhakora ebhibhiibhi na abhajigi, bharigenderera okukora ebhibhiibhi muno, bharibhaga nibhajiga na okujigwa.


Mbe, emwe abheendwa bhaani, mwamenyere emisango ja abheeyigisya bha orubheeyi abho. Kurwa ejo mutengeeje, korereki mwasiga okujigwa mu‑bhwengebhwenge bhwa abhakayi abho, nimugwa na okusiga okurumatana kwemwe.


Musigega okugegwagegwa na ameeyigisyo maafumaafu amagenyi, kwa okubha obhwitiriranya bhwa Nyamuwanga nibhwo obhurumatanya emyoyo jeemwe, noorwo bhitari ebhiraagiro inguru ya ebhiryo. Ebhiraagiro ebhyo bhitakusakira gwonegwone ku‑bhaanu bhanu abhabhiruubha.


Woori, emwe abheene, mwiyangarire, korereki mwasiga okufwirwa‑mo ku‑mirimu jinu mukorere imbere ya Nyamuwanga, tari muramire echiyaanwa chikobhere.


Nyabhuriko eswe wone, ni kutyokutyo, omwanya gunu Kirisito aariga achaari okuuja, chaariga chiri rwa abhaana abharera, chaariga chiri bhagaya bha obhutinge bhwa akatungiiywe bhwa echaaro chinu.


Echisingaarisya emisango joone jinu ejibhonekana okubha ja echimari keenu jiri ja orubheeyi, na emisango joone ja orwikuuya jinu ejireterera abhaanu bhasige okusombookerwa Nyamuwanga. Ka wone echigwata bhuri bhwiganirisya korereki bhugayuke Kirisito.


Bhari‑wo abhaanu bhanu abhakomeeresya muno emisango ja okwikeeya kwa anja na eja okuramya bhamaraayika. Mwasiga okubheekirisisya bhabhateesye echiyaanwa cheemwe. Abhaanu abho abheekuuya na okwayika ati bhaarora emisango ejo mu‑bhiroro. Nawe chimari, bhawosoosokere mu‑bhwiganirisya bhwebhwe obhubhiibhi kwa okubha ni bhwa echaaro.


Emwe omusombookerwa ati ꞉mweruuywe okusooka mu‑tungwa jeemwe jimbiibhi jinu ꞉mwanjuuwe okusooka ku‑bhasaaja waanyu. ꞉Muteeruuywe okuruubhana na ebhiinu bhinu ebhitura okusingaarika, rwa jipirya amwi inaaryo.


Woori, abhayiri bhaani, enibhakomeeresya ati, mwikengega abhaanu bhanu ameeyigisyo geebhwe agakora abheekirisya bhaawukane makijumakiju, ka wone aganyamura eriikirisya na akatungiiywe keebhwe. Mubhe kura nabho, kwa okubha ameeyigisyo geebhwe agataasyanya na ganu ꞉mweeyigisiibhwe.


Nawe emwe ꞉muteeyigiiye kutyo inguru ya Kirisito.


꞉Naayigire abheejaasu bhaafu bha rikura ryani kwa okurwanirira idiini yeeswe ya Echiyawudi. ꞉Neekomeesiisye muno okugwata obhusimukwa bhwa bhasaaja weeswe.


Mwikenge abheeyigisya bhanu abhengisya ebhiraagiro bhya Echiyawudi mw‑ikanisa. Abhaanu abho bhari rwa jimbwa, ni abhakosi bha ebhibhiibhi, abhakomeeresya okutenda.


Yeesu ˆnaabhabhwira ati, “Mwikenge echifwimbya cha Abhafarisaayo na Abhasadukaayo.”


Mwikengega abhaanu, kwa okubha bharibhasira mu‑maramuriro, ka wone, bharibhasira mu‑nju ja ameekofyanyo geebhwe na okubhabhuma na jijaridi.


Ebhyo bhyone ni ebhiraagiro na ameeyigisyo ga abhaanu era inguru ya ebhiinu bhinu ebhinyamuka ku‑mwanya mufuyi bhikamara okukorerwa emirimu.


Ku‑mwanya ogwo, mwaruubhaga jitungwa jimbiibhi ja echaaro chinu. ꞉Mweekaaye nimuruubhaga Syetaani, omutungi wa obhuturo bhwa echinyamwoyo mu‑rutumba, niryo risambwa rinu woori ritungire abhaanu bhanu bhatakugayuka Nyamuwanga.


Niwo abhaanu abharebhe bha obhwengeeso bhanu bhaatogwaga ati Abhayepukiriyo, aamwi na Abhasitoyiko, nibhaamba okubhambasyanya na Pawuro na okurema emisango jaaye. Abhandi mu‑bheene nibhabhuusya ati, “Ni misango ki jinu omuromiromi unu kaayika?” Abhandi nibhaayika ati, “Eyibhonekana ati kaayikira inguru ya amasambwa ga echaaro echindi.” ꞉Bhaayikire kutyo kwa okubha Pawuro aabharaasisyaga inguru ya Yeesu na inguru ya okusuuruka mu‑bhafuuwe.


Abhakuru abho, bhejire bhoongwa ati Pawuro kaayika inguru ya okusuuruka kwa abhafuuwe, abhaanu bheebhwe abharebhe nibhamuseka na okumugaya. Nawe abhandi nibhamubhwira ati, “Echija okukutegeresya rindi inguru ya emisango ejo.”


Nawe mwiyangarire kisi, obhwitaage bhwemwe bhwasiga okukora mubhe echiikuujuro ku‑bhanu bhachaari okurumatana mu‑riikirisya.


Kutyo, unu keerora ati eemereeguuyu tiritiri mu‑riikirisya, eeyangarire, aasiga okugwa.


Nawe mukarumana na okuwutaasyanya rwa jityanyi ja ibhara, mwiyangarire korereki mwasiga okusingaarisyanya.


Ni chimari, bhanu abharuubha ebhiraagiro ebhyo abhabhonekana ati bhari na obhwengeeso. Abharuubha okuramya kunu bhetereeye‑wo abheene, okwikeeya kwa anja na okutunga emibhiri jeebhwe kwa obhururu. Nawe ebhiraagiro ebhyo bhitakutura okuyingirira okurigira okubhiibhi kwa omubhiri.


Emwe abhayiri bhaani mu‑riikirisya, mwiyangarirega, korereki aasiga okubha‑wo omuunu woonewoone mw‑imwe unu ari na omutima omubhiibhi, gwa okurema okwikirisya, ka wone unu kaarema okuruubha Nyamuwanga omuwanga.


Swiv nou:

Piblisite


Piblisite