Bagalatia 5:4 - Indagano Inyaaya mu-Chijita

⁴ Araabha omwiyikanya okubha abharengeresi imbere ya Nyamuwanga mu‑kuruubha ebhiraagiro, mbe mumenye ati mwikindikire okusooka ku‑Kirisito, na muri kura na obhwitiriranya bhwa Nyamuwanga.

INDAGANO INYA:YA

⁴ Mwaukene na Kristo, emwe banu omwenda okuyabwa oburenge:resi mu biragiro. Mwagu:ye okuso:ka mu cigongo.

Bagalatia 5:4 Referans Kwoze

Barumi 11:6

Bhaasorwa kwa obhwitiriranya bhwa Nyamuwanga, kurwa ejo bhatakuchungurwa ku‑songa ya ebhikorwa bhyebhwe. Araabha bhakachunguuywe ku‑songa ya ebhikorwa bhyebhwe, mbe obhwitiriranya obhwo bhutaakabheeye obhwitiriranya rindi.

Baeburania 12:15

Mwiyangarirega, korereki omuunu woonewoone aasiga okugerukirwa obhwitiriranya bhwa Nyamuwanga. Ka wone, aasiga okwibhuka omuunu agati yeemwe unu ari rwa riiti riruru. Omuunu rwa oyo kaja okubhanyaasya, na okujabhiyasya abhaanu bhaafu.

Bagalatia 2:21

Nitakutura okurema obhwitiriranya bhwa Nyamuwanga. Araabha omuunu kaatura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa, mbe bhwariga bhutari‑wo obhukene bhwa Kirisito okufwa!

Barumi 3:20

Emisango ejo jiri kutyo, kwa okubha atari‑wo omuunu woonewoone unu aribharwa okubha omurengeresi imbere ya Nyamuwanga kwa okuruubha ebhiraagiro bhya Muusa. Emirimu ja ebhiraagiro ebhyo, ni kumenyesya abhaanu bhoone inguru ya ebhibhiibhi bhyebhwe.

Obhusweruro 2:5

Mwichuke kutyo mwariga muchaari okusiga eryenda ryemwe. Mukamara mute ebhibhiibhi bhyemwe, mukore rindi jinu mwariga nimukora omwanya gurya. Mukarema okuta, niribhaaja‑ko na okusoosya‑wo omutereko gwemwe gwa okutuura‑ko jidara.

Bagalatia 5:2

Mutegeresye chinu anye Pawuro enibhabhwira! Araabha mukeekirisya okutendwa rindi inguru ya okuruubha ebhiraagiro bhya Muusa, awo Kirisito ataribha na obhugajuro bhwonebhwone kw‑imwe.

Baeburania 4:1

Mbe, omurago gwa Nyamuwanga gwa abhaanu okwingira orubhaara rwa okwisya omwoyo guchaari aryaarya. Kurwa ejo chiyangarirega, korereki aasiga okubha‑wo omuunu woonewoone agati yeemwe unu aritaamibhwa okwingira mu‑rubhaara orwo.