Bagalatia 2:16 - Indagano Inyaaya mu-Chijita

¹⁶ Nawe eswe echimenya ati, omuunu atakutura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa, tari ni kwa okwikirisya Yeesu Kirisito omwene era. Nikwo kutyo eswe wone chiikirisiisye Kirisito Yeesu korereki chibharwe ati chiri abharengeresi imbere ya Nyamuwanga kwa okwikirisya Kirisito, kutari kwa okuruubha ebhiraagiro bhya Muusa. Chimari atari‑wo omuunu unu kaatura okubharwa ati ni murengeresi imbere ya Nyamuwanga kwa okuruubha ebhiraagiro bhya Muusa.

INDAGANO INYA:YA

¹⁶ Neswe one ce:kirisisye Yesu Kristo, korereki ciyabwe oburenge:resi kurwo kwikirisya Yesu Kristo, nawe tari kurwe bikorwa bye biragiro, okuba cimenyere ati omu:nu atakuyabwa oburenge:resi kurwe bikorwa bye biragiro nawe kurwo kwikirisya Yesu Kristo. Okuba atario mu:nu unu kayabwa oburenge:resi kurwe bikorwa bye biragiro.

Bagalatia 2:16 Referans Kwoze

Bafilipi 3:9

ka wone nibhe na obhumwi nage. Nitakwiyikanya rindi obhurengeresi bhunu obhusooka mu‑kugayuka ebhiraagiro, tari obhurengeresi bhunu obhusooka mu‑kwikirisya Kirisito. Obhwo nibhwo obhurengeresi bhunu Nyamuwanga kaayaana bhanu abheekirisya Kirisito.

Barumi 9:30

Mbe, chaayike ki woori inguru ya emisango ejo? Abhaanu bhanu bhatari Bhayisirayeeri ꞉bhateekomeesiisye okubha abharengeresi imbere ya Nyamuwanga, nawe Nyamuwanga ꞉aabhabharire okubha abharengeresi ku‑njira ya kwikirisya Kirisito.

1 Petero 3:18

Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.

Barumi 4:2

Araabha chikaayika ati Bhurayimu ꞉aabharirwe okubha omuunu omurengeresi okuruubhana na ebhikorwa bhyaye bhya ekisi, akabheeye na echiinu cha okwikuuyisya. Nawe echimari ni ati, atari na choonechoone cha okwikuuyisya imbere ya Nyamuwanga.

1 Petero 2:24

Yeesu omwene ꞉aagegere ebhibhiibhi bhyeswe ku‑mubhiri gwaye, ˆnaabhambwa ku‑musarabha. ꞉Aakorere kutyo, korereki chisige okutungwa rindi na ebhibhiibhi, tari chiikare nichikondisya Nyamuwanga. Mu‑kuwutaasibhwa kwa Yeesu, emwe ꞉mwawosiibhwe.

Barumi 8:3

Ebhiraagiro bhya Muusa bhyariga bhitari na amanaga ga okuchiyaana obhwitaage, ku‑songa ya obhusimukwa bhweswe bhwa echibhiibhi. Nawe chinu ebhiraagiro ebhyo ꞉bhyataamiibhwe okukora, Nyamuwanga ꞉aachikorere. ꞉Aatumire Omwana waaye omwene, aaje kw‑iswe ku‑chaaro anu ari na omubhiri rwa eswe abha ebhibhiibhi, korereki eesoosye rwa echoogo inguru ya ebhibhiibhi bhyeswe. Kwa okukora kutyo, Nyamuwanga ꞉aayaaye Yeesu ebhitiibha inguru ya ebhibhiibhi bhya abhaanu,

Barumi 3:30

Ari‑wo Nyamuwanga umwi era, kurwa ejo iri‑wo injira imwi era ya okubhara abhaanu okubha abharengeresi imbere yaaye. Abhayawudi na abhaanu bhanu bhatari Bhayawudi, bhoone abheekirisibhwa na Nyamuwanga okubha abharengeresi kwa okwikirisya Yeesu era.

Barumi 1:17

Emisango ja Ekisi ejo, ejeeresya abhwerubhweru kutyo Nyamuwanga kaabhara abhaanu okubha abharengeresi imbere yaaye. Abhaanu abhabharwa okubha abharengeresi imbere ya Nyamuwanga ku‑njira ya eriikirisya era. Rwa kutyo Ebhikaame Ebhyeru ebhyayika ati, “Omuunu unu aribha na obhuwanga, ni unu Nyamuwanga kaabhara ati ni murengeresi ku‑njira ya eriikirisya ryaye.”

1 Yoana 1:7

Tari, araabha chiramire mu‑bhweru rwa kutyo Nyamuwanga ari mu‑bhweru, awo niwo echibha na obhumwi eswe abheene kwa abheene. Ka wone isagama ya Yeesu, Omwana waaye, eyicheesya ebhibhiibhi bhyeswe bhyone.

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

Obhusweruro 7:9

Ejo jejire jaawa, nindingira, nindora echise echinene cha abhaanu chinu omuunu aariga atakutura okubhara. Abhaanu abho bhaariga bhasookere mu‑maanga goone, mu‑ngʼanda joone, mu‑nyaami joone na mu‑nyaayika joone. Abho bhoone bhaariga bheemereeguuyu imbere ya echitebhe cha ingʼoma na imbere ya Omwana wa Inaama. Abhaanu abho bhaariga bhafwaye emingiro jiinyeru na bhaariga bhagwatiriiye amatabhi ga jikinda mu‑mabhoko geebhwe.

Bagalatia 5:4

Araabha omwiyikanya okubha abharengeresi imbere ya Nyamuwanga mu‑kuruubha ebhiraagiro, mbe mumenye ati mwikindikire okusooka ku‑Kirisito, na muri kura na obhwitiriranya bhwa Nyamuwanga.

1 Bakorinto 6:11

Abhandi agati yeemwe bhaariga bhari kutyo. Nawe woori, kwa okutura ku‑Raatabhugenyi weeswe Yeesu Kirisito, na ku‑managa ga Mwoyo wa Nyamuwanga weeswe, mwosibhwa obhujabhi bhwemwe, mwesibhwa, na okubharwa ati muri bharengeresi imbere ya Nyamuwanga.

Yowana 20:31

Nawe ebhibharikisyo bhinu bhiri mu‑chitabho chinu, bhikaamirwe korereki mwikirisye ati Yeesu niwe Kirisito, Omwana wa Nyamuwanga, mu‑kwikirisya okwo, mubhone obhuwanga bhwa akajaanende koone kw‑isiina ryaye.

Bagalatia 4:5

꞉Aatumirwe, korereki acheerure eswe bhanu chaariga chitungirwe na ebhiraagiro bhya Muusa. ꞉Aakorere kutyo, korereki eswe bhoone chikorwe abhaana bha Nyamuwanga.

Obhusweruro 7:14

Niimusubhya ati, “Mwami waani, awe naawe umenyere.” ˆNaambwira ati, “Abhaanu abho nibho ꞉bhaayigire ebhinyaasyo bhinene bhirya. ꞉Bhaafurire emingiro jeebhwe mu‑sagama ya Omwana wa Inaama, nijeera pee.

1 Petero 1:2

Kara awo, Raata Nyamuwanga ꞉aatangatire okubhamenya, ˆnaabhasora, Mwoyo waaye ˆnaabhakora mubhe bheeru, korereki mugayuke Yeesu Kirisito na okwesibhwa mu‑sagama yaaye. Obhwitiriranya na omurembe okusooka ku‑Nyamuwanga bhyongesibhwe kw‑imwe.

Barumi 4:24

tari ꞉jaakaamirwe noorwo inguru ya eswe bhoone. Emisango ejo, ejichibhwira ati chikeekirisya Nyamuwanga unu ꞉aasuuruuye Yeesu Raatabhugenyi weeswe okusooka mu‑bhafuuwe, niwo eswe wone echibharwa okubha abharengeresi imbere ya Nyamuwanga.

Ebikorwa 4:12

“Bhutari‑wo obhuchungusi ku‑wundi woonewoone! Okubha ritari‑wo risiina erindi mu‑chaaro choone erya obhuturo bhwa okuchichungura!”