Bakolosai 1:12 - Indagano Inyaaya mu-Chijita

¹² Ka wone, musiimega Raata Nyamuwanga, kwa okubha ꞉aabhayaaye obhuturo bhwa okusangira omwandu aamwi na abheeru bhaaye mu‑bhutungi bhwa obhweru.

INDAGANO INYA:YA

¹² Musi:mega Rata unu acikorere cibe banu ci:ire okugabirwa omugabo gwo mwandu ogwa be:ru mu bweru.

Bakolosai 1:12 Referans Kwoze

Ebikorwa 20:32

“Woori, enibhatuura ku‑Nyamuwanga na ku‑musango gwa obhwitiriranya bhwaye obhukuru. Okubha gunu, ogutura okubhakomeesya na okubhayaana omwandu gwa amabhando ganu atereeye‑wo abhaanu bhaaye bhanu bheesiibhwe.

Baefeso 1:11

Nyamuwanga kaakora bhuri chiinu okwingana na obhukarariiye bhwa okwenda kwaye. Omwene ꞉aaramuuye okuchisora eswe Abhayawudi, chibhe abhaana bhaaye okusookerera kara ku‑njira ya Kirisito.

Baefeso 1:18

Enimusabhwa wone, eegure ameeso ga emitima jeemwe, korereki mumenye obhwiyikanyo bhwa obhubhirikisi bhwaye kw‑imwe kutyo bhuri. Nyabhuriko mumenye rikusyo ryafu rya omwandu gwaye ku‑bheeru kutyo riri.

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

Baefeso 3:6

Obhutinge bhwa imbisike eyo, ni ati, ku‑njira ya okwikirisya Emisango ja Ekisi, abhaanu bhanu bhatari Bhayawudi na Abhayawudi bhari na omwandu gumwi, bhari mubhiri gumwi na abhasangira aamwi amabhando ganu bharagirwe mu‑Kirisito Yeesu.

2 Bakorinto 5:5

Nyamuwanga niwe achichumachumire inguru ya emisango ejo, na achiyaaye Mwoyo waaye, korereki abhe echigwatirisyo cha joone jinu Nyamuwanga arichiyaana.

Barumi 8:17

Mbe, araabha chiri bhaana bha Nyamuwanga, chaabha abhanjusi bhaaye. Chiriramira omwandu gweswe aamwi na Kirisito. Nawe chinu echikenwa kw‑iswe woori ni ati, chisangire mu‑bhinyaasyo aamwi na Kirisito, korereki eswe wone chisangire aamwi nage mw‑ikusyo ryaye.

Baeburania 3:14

Okubha chiri na obhumwi na Kirisito araabha chikagenderera okwiyikanya Nyamuwanga okukingira ku‑bhuteero, rwa kutyo chamwiyikanyaga ku‑bhwambiro.

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Obhusweruro 21:23

Omusi ogwo gutakukena esuubha ryake‑mo amwi okwesi kwake‑mo okubha rikusyo rya Nyamuwanga niryo erimirika‑mo, na Omwana wa Inaama niwe idara yeende‑mo.

Baeburania 12:23

Emwe mwakingire mw‑ikofyanyo rinene rya abheebhurwa bha obhubhere bha Nyamuwanga, bhanu amasiina geebhwe gakaamirwe mu‑rwire. Mwakingire imbere ya Nyamuwanga, unu ari muramusi wa abhaanu bhoone na imbere ya abhaanu abharengeresi bhanu ꞉bhaafuuwe na bhanu woori bhakuumisibhwe.

Bakolosai 2:2

Enikora kutyo, korereki emyoyo jeemwe bhoone, jisimbiisibhwe na okugwatanyibhwa aamwi mu‑ryenda. Eneenda murumatane chimwi mu‑kusombookerwa, na okumenya obhutinge bhwa imbisike ya Nyamuwanga bhunu ku‑bhwambiro bhwariga bhubhisirwe. Imbisike eyo nikwo okumenya Kirisito omwene.

Baefeso 5:20

Bhuri rusuku, kw‑isiina rya Raatabhugenyi weeswe Yeesu Kirisito, musiimega Raata Nyamuwanga ku‑bhuri chiinu.

1 Bakorinto 8:6

Nawe kw‑iswe, ari‑wo Nyamuwanga umwi wenyere, niwe Raata, niwe ꞉aabhumbire ebhiinu bhyone. Eswe chiikaaye inguru yaaye. Ka wone ari‑wo Raatabhugenyi umwi wenyere, niwe Yeesu Kirisito, na ebhiinu bhyone ꞉bhyabhumbirwe okutura ku‑mwene, ka wone eswe chiri bhaanga okutura ku‑mwene.

Barumi 15:27

Abheene abho ꞉bhaaramuuye okukora kutyo. Nawe ni chimari abhatongwa okubhasakira, kwa okubha abheekirisya bhanu bhatari Bhayawudi bhawumbeene aamwi na Abhayawudi mu‑mabhando ga obhuchungusi bhunu bhusokereeye ku‑Bhayawudi. Kurwa ejo, abheekirisya abho abheendwa bhasakire Abhayawudi kwa ebhiinu bhyebhwe.

Yakobo 3:9

Ku‑njira ya orurimi echikuuya Raata, oyo niwe Raatabhugenyi weeswe, nyabhuriko, ku‑njira ya orurimi orwoorwo echiiyiima abhaanu bhanu Nyamuwanga abhumbire mu‑rususo rwaye.

Baeburania 3:1

Mbe, abhayiri bhaani mu‑riikirisya, emwe bhanu Nyamuwanga abhirikiiye aamwi na eswe okubha abhaanu bhaaye, mwiganirisye inguru ya Yeesu. Omwene oyo niwe Itumwa ya Nyamuwanga ka wone niwe Omugabhisi Omukuru wa emisango jinu echiikirisya.

Bakolosai 3:17

Omusango gwonegwone gunu omwayika, amwi echiinu choonechoone chinu omukora, mubhikore kw‑isiina rya Raatabhugenyi Yeesu, nimusiimaga Raata Nyamuwanga okutura ku‑mwene.

Bakolosai 3:15

Omurembe gwa Kirisito gutunge mu‑myoyo jeemwe. Emwe mubheeye omubhiri gumwi, kurwa ejo mubhirikiiywe okurama kwa omurembe. Ka wone, nimusiimaga Nyamuwanga.

Baefeso 5:4

Musige wone okwayika emisango ja jiswaro, amwi okusimura emisango ja obhutaamutaamu, amwi emisango ja obhuseegu, ejo joone jitabheeyire. Nawe musiimega Nyamuwanga ku‑jinu abhakoreeye.

Baefeso 4:6

Ari‑wo Nyamuwanga umwi era. Omwene oyo, niwe Raata wa abhaanu bhaaye bhoone, niwe omutungi inguru ya bhyone, kaakora emirimu jaaye okutura ku‑bhoone na kaarama mu‑bhoone.

1 Bakorinto 9:23

Enikora ejo joone inguru ya Emisango ja Ekisi, korereki nisangire na abhandi mu‑mabhando gaajo.

Barumi 11:17

Woori, amatabhi amarebhe ga omujeyituuni ꞉gaatemerwe, na amatabhi agandi ga omujeyituuni gwa ibhara nigongwa‑ko, nigabha agati ya amatabhi ga obhusimukwa ga omujeyituuni gunu. Amatabhi goone agabhona ebhiryo okusooka ku‑misi jiryajirya ja omujeyituuni. Woori emwe, neemwe amatabhi ga omujeyituuni gwa ibhara.

Barumi 9:23

꞉Aakorere kutyo, korereki eeresye rikusyo ryaye rikuru inguru ya abhaanu bhanu ꞉eeraabhire okuramira echigongo chaaye. Aariga eeraabhire okwambira kara okubhareeta ku‑mwene bhabhe nage mw‑ikusyo ryaye.

Yowana 20:17

Yeesu ˆnaamubhwira ati, “Nuusige okungwata‑ko. Nichaari okugenda mu‑rwire ku‑Raata. Mbe, genda ubhwire abhayiri bhaani, ati enigenda mu‑rwire ku‑Raata waani, unu ari Esomwana wone, ku‑Nyamuwanga waani unu ari Nyamuwanga weemwe wone.”

Yowana 4:23

Omwanya oguuja, ka wone, gwakingire, gunu abhaanu bhanu abheenda okuramya Raata Nyamuwanga mu‑chimari, bharimuramyaga kwa Mwoyo na echimari. Raata Nyamuwanga keenda abhaanu rwa abho, nibho bhabhega nibhamuramya.

Matayo 25:34

“Niwo anye Omukama, niribhwira abhaanu bhanu bhari orubhaara rwani rwa ebhuryo ati, ‘Muuje, emwe bhanu Raata waani ayaaye amabhando. Mwingire mu‑bhukama bhunu Nyamuwanga abheeraabhiiye okusookerera bhunu ꞉aabhumbire echaaro.

Obhusweruro 22:14

Bharibhona amabhando, abhaanu bhanu abhafura emingiro jeebhwe mu‑sagama ya Omwana wa Inaama, korereki bheekirisibhwe okwingira mu‑musi omuyaaya ogwo okutura ku‑marango gaagwo na okurya amatwasyo ga riiti rinu erisoosya obhuwanga bhwa akajaanende koone.

Obhusweruro 22:5

Ingeta itaribha‑mo rindi mu‑musi omwo. Abhaanu bhatarikena idara noorwo risuubha, okubha Raatabhugenyi Nyamuwanga aribha obhweru bhwebhwe. Abhaanu abho bharitunga akajaanende koone.

1 Yoana 1:3

Echibharaasisya emisango inguru ya Yeesu unu ꞉chaarorere na okumutegeresya, korereki mubhe na obhumwi na eswe mu‑riikirisya. Obhumwi obhwo, chiri nabhwo na Raata Nyamuwanga na Omwana waaye Yeesu Kirisito.

1 Petero 5:1

Woori, enaayika na emwe abhakaruka bha rikanisa. Anye niri omukaruka oweejaanyu, unu ꞉neeroreeye omwene kutyo Kirisito ꞉aanyaasiibhwe. Ka wone, anye niri omusangisi oweejaanyu wa rikusyo rinu riri yeeyi okuswerurwa. Kurwa ejo, enibheerembeeresya emwe,

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

2 Bakorinto 11:14

Omusango ogwo, gutari gwa okuruguusya, kwa okubha noorwo Syetaani omwene, keekora wuti ni maraayika wa obhweru.

Baefeso 2:18

Okubha omwene oyo, achiyaaye eswe bhoone, Mwoyo Mweru korereki chifogere ku‑Raata Nyamuwanga.

Baefeso 5:8

Okubha, omwanya gunu guturire, emwe mwariga muri chisuute, tari woori anu muri bhweru mu‑kubha na obhumwi na Raatabhugenyi. Mbe muramega rwa abhaana bha obhweru,

Baefeso 5:11

Musigega okusangira ebhikorwa ebhibhiibhi bhya mu‑chisuute bhinu bhanyatagayuka abhakora. Akiri mubhiswerure, korereki bhibhe abhweru.