Bagalatia 4:6 - Indagano Inyaaya mu-Chijita

⁶ Mbe, kwa okubha chiri bhaana bha Nyamuwanga, omwene ꞉aatumire Mwoyo wa Omwana waaye mu‑myoyo jeeswe. Mwoyo oyo, niwe kaakora chibhirikire Nyamuwanga ati “Abha,” obhugajuro bhwaryo “Raata.”

INDAGANO INYA:YA

⁶ Okuba muri ba:na, kwakorere Nyamuanga natuma Omwoyo wo Mwana wae mu mitima jemwe, narira ati, Rata, Rata.

Bagalatia 4:6 Referans Kwoze

Barumi 5:5

Obhwiyikanyo obhwo, bhutakutura okuchiswasya, kwa okubha Nyamuwanga eeturuuye eryenda ryaye ryafu mu‑myoyo jeeswe, okutura Mwoyo waaye Mweru unu achiyaaye.

Barumi 8:9

Nawe emwe woori, mutakutangasibhwa na obhusimukwa bhwemwe bhwa echibhiibhi, tari mutangasibhwa na Mwoyo wa Nyamuwanga, kwa okubha eekaaye mu‑myoyo jeemwe. Omuunu woonewoone unu atari na Mwoyo wa Kirisito, oyo atari muunu wa Kirisito.

Bafilipi 1:19

okubha enisombookerwa ati joone jinu jimbwene, niritaatirwa. Jiribha kutyo kwa okubha omunsabhirwa ku‑Nyamuwanga, ka wone Mwoyo Mweru wa Yeesu Kirisito kaansakira.

Baefeso 2:18

Okubha omwene oyo, achiyaaye eswe bhoone, Mwoyo Mweru korereki chifogere ku‑Raata Nyamuwanga.

2 Bakorinto 3:17

Woori, Raatabhugenyi ni Mwoyo, na anu Mwoyo wa Raatabhugenyi ari, awo niwo bhuri bhwitaage.

Baefeso 4:30

Musige okusurumbasya Mwoyo Mweru wa Nyamuwanga, kwa okubha omwene oyo, niwe orunabho rwaye kw‑imwe ati, orusuku oruuja runu muryerurwa chimwi.

Yuuda 1:20

Nawe emwe abheendwa bhaani, mwimaririre mu‑chimari cha eriikirisya ryemwe rinu riri eryeru muno, musabhwega ku‑bhuturo bhwa Mwoyo Mweru.

Yowana 16:7

“Ni chimari enibhabhwira ati, ni kisi kw‑imwe anye nigende ku‑Raata. Araabha nikaremere okugenda, Omusakisi urya ataakaturire okuuja kw‑imwe. Nawe araabha nikagenda, enija okumutuma kw‑imwe.

Yowana 14:16

Mbe, anye nirisabhwa Raata abhayaane Omusakisi owundi, korereki abhe aamwi na emwe siku joone.

Ruuka 11:13

Woori, emwe bhanu muri abhajabhi, mumenyere okuyaana abhaana bheemwe ebhiinu bhya ekisi. Mbe, Esomwana unu ari mu‑rwire kaja okukira muno mu‑kukora ja ekisi, na kaja okuyaana Mwoyo Mweru bhanu abhamusabhwa.”

2 Bakorinto 1:22

na okuchituura‑ko orunabho kwa okuchiyaana Mwoyo Mweru mu‑myoyo jeeswe, korereki abhe echigwatirisyo cha joone jinu Nyamuwanga arichiyaana.

Yowana 15:26

“Nirituma kw‑imwe Omusakisi, niwe Mwoyo Mweru, unu kaja okuswerurira abhaanu echimari. Omusakisi oyo, kaasooka ku‑Raata, na omwanya gunu aribhakinga‑ko, arisoosya obhubhambaasi bhwa echimari inguru yaani.

Ruuka 11:2

Yeesu ˆnaabhabhwira ati, “Omwanya gunu muraasabhwega Nyamuwanga, mwayikega ati, ‘Raata [weeswe unu uri mu‑rwire], risiina ryawo rikusibhwe. Obhukama bhwawo bhuuje. [Okwenda kwawo kukorekane mu‑chaaro munu, rwa kutyo okukorekana mu‑rwire eyo.]

Yowana 3:34

kwa okubha Nyamuwanga ꞉aatumire Yeesu korereki aayike emisango jaaye. Nyamuwanga amuyaaye Mwoyo Mweru okurenga wuri.

1 Petero 1:11

Mwoyo wa Kirisito unu aariga ari mu‑myoyo jeebhwe, ꞉aasoosiisye obhuragi ati Kirisito arinyaaka na akasooka mu‑nyaako ejo, aribhona rikusyo. Abharagi abho, ꞉bhaayenjeresiisye muno okumenya ati, emisango ejo, jirikorekana rusuku ri na jirimubhona kutiki.

Baefeso 6:18

Musabhwe Nyamuwanga omwanya gwone nimutangasibhwaga na Mwoyo Mweru. Mumusabhwe na okumwirembeeresya bhunyatayigwa ku‑bhuri musango. Ka wone, mugenderere okusabhirwa abheeru bha Nyamuwanga bhoone.

Obhusweruro 19:10

Niwo ningwa bhwifumbike ku‑maguru ga maraayika oyo, korereki nimuramye. Nawe omwene, ˆnaambwira ati, “Siga okukora kutyo! Anye niri omukosi weejaanyu aamwi na abhayiri bhaanyu mu‑riikirisya, bhanu abhasoosya obhubhambaasi bhwa emisango ja Yeesu. Ramya Nyamuwanga omwene era! Okubha okusoosya obhubhambaasi bhwa emisango ja Yeesu nibhwo obhwambiro bhwa obhuragi.”

Baefeso 1:13

Emwe wone, bhanu mutari Bhayawudi ꞉mwoonguuwe omusango gwa echimari, nijo Emisango ja Ekisi ja obhuchungusi bhwemwe. Ka wone, mwejire mweekirisya Kirisito, Nyamuwanga ꞉aabhateeye‑ko orunabho kwa okubhayaana Mwoyo Mweru unu aariga abharagire. Kwa okukora kutyo, ꞉eeresiisye ati, muri abhaana bhaaye.

1 Bakorinto 15:45

Mu‑Bhikaame Ebhyeru jikaamirwe ati, “Omuunu wa okwamba, Adaamu, ꞉aabhumbirwe ˆnaabha omuunu omuwanga,” nawe Adaamu wa obhuteero, Kirisito, niwe Mwoyo unu kaayaana abhaanu obhuwanga.

Ebikorwa 16:7

Bhejire bhaakinga ku‑rubhibhi rwa okwingira mu‑mukoowa gwa Miisiya, nibharegeeja okwingira mu‑mukoowa gwa Bhitiniya, nawe Mwoyo wa Yeesu ꞉ataabheekirisisiisye.

Yowana 7:39

Yeesu aariga ˆnaayika emisango ejo inguru ya Mwoyo Mweru, unu abhaanu bhanu abheekirisya Yeesu bhaakayaaywe. Omwanya ogwo, Nyamuwanga aariga achaari okutuma Mwoyo waaye ku‑bhaanu abho, kwa okubha Yeesu aariga achaari okwingʼengibhwa inguru mw‑ikusyo.

Mariko 14:36

Mw‑isabhwa eryo ꞉aayikire ati, “Abha, Raata, kw‑awe joone ejiturikana. Enikusabhwa unsoosisye‑wo omutawo gunu gwa ebhinyaasyo. Nawe jisige okubha rwa kutyo anye eneenda, tari rwa kutyo awe oweenda.”

1 Batesalonika 4:8

Omuunu woonewoone unu kaarema ameeyigisyo ago, atakurema omuunu, nawe, kaarema Nyamuwanga unu kaachiyaana Mwoyo Mweru waaye.