Bagalatia 2:21 - Indagano Inyaaya mu-Chijita

²¹ Nitakutura okurema obhwitiriranya bhwa Nyamuwanga. Araabha omuunu kaatura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa, mbe bhwariga bhutari‑wo obhukene bhwa Kirisito okufwa!

INDAGANO INYA:YA

²¹ Nitakusukya cigongo ca Nyamuanga, okuba oburenge:resi kumba obuboneka mu biragiro, mbe Kristo afu:ye kutyo era.

Bagalatia 2:21 Referans Kwoze

Barumi 11:6

Bhaasorwa kwa obhwitiriranya bhwa Nyamuwanga, kurwa ejo bhatakuchungurwa ku‑songa ya ebhikorwa bhyebhwe. Araabha bhakachunguuywe ku‑songa ya ebhikorwa bhyebhwe, mbe obhwitiriranya obhwo bhutaakabheeye obhwitiriranya rindi.

Bagalatia 3:21

Woori angu, jitari ati ebhiraagiro ebhiyaajana na emirago jinu Nyamuwanga ꞉aaragire? Wuri, noorwo na akatyari! Araabha bhwakabheye‑wo obhuturo bhwa ebhiraagiro okuyaana abhaanu obhuwanga, mbe chaakaturire okubharwa ati chiri bharengeresi imbere ya Nyamuwanga kwa okuruubha ebhiraagiro.

Baeburania 7:11

Abhayisirayeeri ꞉bhaayaaywe ebhiraagiro bhya Muusa bhinu bhyariga nibhiruubhana na obhugabhisi bhwa Abharaawi. Nawe obhukuumiiye bhutakutura okubhonekana ku‑njira ya obhugabhisi obhwo. Ku‑songa eyo, omugabhisi owundi ꞉eenderwe, unu aariga ari rwa Meerikijedeki, unu atakusooka mu‑ruganda rwa Abharaawi rwa Aruuni.

1 Bakorinto 15:14

Araabha Kirisito atasuurukire, okuraasya kweswe ni kwa kutyo era, noorwo eriikirisya ryemwe ni rya kutyo era.

Bagalatia 2:16

Nawe eswe echimenya ati, omuunu atakutura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa, tari ni kwa okwikirisya Yeesu Kirisito omwene era. Nikwo kutyo eswe wone chiikirisiisye Kirisito Yeesu korereki chibharwe ati chiri abharengeresi imbere ya Nyamuwanga kwa okwikirisya Kirisito, kutari kwa okuruubha ebhiraagiro bhya Muusa. Chimari atari‑wo omuunu unu kaatura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa.

Barumi 10:3

Abheene ꞉bhataaruubhire injira inu Nyamuwanga kaabhara abhaanu okubha abharengeresi, kwa okubha ꞉bhataayisombookeeywe, ka wone ꞉bhaayenjere abheene injira ya okwibhonera obhurengeresi.

1 Bakorinto 15:2

Araabha omugenderera okuruubha emisango jinu ꞉naabharaasisiisye, awo niwo omubhona obhuchungusi. Nawe araabha mutakujiruubha, eriikirisya ryemwe eribha ritari na omuriiro.

Bagalatia 2:18

Nawe araabha enisubhira okwikirisya obhutinge bhwa kara bhwa okuruubha ebhiraagiro, obhutinge bhunu ꞉naaremere, niwo enibha omukayi rindi.

Barumi 8:31

Mbe, chaayike ki woori inguru ya emisango ejo? Araabha Nyamuwanga ari rubhaara rweswe, niga unu kaatura okuchiyiga?

Mariko 7:9

“Muri na jinjira ja echenge ja okusiga ebhiraagiro bhya Nyamuwanga, korereki muruubhe jitungwa jeemwe!

1 Bakorinto 15:17

Araabha Kirisito ꞉ataasuuruuywe, eriikirisya ryemwe eribha ritari na omuriiro, na omubha muchaari okuchungurwa okusooka mu‑bhibhiibhi bhyemwe.

Barumi 4:25

Nyamuwanga ꞉aasoosiisye Yeesu, korereki afwe inguru ya ebhibhiibhi bhyeswe, ˆnaamusuurura okusooka mu‑bhafuuwe, korereki eswe chibharwe okubha abharengeresi imbere yaaye.