Bagalatia 6:4 - Indagano Inyaaya mu-Chijita

⁴ Nawe bhuri muunu aringire jitungwa jaaye omwene. Araabha omuunu kaakora ja ekisi, niwo kaatura okwikuuya inguru ya emisango ja ekisi jinu akorere, noorwo aasiga okwiringʼaanya na emisango jinu omuunu owundi akorere.

INDAGANO INYA:YA

⁴ Nawe mu:nu wo:ne e:rore omurimu gwae omwene, niwo naba no kwikumangya kubwae omwene:ra, amwi tari kubwa bandi.

Bagalatia 6:4 Referans Kwoze

2 Bakorinto 13:5

Woori mwirenge emwe abheene, korereki mumenye araabha muri na eriikirisya. Mwitatirisye emwe abheene, angu, mutakumenya ati Yeesu Kirisito ari mu‑myoyo jeemwe? Araabha jitari kutyo, awo niwo omumenya ati, obhutatirisi bhwemwe, bhwataamibhwa okukingira indengo ya eriikirisya.

1 Bakorinto 11:28

Kutyo, bhuri muunu eetatirisye omwene, niwo arye omukaate na okunywera omutawo ogwo.

2 Bakorinto 1:12

Mbe, eswe echiikuuya ku‑musango gumwi. Emitima jeeswe ejichibhambaarira ati, chiikaaye kwa obhurengeresi na okwa obhwiyikanyibhwa bhunu obhusooka ku‑Nyamuwanga. ꞉Chitaakorere kutyo okuruubhana na obhwengeeso bhwa echinyamuunu, tari ku‑bhwitiriranya bhwa Nyamuwanga. Nikwo kutyo chiikaaye ku‑chaaro anu, na chimwichimwi mu‑bhungwani bhweswe na emwe.

Ruuka 18:11

“Bhejire bhaakinga, Omufarisaayo ˆneemereeguru eenyere ku‑mbari, ˆnaasabhwa ati, ‘Enikusiima Nyamuwanga, kwa okubha anye nitari owa ebhibhiibhi rwa abhaanu abhandi. Abhaanu abhandi ni bhasaakusi, abhajabhi, na abharomesi, noorwo nitari rwa omutobhesya wa rigooti oyo!

Bagalatia 6:13

Noorwo abheene bhanu bhatenderwe, wone bhatakuruubha ebhiraagiro bhyone. Echiinu chinu abheenda ni ati emwe mutendwe, korereki bheekumangisye okutendwa kwemwe.

1 Bakorinto 3:8

Unu kaayamba na unu keetirira amanji bhoone bheengeene, Nyamuwanga ariyaana bhuri umwi weebhwe omuyeero gwaye, okuruubhana na kutyo ꞉aakorere emirimu jaaye.

1 Bakorinto 3:14

Araabha omurimu gwa omuunu gukawona, omuunu oyo ariramira echiyaanwa.

Bafilipi 1:26

Omwanya gunu niribha aamwi na emwe, muribha na rikusyo muno inguru ya Kirisito Yeesu kwa okubha kaabha ansakiiye okusubha rindi kw‑imwe.