Bakolosai 1:13 - Indagano Inyaaya mu-Chijita

¹³ Achichunguuye okusooka mu‑bhutungi bhwa echisuute, achifurusiisye okusooka omwo na okuchiingisya mu‑bhukama bhwa Omwana waaye omwendwa.

INDAGANO INYA:YA

¹³ Niwe acionyisye mu managa ge cisu:te, nacitu:ra mu bukama bwo Mwana wo kwenda kwae.

Bakolosai 1:13 Referans Kwoze

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

Baefeso 5:8

Okubha, omwanya gunu guturire, emwe mwariga muri chisuute, tari woori anu muri bhweru mu‑kubha na obhumwi na Raatabhugenyi. Mbe muramega rwa abhaana bha obhweru,

1 Petero 2:9

Nawe emwe muri rwibhuro orusorwa, muri bhugabhisi bhwa echikama, echise cha abheeru, abhaanu bhanu mwawuuywe na Nyamuwanga, korereki muraasye ebhikorwa bhyaye ebhikuru. Omwene ꞉aabhabhirikiiye okusooka mu‑chisuute, mwingire mu‑bhweru bhwaye bhwa okuruguusya.

Baefeso 6:12

Okubha riremo ryeswe, chitakurwana na omubhiri amwi isagama, nawe echirwana na obhutungi, obhuturo, abhakuru bha echisuute cha echinyamwoyo na amayijo ga amasambwa mu‑chaaro chinyatarorwa.

1 Batesalonika 2:12

korereki murame rwa kutyo Nyamuwanga keenda. Nyamuwanga niwe kaabhabhirikira korereki mwingire mu‑bhukama na mw‑ikusyo ryaye.

Baefeso 4:18

Obhusombookerwa bhwebhwe bhuri‑mo echisuute, bhakindikirwe kura okusooka ku‑bhuwanga bhwa Nyamuwanga, ku‑songa ya obhumuumu bhunu bhubhari‑mo okuruubhana na obhukomeeye bhwa emyoyo jeebhwe.

Barumi 14:17

Okubha emisango ja bhusibhusi mu‑bhukama bhwa Nyamuwanga kutari kurya amwi okunywa, nawe ni kukora eja obhurengeresi imbere ya Nyamuwanga, okubha na omurembe na rikonderwa. Ejo joone ejiturikana ku‑bhusakisi bhwa Mwoyo Mweru.

1 Yoana 3:14

Eswe chimenyere ati chaasookere mu‑managa ga orufu na woori chiri na obhuwanga bhwa akajaanende koone. Echimenya kutyo, kwa okubha woori echeenda abheejaasu. Omuunu woonewoone unu atakwenda abheejaabho, oyo chimari achaari mu‑managa ga orufu.

2 Bakorinto 4:4

Abhaanu abho, bhatakwikirisya Yeesu, kwa okubha Syetaani omukama wa echaaro chinu, ayingiriiye obhwenge bhwebhwe. Eyo niyo isonga abhataamibhwa okurora obhweru bhwa Emisango ja Ekisi inguru ya rikusyo rya Kirisito, omwene niwe keeresya abhwerubhweru kutyo Nyamuwanga ari.

1 Yoana 3:8

Nawe, omuunu woonewoone unu kaagenderera okukora ebhibhiibhi, ni muunu wa Syetaani. Okubha Syetaani agendereeye okukora ebhibhiibhi okusookerera ku‑bhwambiro. Niyo isonga Omwana wa Nyamuwanga ꞉eejire ku‑chaaro anu, korereki anyamure bhuri murimu gwa Syetaani.

Yowana 5:24

“Ni chimari enibhabhwira ati, omuunu woonewoone unu kaategeresya emisango jaani na okwikirisya Nyamuwanga unu ꞉aantumire, oyo ari na obhuwanga bhwa akajaanende koone. Omuunu oyo atariramurwa, tari aambukire okusooka mu‑kufwa na okwingira mu‑bhuwanga bhwa kajaanende koone.

1 Yoana 2:8

Noorwo kutyo, echiraagiro chinu enibhakaamira ni chiyaaya. Echimari cha echiraagiro echo, ꞉chaabhonekeene mu‑tungwa ja Yeesu Kirisito na mu‑tungwa jeemwe, kwa okubha, echisuute echisooka‑mo na obhweru bhwa echimari bhwangʼarabhiisye.

2 Petero 1:11

Kutyo, murikumibhwa kisi mu‑bhukama bhwa akajaanende bhwa Raatabhugenyi na Omuchungusi weeswe Yeesu Kirisito.

Ruuka 13:24

“Emwe, mwikomeesye okutura mw‑irango rifunde mwingire. Enibhabhwira ati, abhaanu bhaafu bhariregeeja okwingira, nawe bharitaamibhwa.

Baeburania 2:14

Mbe, kwa okubha abhaana bhari na emibhiri na isagama, Yeesu wone ꞉eejire ari na omubhiri na isagama rwa abheene. ꞉Aakorere kutyo, korereki ku‑njira ya orufu rwaye, ayige amanaga ga Syetaani, unu ari na obhuturo bhwa orufu.

Yowana 17:24

“Raata, eniigomba ati abhaanu bhanu unaaye bhabhe aamwi na anye anu niribha, korereki bharore rikusyo ryani rinu ꞉waanaaye, kwa okubha ꞉waanyendere noorwo uchaari okubhumba echaaro.

Ruuka 22:53

Mbawo siku joone naasiibhaga aamwi na emwe mw‑Iyekaru rya Nyamuwanga, nawe ꞉mutaangwatire? Nawe woori, gunu nigwo omwanya gwemwe, na ogwa obhutungi bhwa echisuute.”

Matayo 3:17

Niwo, obhuraka okusooka mu‑rwire nibhwayika ati, “Unu niwe Omwana waani omwendwa, niwe kaankondisya.”

Matayo 25:34

“Niwo anye Omukama, niribhwira abhaanu bhanu bhari orubhaara rwani rwa ebhuryo ati, ‘Muuje, emwe bhanu Raata waani ayaaye amabhando. Mwingire mu‑bhukama bhunu Nyamuwanga abheeraabhiiye okusookerera bhunu ꞉aabhumbire echaaro.

Baefeso 1:6

Kurwa ejo, echikuuya Nyamuwanga inguru ya rikusyo rya obhwitiriranya bhwaye, bhunu achiyaaye ku‑njira ya Omwana waaye omwendwa.

Matayo 17:5

Omwanya gunu Peetero aariga achaaroma, awoawo eriire rinu ryariga niringʼarabhya niriija na okubhafundikira. Nibheeya nibhoongwa obhuraka okusooka mu‑riire eryo nibhwayika ati, “Unu niwe Omwana waani omwendwa, niwe kaankondisya. Mumutegeresyega!”

Yowana 3:35

Raata Nyamuwanga eendere Omwana waaye, ka wone amuyaaye obhuturo inguru ya ebhiinu bhyone.

2 Bakorinto 11:14

Omusango ogwo, gutari gwa okuruguusya, kwa okubha noorwo Syetaani omwene, keekora wuti ni maraayika wa obhweru.

Baefeso 5:5

Okubha mumenyere chimwi ati, omuunu woonewoone urya unu kaakora obhuromesi, omujabhi woonewoone urya na omwigombi woonewoone urya, ataribha omuri wa omwandu mu‑bhukama bhwa Kirisito na Nyamuwanga. Chimari, omuunu unu keesigombera ebhiinu, niwe kaaramya amasusano.