Bagalatia 3:8 - Indagano Inyaaya mu-Chijita

⁸ Ebhikaame Ebhyeru ꞉bhyaragire ati Nyamuwanga akabharire abhaanu bhanu bhatari Bhayawudi okubha abharengeresi imbere yaaye kwa eriikirisya ryebhwe. Nyamuwanga ꞉aatangatire okuraasisya Bhurayimu emisango ja ekisi ejo ati, “Okutura kw‑awe, abhaanu bha amaanga goone bharibhona amabhando.”

INDAGANO INYA:YA

⁸ Okuba jinu jandikirwe byarorere kuso:ka kara Nyamuanga kutyo ariyana ba:maanga oburenge:resi kurwo kwikirisya, nabwira Iburaimu Ebigambo byo bwana kara ati, Mwawe amaanga go:ne nimwo garibonera ribando.

Bagalatia 3:8 Referans Kwoze

Baeburania 4:2

Eswe chiraasisiibhwe emisango ja ekisi ejo ja orubhaara rwa okwisya omwoyo rwa kutyo bhasaaja weeswe wone ꞉bhaaraasisiibhwe. Nawe emisango ejo ꞉jitaabhasakiiye gwonegwone, kwa okubha ꞉bhaajuunguuwe tari ꞉bhataajiikirisiisye.

Bagalatia 3:22

Nawe jitari kutyo. Ebhikaame Ebhyeru ebhyayika ati abhaanu bhoone bhari mw‑ibhoyero rya obhutungi bhwa ebhibhiibhi. Kurwa ejo, Nyamuwanga ꞉aaragire okusoosya echiinu chinu ꞉aaragire ku‑bhoone bhanu abheekirisya Yeesu Kirisito.

Bagalatia 3:16

Mbe Nyamuwanga ꞉aasoosiisye emirago ku‑Bhurayimu saaja weeswe, aamwi na ku‑mwibhurwa waaye. Ebhikaame Ebhyeru bhitakwayika ati, “Na ku‑bheebhurwa bhaaye,” obhugajuro bhwabhyo ni ati bhatari bhaafu, tari bhyayika ati, “Na omwibhurwa waaye,” obhugajuro bhwabhyo ni ati ni umwi, niwe Kirisito.

Yowana 7:38

Jikaamirwe mu‑Bhikaame Ebhyeru ati, omuunu woonewoone unu kaanyikirisya, ‘emimiro ja amanji ganu agasoosya obhuwanga jiriwurura okusooka mu‑mwene.’”

Obhusweruro 11:15

Neeya, maraayika wa kataanu na kabhiri ˆnaabhuma ingʼombi yaaye. Niwo ninuungwa obhuraka bhunene bhwa bhamaraayika bhaafu mu‑rwire eyo, nibhwayikaga ati, “Obhutungi bhwa echaaro bhwabheeye bhwa Raatabhugenyi Nyamuwanga weeswe, aamwi na Kirisito waaye. Nyamuwanga niwe aritunga akajaanende koone.”

Barumi 9:30

Mbe, chaayike ki woori inguru ya emisango ejo? Abhaanu bhanu bhatari Bhayisirayeeri ꞉bhateekomeesiisye okubha abharengeresi imbere ya Nyamuwanga, nawe Nyamuwanga ꞉aabhabharire okubha abharengeresi ku‑njira ya kwikirisya Kirisito.

Barumi 9:17

Ringira, mu‑Bhikaame Ebhyeru Nyamuwanga ꞉aabhwiriiye Faraawo omukama wa mu‑chaaro cha Miisiri ati, “꞉Naakuteeye‑wo ubhe omukama, korereki neeresye abhaanu obhuturo bhwani okutura kw‑awe, na risiina ryani ribhe niriraasibhwa mu‑chaaro choone.”

Bagalatia 4:30

Nawe mu‑Bhikaame Ebhyeru jikaamirwe kutiki? Jikaamirwe ati, “Bhirimya omugayagasi aamwi na omwana waaye, kwa okubha omwana wa omugaya, ataryanjura omwandu aamwi na omwana wa omugasi omwitaage.”

Ebikorwa 2:35

okukingira omwanya gunu enija okutuura abhasoko bhaawo emwaro ya amaguru gaawo.”’”

Yowana 7:42

Jitakaamirwe mu‑Bhikaame Ebhyeru ati, Kirisito arisooka mu‑rwibhuro rwa omukama Dawudi? Ka wone ati, atariibhurirwa Bhetereyeemu, mu‑musi gunu Dawudi ꞉eebhuriiywe‑mo?”

Yowana 19:37

Ka wone jikaamirwe mu‑Bhikaame Ebhyeru ati, “Bharirora omuunu unu ꞉bhaasomere.”