Bagalatia 3:11 - Indagano Inyaaya mu-Chijita

¹¹ Chimari atari‑wo omuunu unu kaabharwa ati ni murengeresi imbere ya Nyamuwanga kwa okuruubha ebhiraagiro bhya Muusa, kwa okubha Ebhikaame Ebhyeru ebhyayika ati, “Omuunu unu aribha na obhuwanga, ni unu Nyamuwanga kaabhara ati ni murengeresi ku‑njira ya eriikirisya ryaye.”

INDAGANO INYA:YA

¹¹ Nawe omusango guri abweru ati, Mu biragiro atariwo mu:nu unu kabarirwa oburenge:resi imbere ya Nyamuanga, okuba abarenge:resi barabaga baanga kurwo kwikirisya.

Bagalatia 3:11 Referans Kwoze

Barumi 1:17

Emisango ja Ekisi ejo, ejeeresya abhwerubhweru kutyo Nyamuwanga kaabhara abhaanu okubha abharengeresi imbere yaaye. Abhaanu abhabharwa okubha abharengeresi imbere ya Nyamuwanga ku‑njira ya eriikirisya era. Rwa kutyo Ebhikaame Ebhyeru ebhyayika ati, “Omuunu unu aribha na obhuwanga, ni unu Nyamuwanga kaabhara ati ni murengeresi ku‑njira ya eriikirisya ryaye.”

Baeburania 10:38

Omuunu unu aribha na obhuwanga, ni unu Nyamuwanga kaabhara ati ni murengeresi ku‑njira ya eriikirisya ryaye. Nawe araabha kaasiga okunduubha anye, nitarimukondererwa wuri noorwo na akatyari.”

Bagalatia 2:16

Nawe eswe echimenya ati, omuunu atakutura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa, tari ni kwa okwikirisya Yeesu Kirisito omwene era. Nikwo kutyo eswe wone chiikirisiisye Kirisito Yeesu korereki chibharwe ati chiri abharengeresi imbere ya Nyamuwanga kwa okwikirisya Kirisito, kutari kwa okuruubha ebhiraagiro bhya Muusa. Chimari atari‑wo omuunu unu kaatura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa.

Obhusweruro 5:9

Nibheembira Omwana wa Inaama orwimbo oruyaaya runu rwayikaga ati, “Awe wiiyire okuramira echitabho echo na okusuruumura jimboyero jaacho ja obhurimbo. Okubha awe ꞉waatemerwe omutwe na ku‑sagama yaawo, nuugurira Nyamuwanga abhaanu bha jingʼanda joone, jinyaayika joone, jinyaami joone na abha amaanga goone.

Yakobo 3:2

Ni chimari abhaanu bhoone echiyabhaga mu‑misango myafumyafu. Araabha omuunu woonewoone atakuyabha mu‑kwayika kwaye, omwene oyo ni omuunu unu akuumiiye, ka wone kaatura okuyingirira omubhiri gwaye gwone.

Yakobo 1:27

Okuramya kunu okukondera Raata Nyamuwanga weeswe, kunu kutari‑ko esoro ni okusakira abhaana bhanu bhafwiriiywe abheebhusi bheebhwe na abhatumbagasi mu‑nyaako jeebhwe na okwiyangarira omwene, korereki asige okunyamurwa na ebhibhiibhi bhya echaaro chinu.