Bakolosai 1:16 - Indagano Inyaaya mu-Chijita

¹⁶ Okubha okutura ku‑mwene ebhiinu bhyone ꞉bhyabhumbirwe, bhinu bhiri mu‑rwire na bhinu bhiri ku‑chaaro, bhinu ebhibhonekana na bhinu bhitakubhonekana, bhikabha bhiri ebhya obhukama amwi ebhya obhukuru, obhutungi amwi ebhya obhuturo. Ebhyo bhyone ꞉bhyabhumbirwe okutura ku‑mwene na inguru yaaye.

INDAGANO INYA:YA

¹⁶ Okuba mu:yo ebi:nu byone nimwo byayangiywe, ebya mu rwire ne bya mu:si, binu ebiboneka na binu bitakuboneka, bikaba biri bitebe bya cikama, amwi bukuru, amwi butungi, amwi aba managa. Ebi:nu byone byayangirwe Omwene na kubwae.

Bakolosai 1:16 Referans Kwoze

Barumi 11:36

Nyamuwanga niwe ꞉aabhumbire ebhiinu bhyone. Okutura ku‑mwene ebhiinu bhyone ebhigenderera okubha‑wo, na ebhiinu bhyone bhiri‑wo inguru ya rikusyo ryaye. Nyamuwanga akusibhwe akajaanende koone! Jibhe kutyo.

Yowana 1:3

Nyamuwanga ꞉aabhumbire ebhiinu bhyone okutura ku‑Musango oyo. Chitari‑wo noorwo echiinu chimwi chinu ꞉chaabhumbirwe chitaturire ku‑mwene wuri.

1 Bakorinto 8:6

Nawe kw‑iswe, ari‑wo Nyamuwanga umwi wenyere, niwe Raata, niwe ꞉aabhumbire ebhiinu bhyone. Eswe chiikaaye inguru yaaye. Ka wone ari‑wo Raatabhugenyi umwi wenyere, niwe Yeesu Kirisito, na ebhiinu bhyone ꞉bhyabhumbirwe okutura ku‑mwene, ka wone eswe chiri bhaanga okutura ku‑mwene.

Baeburania 2:10

Nyamuwanga niwe ꞉aabhumbire ebhiinu bhyone na okubhikora bhibhe kutyo bhiri. ꞉Jaamukondeeye areete abheekirisya bhaafu mw‑ikusyo ryaye, kurwa ejo ꞉aakuumisiisye Yeesu ku‑njira ya okunyaasibhwa, korereki abhe obhusimukwa bhwa obhuchungusi.

Baeburania 1:2

Nawe mu‑siku jinu ja obhuteero, Nyamuwanga aayika na eswe okutura ku‑Mwana waaye. Nyamuwanga ꞉aamuteeye‑wo abhe omwanjusi wa ebhiinu bhyone, ka wone okutura ku‑mwene oyo, Nyamuwanga ꞉aabhumbire echaaro choone.

Baefeso 1:10

Obhutinge bhwaye ni ati, aribha gwakuumira omwanya gunu omwene ateeye‑wo, niwo ariwumbanya aamwi ebhiinu bhyone bhibhe emwaro ya obhutungi bhwa Kirisito, ebhiinu bhinu bhiri mu‑rwire na bhinu bhiri mu‑chaaro.

Bakolosai 1:15

Omwana keeresya abhwerubhweru kutyo Nyamuwanga ari, noorwo kutyo Nyamuwanga omwene atakubhonekana. Omwene ari na obhuturo inguru ya ebhibhumbwa bhyone.

Bakolosai 2:10

Kutyo, ku‑njira ya okubha na obhumwi na Kirisito, emwe muyaaywe obhuwanga bhwone. Omwene niwe omukuru inguru ya obhutungi na obhuturo bhwone mu‑chaaro chinyatarorwa.

Bafilipi 2:10

korereki ku‑chibharo cha risiina rya Yeesu, ebhibhumbwa bhyone bhya mu‑rwire, bhya ku‑chaaro na ebhya mu‑nyombe, bhiifukame ku‑mwene.

Bakolosai 1:20

Ka wone, ꞉jaamukondeeye ati, agwatanye ebhiinu bhyone ku‑mwene, ku‑njira ya Omwana waaye, ebhiinu bhinu bhiri ku‑chaaro kunu na bhinu bhiri mu‑rwire. ꞉Aakorere kutyo kwa okureeta omurembe okutura ku‑sagama ya Omwana waaye inu ꞉yeetikire ku‑musarabha.

1 Petero 3:22

Omwene ꞉aagendere mu‑rwire na woori eenyanjire orubhaara rwa ebhuryo rwa Nyamuwanga. Kaatunga bhamaraayika, ebhibhumbwa bhyone ebhya obhuturo na ebhya amanaga.

Bakolosai 2:15

Ku‑njira ya omusarabha, Nyamuwanga ˆnaateesya obhutungi na abha obhuturo mu‑chaaro chinyatarorwa, ˆnaabhayiga kwa risandabha, ˆnaabhaswasya abhwerubhweru.

Baefeso 6:12

Okubha riremo ryeswe, chitakurwana na omubhiri amwi isagama, nawe echirwana na obhutungi, obhuturo, abhakuru bha echisuute cha echinyamwoyo na amayijo ga amasambwa mu‑chaaro chinyatarorwa.

Barumi 8:38

Enimenya chimari ati chitari‑wo echiinu chinu echitura okuchitaaganya na eryenda rya Nyamuwanga. Nyamuwanga arigenderera okucheenda, chibhe chiri bhaanga amwi chifuuwe. Noorwo bhamaraayika, amwi abhatungi, amwi ebhibhumbwa bhya amanaga bhitakutura okuchitaaganya na eryenda ryaye. Noorwo emisango jinu ejikorekana ku‑mwanya gunu amwi ku‑mwanya gwa imbere, amwi choonechoone chinu chiri mu‑rwire amwi mu‑nyombe, amwi choonechoone ku‑chaaro anu, chitari‑wo echiinu chinu echitura okuchitaaganya na eryenda rya Nyamuwanga. Eryenda eryo arisweruuye kw‑iswe okutura ku‑Kirisito Yeesu, Raatabhugenyi weeswe.

Yowana 1:10

Omwene oyo aariga ari mu‑chaaro munu, ka wone Nyamuwanga ꞉aabhumbire echaaro okutura ku‑mwene. Nawe, abhaanu bha ku‑chaaro kunu ꞉bhataamusombookeeywe.

Barumi 9:5

Abhayisirayeeri abho nibho orwibhuro rwa bhasaaja Bhurayimu, Isaaka na Yakobho. Echinyamuunu, noorwo Kirisito ni Muyisirayeeri. Kirisito, niwe Nyamuwanga, Omukuru wa bhyone, akusibhwe akajaanende koone! Jibhe kutyo.