Bagalatia 2:6 - Indagano Inyaaya mu-Chijita

⁶ Nawe abhatangasya bharya bha rikanisa bhanu abhayaanwa echibharo muno na abhaanu, bhaariga bhatari na omusango gwonegwone omuyaaya gwa okumbwira. Ni chimari ꞉bhaayaaywe echibharo muno, nawe kw‑anye eryo chitari echiinu, kwa okubha Nyamuwanga atakuringira echibharo cha omuunu.

INDAGANO INYA:YA

⁶ Nawe banu bakuibwaga kuba be cibaro, mbe rwa kutyo bari, gutari musango kwanye. Nyamuanga atakusoro:ra mu ba:nu. Enaika ati, banu bakuibwaga batanyongesisyeko cinu.

Bagalatia 2:6 Referans Kwoze

Bagalatia 2:2

꞉Naariinyire okugenda eyo ku‑mwanya ogwo, kwa okubha Nyamuwanga aariga answeruriiye ati nigende. Nichibhugana na abhatangasya bha rikanisa mu‑bhumbise. Nimbabhwira Emisango ja Ekisi jinu naariga nindaasya ku‑bhanu bhatari Bhayawudi. ꞉Naaramuuye okusangira aamwi nabho ejo, korereki emirimu jinu naariga ninkora na jinu enigenderera okukora jaasiga okubha ja okufwirwa‑mo.

Ebikorwa 10:34

Niwo Peetero ˆnaamba okwayika ati, “Woori niwo naamenya ati ni chimari, Nyamuwanga atari na isoroore mu‑bhaanu!

2 Bakorinto 12:11

Naayika rwa omumuumu, nawe emwe neemwe mwareterera naayike kutyo. Emwe mwariga nimwendwa munkuuye. Noorwo araabha enibhonekana ati, niteeyire, anye nitari mutooto okukira bhanu abheerora wuti nibho jitumwa jingʼuru.

Bagalatia 6:3

Mbe, omuunu woonewoone unu keerora ati ni wa obhugajuro okukira abheejaabho, oyo atari wa obhugajuro, keejiga omwene era.

2 Bakorinto 11:5

Anye nitakwirora ati niri mutooto okukira bhanu abheerora wuti nibho jitumwa jingʼuru.

Barumi 2:11

Nyamuwanga atakusoroora omuunu woonewoone.

1 Petero 1:17

Omwanya gunu omusabhwa, omubhirikira Nyamuwanga ati Raata. Omwene atari na isoroore ku‑muunu woonewoone. Ariramura abhaanu bhoone okuruubhana na ebhikorwa bhinu bhakorere. Kurwa ejo, mwikare nimuramya Nyamuwanga omwanya gunu gusigaaye emwe okwikara ku‑chaaro kunu.

Baeburania 13:17

Mugayukega abhatangasya bheemwe na okuruubha jinu abhabharagirira, kwa okubha abheene nibho abhabhanyaakirira okuyigwa wuri. Abheene bharyendwa okweresya emirimu jeebhwe imbere ya Nyamuwanga. Kurwa ejo mubhagayukega, korereki bhakore emirimu jeebhwe nibhakondererwaga. Nawe araabha mukarema okubhagayuka, abhaja okukora emirimu jeebhwe bhasurumbaaye, na emirimu jeebhwe ejo jitaribha na omuriiro gwonegwone kw‑imwe.

Baeburania 13:7

Mwichuke abhatangasya bheemwe bhanu bhaariga nibhabheeyigisya omusango gwa Nyamuwanga. Mwiganirisye inguru ya jitungwa jeebhwe kutyo bhaariga bheekaaye, murorerega eriikirisya ryebhwe.

2 Bakorinto 5:16

Kurwa ejo okwambira woori, chitakwiganirisya rindi obhurambu bhwa omuunu woonewoone ku‑njira ya echinyamuunu. Noorwo kutyo omwanya omurebhe chaariga nichiiganirisya Kirisito ku‑njira eyo, nawe woori chitakukora kutyo rindi.

Ruuka 20:21

Mbe, abhatatirisya abho nibhamubhuusya ati, “Awe Omwiyigisya, chimenyere ati, owaayika na okwiyigisya emisango ja rirenga. Chimenyere ati awe utakuubhaya omuunu woonewoone, noorwo ari na echibharo cha inguru, echo chitari chiinu kw‑awe. Owiyigisya injira ya Nyamuwanga kwa echimari.

Mariko 12:14

Bhejire bhaakinga nibhamubhwira ati, “Awe Omwiyigisya, chimenyere ati awe uri muunu wa echimari, na joone jinu owaayika ni ja echimari. Chimenyere ati awe utakuubhaya omuunu woonewoone, noorwo ari na echibharo cha inguru, echo chitari chiinu kw‑awe. Owiyigisya injira ya Nyamuwanga kwa echimari. Angu, ebhiraagiro bhya Muusa ebhichiikirisisya okutobha rigooti ku‑Kayisaari, amwi wuri? Chitobhe amwi chisige okutobha?”

Matayo 22:16

Niwo nibhatuma ku‑Yeesu abheeyigisibhwa bheebhwe aamwi na abharuubhirisya bha omukama Yeroode Atipaasi. Bhejire bhaakinga nibhabhuusya Yeesu ati, “Omwiyigisya, chimenyere ati awe uri muunu wa echimari na ati owiyigisya echimari inguru ya emisango ja Nyamuwanga. Chimenyere ati awe utakuubhaya omuunu woonewoone, noorwo ari na echibharo cha inguru, echo chitari chiinu kw‑awe.

Ebikorwa 5:36

Okubha omwichuka jisiku jinu ꞉jaayitingʼeene, ꞉aabhonekeene omuunu umwi, risiina ryaye aatogwaga Tewuda. Tewuda oyo aariga ˆneekora ati ni omuunu mukuru, na abhaanu amagana gana (400) kutya ꞉bhaaruubheene nage. Nawe ku‑bhuteero, ˆneetwa na abharuubhirisya bhaaye bhoone nibhanyarambuka. Jifurubhendo jeebhwe joone nijiwa‑wo.