Bagalatia 4:3 - Indagano Inyaaya mu-Chijita

³ Nyabhuriko eswe wone, ni kutyokutyo, omwanya gunu Kirisito aariga achaari okuuja, chaariga chiri rwa abhaana abharera, chaariga chiri bhagaya bha obhutinge bhwa akatungiiywe bhwa echaaro chinu.

INDAGANO INYA:YA

³ Nyaburiko neswe one, anu cariga cicari ba:na, cariga citungirwe jintungwa jo busimuka je ca:ro.

Bagalatia 4:3 Referans Kwoze

Bakolosai 2:20

Emwe, ꞉mwafuuwe aamwi na Kirisito, kutyo ꞉aabhachunguuye okusooka ku‑bhutinge bhwa akatungiiywe bhwa echaaro chinu. Mbe, ni kurwa ki muchaagayuka ebhiraagiro bhyebhwe, na okwikara rwa abhaanu bha ku‑chaaro kunu? Ebhiraagiro ebhyo nibhyo bhinu,

Bakolosai 2:8

Mubhe mwiyangariiye, omuunu woonewoone aasiga okubhayabhya kwa ameeyigisyo ga kutyo era na ga orubheeyi. Ameeyigisyo ago, agaruubhana na obhusimukwa bhwa abhaanu, na obhutinge bhwa akatungiiywe bhwa echaaro chinu. Ameeyigisyo ago gatakusooka ku‑Kirisito,

Bagalatia 4:9

Nawe woori, omumenya Nyamuwanga na omwene wone kaabhamenya muno. Woori ni kurwa ki omusubha okuramya obhutinge bhwa akatungiiywe bhwa echaaro chinu? Obhutinge obhwo, bhutari na obhuturo noorwo obhugajuro bhwonebhwone. Amwi omwenda rindi okubha abhagaya bhaabhwo?

Bagalatia 2:4

Omusango gwa okutenda ogwo ꞉gwabhusiibhwe na abhaanu bhanu bhaariga nibheekora wuti ni bhayiri bheeswe. Abhaanu abho, ꞉bheeyingisiisye mu‑bhumbise okutatirisya obhwitaage bhweswe bhunu ꞉chaayaaywe na Kirisito Yeesu. Obhukarariiye bhwebhwe bhwariga bhuri kuchikora chibhe abhagaya bha ebhiraagiro bhya Muusa.

Bagalatia 4:31

Kurwa ejo, abhayiri bhaani, eswe chitari bhaana bha omugayagasi, tari chiri bhaana bha omugasi omwitaage.

Ebikorwa 15:10

Mbawo woori omwenda okuregeeja Nyamuwanga kwa okutwikya abheeyigisibhwa abho obhusito bhunu, eswe abheene wone obhuchitama? Noorwo bhasaaja weeswe wone, ꞉bhwabhatamire!

Barumi 8:15

Nyamuwanga ꞉ataabhayaaye Mwoyo Mweru, korereki mubhe rindi abhagaya bhanu abhamuubhaya, tari ꞉aabhayaaye Mwoyo Mweru, korereki mubhe abhaana bhaaye. Mwoyo oyo, niwe kaachiyaana obhuturo bhwa okubhirikira Nyamuwanga ati, “Abha,” obhugajuro bhwaryo “Raata!”

Yowana 8:31

Mbe, Yeesu ˆnaabhwira Abhayawudi bhanu ꞉bhaamwikirisiisye ati, “Araabha omuja okugenderera okuruubha ameeyigisyo gaani, omuja okubha abheeyigisibhwa bhaani bha echimari.

Baeburania 7:16

Omwene aariga atari mugabhisi kwa okubha ꞉aakuumisiisye echiraagiro chinu echiragirira ati abhagabhisi bhasooke mu‑ruganda rwa Abharaawi. Tari omwene ꞉aabheeye omugabhisi ku‑bhuturo bhwa obhuwanga bhwaye bhunu bhutari na obhuteero.

Bagalatia 4:25

Abhaanu bha Yerusareemu ya woori ni bhagaya bhanu abharuubha ebhiraagiro bhya Muusa. Abho ni bhagaya rwa abhaana bha Ajiri, kwa okubha omwene ari rwa echiima cha Sinaayi mu‑chaaro cha Ebhwarabhu.

Bagalatia 3:19

Woori, ebhiraagiro bhiri na emirimu ki? Ebhiraagiro ꞉bhyateeywe‑wo inguru ya bhunyatagayuka bhwa abhaanu. ꞉Bhyateeywe‑wo okukingira anu ariija omwibhurwa wa Bhurayimu, unu Nyamuwanga ꞉aaragire ati ariija. Ebhiraagiro ebhyo, Nyamuwanga ꞉aayaaye Muusa okutura ku‑bhamaraayika, na Muusa ˆnaabha omugwatanya agati ya Nyamuwanga na abhaanu bhaaye.

Matayo 11:28

“Muuje kw‑anye bhoone bhanu omunyaaka na okusitoyerwa na emigugu emisito, anye enija okubhafungʼamya.

Barumi 7:14

Chimenyere ati echiraagiro ꞉chaareeterwe na Mwoyo wa Nyamuwanga, nawe anye ku‑bhusimukwa bhwani bhwa echibhiibhi, niri mugaya wa echibhiibhi.

2 Bakorinto 11:20

Omwigumiirisya noorwo omuunu unu kaabhatuura mu‑bhugaya, unu kaabheebhira na okubhasaakura ebhiinu bhyemwe, ka wone unu keekora okubha omukuru inguru yeemwe na unu kaabhabhuma mu‑bhusu.

Bagalatia 4:2

Omwanya ogwo gwone, omwanjusi oyo, owubha achaari mu‑mabhoko ga abharesi na abhabhiiki bha obhuniibhi bhwaye, okukingira omwanya gunu esemwene aariga ateeye‑wo.

Bagalatia 4:8

Emwe kara mwariga mutakumenya Nyamuwanga. Ku‑mwanya ogwo, mwariga muri bhagaya bha amasambwa ganu gatari Nyamuwanga.

Bagalatia 4:24

Abhagasi bhabhiri abho, abhatura okususanywa na jindagano ebhiri. Ajiri ni chijekekanyo cha indagano ya okwamba inu ꞉yaakorekeene ku‑chiima cha Sinaayi. Abhaana bhaaye ꞉bheebhuuywe rwa abhagaya nibharuubhaga ebhiraagiro bhya Muusa.

Baeburania 5:12

Ku‑mwanya gunu emwe mwari mwenderwe okubha abheeyigisya ku‑bheejaanyu, nawe mucheenda omuunu wa okubheeyigisya ameeyigisyo ga ku‑bhwambiro ga omusango gwa Nyamuwanga! Mbe, muri rwa abhaana abharera bhanu abhanywa amata era, nawe bhatakutura okurya ebhiryo bhikomeeye.