Bagalatia 4:5 - Indagano Inyaaya mu-Chijita

⁵ ꞉Aatumirwe, korereki acheerure eswe bhanu chaariga chitungirwe na ebhiraagiro bhya Muusa. ꞉Aakorere kutyo, korereki eswe bhoone chikorwe abhaana bha Nyamuwanga.

INDAGANO INYA:YA

⁵ Korereki acungure banu batungirwe ebiragiro, eswe cikorwe aba:na.

Bagalatia 4:5 Referans Kwoze

Baeburania 9:15

Ku‑songa eyo, Kirisito niwe kaagwatanya abhaanu na Nyamuwanga mu‑ndagano inyaaya, korereki abhaanu bhanu Nyamuwanga aawuuwe, bhabhone obhuwanga bhwa kajaanende koone bhunu ꞉aaragire okubhayaana. Ejo ejitura okukorekana kutyo kwa okubha Kirisito ꞉aafuuwe korereki eerure abhaanu okusooka mu‑bhibhiibhi bhinu bhaariga nibhakora omwanya gwa indagano ya kara.

Baefeso 1:5

꞉Aaramuuye okuchisora kutyo, chibhe abhaana bhaaye okusookerera kara, ku‑njira ya Yeesu Kirisito. ꞉Aakorere kutyo mu‑kwenda kwaye.

Baefeso 1:7

Okubha ku‑sagama ya Kirisito cheeruuywe, nikwo okufwirwa echigongo ebhibhiibhi bhyeswe bhyone. Ku‑njira eyo, Nyamuwanga ꞉aacheeresiisye obhuniibhi bhwafu muno bhwa obhwitiriranya bhwaye.

Obhusweruro 5:9

Nibheembira Omwana wa Inaama orwimbo oruyaaya runu rwayikaga ati, “Awe wiiyire okuramira echitabho echo na okusuruumura jimboyero jaacho ja obhurimbo. Okubha awe ꞉waatemerwe omutwe na ku‑sagama yaawo, nuugurira Nyamuwanga abhaanu bha jingʼanda joone, jinyaayika joone, jinyaami joone na abha amaanga goone.

Baeburania 9:12

Omwene ꞉eengiiye rumwi era Ayeeru a Ayeeru. ꞉Ateengiiye eyo na orwamba rwa jimbusi amwi rwa ebhinyara, tari ꞉eengiiye eyo na isagama yaaye omwene, korereki acheerure akajaanende koone.

Bagalatia 3:13

Kirisito ꞉aacheeruuye okusooka mu‑chiyiimo cha ebhiraagiro kwa okugega echiyiimo echo, inguru yeeswe. Ebhikaame Ebhyeru ebhyayika ati, “Woonewoone unu abhambirwe ku‑musarabha, eeyiimirwe.”

Barumi 8:23

Ka wone, jitari ati ni bhibhumbwa ebhyo era bhinu ebhirira kwa obhusungu, tari noorwo eswe bhanu chiyaaywe Mwoyo Mweru, chirabhe bhwa ekisi ku‑jinu arichiyaana, noorwo eswe echirira kwa obhusungu mu‑myoyo jeeswe. Echirira kwa obhusungu, kwa okubha echirindirira muno omwanya gunu Nyamuwanga arichikuumisya okubha abhaana bhaaye. Awo niwo aricheerura okusooka mu‑bhugaya bhweswe bhwa obhunyamuke kwa okuchiyaana emibhiri emiyaaya.

Bagalatia 4:7

Kurwa ejo, woori emwe mutari bhagaya rindi, tari muri bhaana bha Nyamuwanga. Mukabha muri bhaana, mbe muriramira omwandu gunu Nyamuwanga atereeye‑wo abhaana bhaaye.

Bagalatia 3:26

Woori, emwe bhoone muri bhaana bha Nyamuwanga kwa eriikirisya ryemwe, kwa okubha muri na obhumwi na Kirisito Yeesu.

Barumi 9:4

Abho nibho Abhayisirayeeri, abhaanu bhanu Nyamuwanga ꞉aasorere bhabhe abhaana bhaaye, ꞉aabheeresiisye rikusyo ryaye na ꞉aakorere jindagano nabho. Ka wone ꞉aabhayaaye ebhiraagiro bhyaye, aamwi na emirago jaaye, na ꞉aabharagiriiye kutyo jeenderwe bhamuramye.

Yowana 1:12

Nawe abhaanu bhoone bhanu ꞉bhaamuramiiye na okumwikirisya, ꞉aabhayaaye obhuturo bhwa okubha abhaana bha Nyamuwanga.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Barumi 8:19

Ebhiinu bhyone bhinu ꞉bhyabhumbirwe, ebhirindirira kwa obhwiro bhwafu omwanya gunu Nyamuwanga ariswerura abhaana bhaaye.

Baefeso 5:2

Murame mwendeene, nimuruubhaga echijekekanyo cha Kirisito. Okubha omwene ꞉aacheendere na okwisoosya inguru ya ebhibhiibhi bhyeswe, ˆnaabha echiyaanwa na echoogo echa ebhirange ku‑Nyamuwanga.

Bagalatia 4:21

Woori mumbwire, emwe bhanu omwenda okubha abhagaya kwa okuruubha ebhiraagiro bhya Muusa. Angu, mutakumenya kutyo ebhiraagiro ebhyayika?

Ruuka 1:68

“Raatabhugenyi, Nyamuwanga wa Yisirayeeri, akusibhwe, kwa okubha, eejire okwerura abhaanu bhaaye.

Baeburania 1:3

Omwene oyo niwe orungʼarabhyo rwa rikusyo rya Nyamuwanga. Ka wone niwe orususo rwa echimari rwa kutyo Nyamuwanga ari. Omwene niwe kaakora ebhiinu bhyone bhigwatane aamwi ku‑musango gwaye ogwa amanaga. ꞉Eesiisye abhaanu ebhibhiibhi bhyebhwe, ˆnaagenda mu‑rwire, ˆneenyanja orubhaara rwa ebhuryo rwa Nyamuwanga owa obhuturo bhwone.

Matayo 20:28

Jiri rwa kutyo anye Omwana wa Omuunu, ꞉niteejire okukorerwa emirimu, tari ꞉neejire okukorera emirimu abhaanu na okusoosya obhurame bhwani, korereki neerure abhaanu bhaafu.”

Ebikorwa 20:28

Woori, mubhega mwiyangariiye na murinde ebhise bhyone bhya abheekirisya, kwa okubha Mwoyo Mweru, abhateeye‑wo mubhe abhaangarisi. Mwangarire abheekirisya abho, kwa okubha Nyamuwanga ꞉aabhagurire kwa isagama ya omwana waaye.

1 Petero 3:18

Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.

Obhusweruro 14:3

Abhaanu abho, bhaariga bheemereeguuyu imbere ya echitebhe cha ingʼoma chirya, na imbere ya ebhibhumbwa bhina ebhiwanga bhirya na abhakaruka bharya makumi gabhiri na bhana. Abhaanu abho, bhaariga nibheemba orwimbo oruyaaya na atari‑wo omuunu owundi unu ꞉aaturire okwiyigira okwimba orwimbo orwo, tari abho bhaariga bhagurirwe okusooka ku‑chaaro.

Barumi 8:14

Bhoone bhanu abhatangasibhwa na Mwoyo wa Nyamuwanga, abho nibho abhaana bha Nyamuwanga.

Barumi 8:15

Nyamuwanga ꞉ataabhayaaye Mwoyo Mweru, korereki mubhe rindi abhagaya bhanu abhamuubhaya, tari ꞉aabhayaaye Mwoyo Mweru, korereki mubhe abhaana bhaaye. Mwoyo oyo, niwe kaachiyaana obhuturo bhwa okubhirikira Nyamuwanga ati, “Abha,” obhugajuro bhwaryo “Raata!”

Barumi 10:4

Kirisito ꞉aakuumisiisye ebhiraagiro bhyone bhya Muusa, korereki abhaanu bhoone bhanu abhamwikirisya, bhabharwe okubha abharengeresi imbere ya Nyamuwanga.