Bagalatia 5:3 - Indagano Inyaaya mu-Chijita

³ Enibhabhwira abhwerubhweru rindi ati, omurume woonewoone unu keekirisya okutendwa, kaakenwa okuruubha ebhiraagiro bhyone bhya Muusa.

INDAGANO INYA:YA

³ Enimubwira mu:nu wo:ne unu katendwa ati, ari na ribanja okuku:misya ebiragiro byone.

Bagalatia 5:3 Referans Kwoze

Bagalatia 3:10

Nawe abhaanu bhoone bhanu abheeyikanya okuchunguka kwa okukora jinu ebhiraagiro bhya Muusa ebhikena, abho bheeyiimirwe. Okubha Ebhikaame Ebhyeru ebhyayika ati, “Woonewoone unu atakuruubha na okukora joone jinu jikaamirwe mu‑chitabho cha ebhiraagiro, eeyiimirwe.”

Barumi 2:25

Okutendwa kwawo kuri na omuriiro, araabha owukora rwa kutyo ebhiraagiro ebhiragirira. Nawe ukabha nuubhinyamura, owubha rwa omuunu unu atatenderwe.

Baefeso 4:17

Mbe, enibhakengya na okubharagirira kw‑isiina rya Raatabhugenyi ati, okwambira woori musige okurama rwa abhaanu bhanu bhatakumenya Nyamuwanga kutyo bharamire mu‑bhwiganirisya obhubhiibhi.

Matayo 23:18

Ka wone, omwiyigisya abhaanu ati, ‘Araabha omuunu kaarayira ku‑chigabhiro cha mw‑Iyekaru rya Nyamuwanga, echirayiro chaaye echo chitari chiinu. Nawe araabha kaarayira ku‑choogo chinu chisoosiibhwe ku‑chigabhiro echo, omuunu oyo, keendwa akore rwa kutyo ꞉aarayiiye.’

1 Yoana 4:14

Eswe chibhuganganyiisye ameeso na Omwana wa Nyamuwanga. Woori, echibhwira abhaanu abhandi echimari ati, oyo niwe Raata Nyamuwanga ꞉aatumire mu‑chaaro okubha Omuchungusi wa abhaanu bhoone.

1 Batesalonika 4:6

Kurwa ejo, omuunu woonewoone asige okukayira oweejaabho, noorwo okumujiga. Rwa kutyo ꞉chaabhabhwiriiye na okubhagaanya ku‑bhwambiro ati, Raatabhugenyi Yeesu niwe kaasubhya orusiima ku‑bhaanu bhoone bhanu abhakora ebhibhiibhi ebhyo.

Ebikorwa 20:21

Naabhwiraga Abhayawudi na bhanu bhatari Bhayawudi ati, bhayindukire Nyamuwanga, bhate ebhibhiibhi bhyebhwe na bheekirisye Raatabhugenyi weeswe Yeesu Kirisito.

Ebikorwa 2:40

Peetero ꞉aagendereeye kwa omwanya mureera okubhwira abhaanu abho emisango myafu ja okubhakengya. ꞉Aabheerembeeresiisye ˆnaayikaga ati, “Muchungurwe na Nyamuwanga, mwasiga okuyaanwa indamu aamwi na abhaanu bha riyimbo rinu, bhanu bhari abhabhiibhi muno!”

Ruuka 16:28

akengye abhamura bhaasu bhataanu, bheekenge na ebhibhiibhi. Akore kutyo, korereki abheene wone aribha bhaafwa bhaasiga okureetwa enu mu‑bhinyaasyo ebhiruru bhinu.’

Matayo 23:16

“Jiribhabhona emwe abhatangasya abhawofu, kwa okubha omwiyigisya abhaanu ati, ‘Araabha omuunu kaarayira kw‑Iyekaru rya Nyamuwanga, echirayiro chaaye echo chitari chiinu. Nawe araabha kaarayira ku‑naaryo inu isoosiibhwe mw‑Iyekaru rya Nyamuwanga, omuunu oyo keendwa akore rwa kutyo ꞉aarayiiye.’

Ebikorwa 15:1

Abhaanu abharebhe nibhasooka Yuudeya, nibhooromokera mu‑musi gwa Atiyookiya. Nibheeyigisya abheekirisya nibhaayikaga ati, “Araabha mukarema okutendwa okuruubhana na jitungwa jinu ꞉chaasigiiywe na Muusa, mutakutura okuchunguka.”

Bagalatia 5:2

Mutegeresye chinu anye Pawuro enibhabhwira! Araabha mukeekirisya okutendwa rindi inguru ya okuruubha ebhiraagiro bhya Muusa, awo Kirisito ataribha na obhugajuro bhwonebhwone kw‑imwe.

Bagalatia 5:6

Mbe araabha chiri na obhumwi na Kirisito Yeesu, okutendwa amwi okurema okutendwa kutari na obhugajuro bhwonebhwone. Echiinu cha bhusibhusi ni riikirisya ryeswe rinu erikora emirimu mu‑ryenda.