Bagalatia 3:9 - Indagano Inyaaya mu-Chijita

⁹ Mbe, abhaanu bhanu abheekirisya Nyamuwanga, abhabhona amabhando, rwa kutyo Bhurayimu ꞉aabhwene amabhando kwa okubha ꞉eekirisiisye.

INDAGANO INYA:YA

⁹ Nikwo kutyo banu abe:kirisya ababona ribando aamwi na Iburaimu unu ariga e:kirisisye.

Bagalatia 3:9 Referans Kwoze

Barumi 4:16

Echo nicho echireterera omurago gwa Nyamuwanga gwiyikanye eriikirisya era, kwa okubha ogusookana na obhwitiriranya bhwaye. Ku‑njira eyo, joone jinu ꞉bhaaragirwe abhaanu bhoone bha orwibhuro rwa Bhurayimu, jibhe ja echimari, jitari ku‑Bhayawudi era bhanu bhari na ebhiraagiro, tari noorwo ku‑bhanu abheekirisya Nyamuwanga rwa kutyo Bhurayimu ꞉aakorere. Bhurayimu niwe raata weeswe bhoone bhanu echiikirisya Nyamuwanga.

Bagalatia 3:29

Araabha emwe muri ku‑Kirisito, kurwa ejo woori, emwe muri rwibhuro rwa Bhurayimu, na muriramira omwandu gunu Nyamuwanga ꞉aaragire.

Barumi 4:24

tari ꞉jaakaamirwe noorwo inguru ya eswe bhoone. Emisango ejo, ejichibhwira ati chikeekirisya Nyamuwanga unu ꞉aasuuruuye Yeesu Raatabhugenyi weeswe okusooka mu‑bhafuuwe, niwo eswe wone echibharwa okubha abharengeresi imbere ya Nyamuwanga.

Bagalatia 4:28

Mbe woori bhayiri bhaani mu‑riikirisya, emwe muri bhaana okuruubhana na omurago gwa Nyamuwanga, rwa Isaaka kutyo aariga ari.

Barumi 4:11

Okutendwa kwaye ꞉kwabheeye echibharikisyo, ka wone ꞉kwabheeye orunabho runu ꞉rweresiisye ati Nyamuwanga ꞉aamubharire okubha omurengeresi okuruubhana na eriikirisya ryaye rinu aariga ari naryo achaari okutendwa. Ku‑njira eyo, Bhurayimu ꞉aakorerwe okubha esemwene abheekirisya bhanu bhachaari okutendwa, korereki noorwo abheene bhabharwe okubha abharengeresi imbere ya Nyamuwanga.

Bagalatia 3:14

꞉Aachichunguuye, korereki amabhando ganu ꞉aayaaywe Bhurayimu, gakinge ku‑bhanu bhatari Bhayawudi okutura ku‑Kirisito Yeesu. Mbe woori, eswe bhoone, echitura okuramira Mwoyo Mweru unu Nyamuwanga ꞉aaragire okuchiyaana, ku‑njira ya okwikirisya Kirisito Yeesu.