Bagalatia 2:8 - Indagano Inyaaya mu-Chijita

⁸ Nyamuwanga unu ayaaye Peetero obhuturo bhwa okubha itumwa yaaye ku‑Bhayawudi, niwe oyooyo ꞉aanaaye obhuturo bhwa okubha itumwa yaaye ku‑bhanu bhatari Bhayawudi.

INDAGANO INYA:YA

⁸ Okuba Unu akorere Petero kuba ntumwa ya ku batende, niwe akorere anye kuba ntumwa ya ku ba:maanga.

Bagalatia 2:8 Referans Kwoze

Ebikorwa 9:15

Nawe Raatabhugenyi ˆnaabhwira Ananiiya ati, “Genda era! Omuunu oyo, naamusora abhe omukosi waani, korereki araasye risiina ryani ku‑bhaanu bhanu bhatari Bhayawudi, ku‑bhakama bheebhwe na ku‑Bhayisirayeeri abheene.

Ebikorwa 22:21

Nawe Raatabhugenyi ˆnaansubhya ati, ‘Genda, kwa okubha enija okukutuma ugende mu‑bhyaro ebhindi bhya kura ku‑bhaanu bhanu bhatari Bhayawudi.’”

Ebikorwa 21:19

Pawuro ˆnaabhakeesya, ˆnaabhabhwira emisango joone jinu Nyamuwanga ꞉aakorere ku‑bhaanu bhanu bhatari Bhayawudi okuruubhana na obhukosi bhwaye.

Ebikorwa 15:12

Awo, abhaanu bhoone nibhajibhira jibhi, Bharinaabha na Pawuro nibhabhabhwiraga kutyo Nyamuwanga aariga ˆneeresya ebhibharikisyo na ebhiruguusyo bhyafu ku‑bhaanu bhanu bhatari Bhayawudi kwa okutura ku‑bheene.

1 Bakorinto 15:10

Nawe obhwitiriranya bhwa Nyamuwanga nibhwo bhukorere anye okubha itumwa. Obhwitiriranya bhwaye kw‑anye bhwariga bhutari bhwa kutyo era, kwa okubha okutura ku‑bhwitiriranya obhwo, nikorere emirimu okukira jitumwa joone. ꞉Nitaakorere ejo ku‑bhuturo bhwani omwene, tari Nyamuwanga ku‑bhwitiriranya bhwaye niwe ꞉aakorere emirimu aamwi na anye.

1 Bakorinto 9:2

Noorwo araabha abhaanu abhandi abharora ati anye nitari tumwa, nawe kw‑imwe anye niri tumwa. Okubha eriikirisya ryemwe mu‑Kirisito nicho echibharikisyo chinu echeeresya ati anye niri tumwa ya Raatabhugenyi.

Ebikorwa 8:17

Peetero na Yowana nibhatuura amabhoko geebhwe ku‑bheekirisya abho, nibharamira Mwoyo Mweru.

Ebikorwa 4:4

Noorwo kutyo, abhaafu bhanu ꞉bhoonguuwe emisango ja Peetero na Yowana ꞉bhaajiikirisiisye. Obhukumi bhwa bharume era bhanu ꞉bheekirisiisye Yeesu, ꞉bhwakingire ebhiwumbi bhitaanu kutya.

Ebikorwa 1:25

agege omugabho gwa obhukosi bhunu Yuuda ꞉aasigire, omwanya gunu ꞉aafuuwe na okugenda orubhaara runu rumwiyire.”

Ebikorwa 1:8

Nawe muriramira amanaga omwanya gunu Mwoyo Mweru ariija kw‑imwe, muribha abhabhambaasi bhaani mu‑Yerusareemu na mu‑mbaara ejindi joone ja echaaro cha Yuudeya na echa Samaariya, na okukingira ku‑bhuteero bhwa echaaro choone.”

Bakolosai 1:29

Inguru ya omusango ogwo, eniikomeesya na okurwanirira emirimu jinu ku‑managa maafu ganu Kirisito kaanaana.

Bagalatia 3:5

Mumbwire, Nyamuwanga kaabhayaana Mwoyo Mweru na okukora ebhiruguusyo agati yeemwe kwa okubha ꞉mwaruubhire ebhiraagiro bhya Muusa, amwi kwa okubha ꞉mwategeresiisye na okwikirisya Emisango ja Ekisi inguru ya Yeesu?

Ebikorwa 19:26

Nawe woori mwoongwa na mwarora kutyo Pawuro oyo kaakurura abhaanu bhaafu bha Yefeeso anu, aamwi na bhanu bhari mbaara joone ja Asiya. Kaabhabhwira ati, amasusano ganu agakonjwa na amabhoko aga abhaanu, gatari Nyamuwanga wa echimari.

1 Batesalonika 2:13

Kurwa ejo, eswe chitakuyigwa okusiima Nyamuwanga, kwa okubha mwejire mwoongwa emisango jaaye okusooka kw‑iswe, ꞉mutaajiikirisiisye wuti ni misango ja abhaanu. Nawe, ꞉mwajiikirisiisye mumenyere ati ejisooka ku‑Nyamuwanga. Chimari, nikwo kutyo jiri. Emisango ejo, nijo ejikora emirimu mu‑myoyo jeemwe, emwe abheekirisya.