Bagalatia 1:7 - Indagano Inyaaya mu-Chijita

⁷ Chimari ni ati jitari‑wo Emisango ja Ekisi ejindi. Nawe bhari‑wo abhaanu bhanu abhabhajiga na abhakena okuyindura Emisango ja Ekisi inguru ya Kirisito.

INDAGANO INYA:YA

⁷ Nawe bitario bindi, nawe bario banu ababanya:sya nibenda okucu:sya Ebigambo byo bwana ebya Kristo.

Bagalatia 1:7 Referans Kwoze

Ebikorwa 15:24

Choongwa ati abhaanu abhandi okusooka mw‑iswe ꞉bhaabhabhwiriiye emisango ja okubhayabhya, ka wone ja okunyaasya emyoyo jeemwe, eswe ꞉chitaabhatumire.

Bagalatia 5:10

Enimenya kisi ati emwe muri na obhumwi na Raatabhugenyi Yeesu, kurwa ejo, mutariikirisya okujigwa. Nawe omuunu woonewoone unu aribhajiga, noorwo abhega, ariyaanwa ebhitiibha.

2 Bakorinto 11:13

Enaayika kutyo, kwa okubha abhaanu rwa abho, nibho jitumwa ja orubheeyi, abhakora emirimu mu‑bhurigerige, abheekora wuti, nibho jitumwa ja Kirisito.

Bagalatia 5:12

Eniigomba ati abhaanu bhanu abhabhanyamura ku‑misango ja okutenda, bhaakeekonere abheene!

2 Bakorinto 2:17

Eswe chitari rwa abhaanu abhandi abhaafu, bhanu abharaasya omusango gwa Nyamuwanga kwa okugusuruja, korereki bheebhonere‑mo omuriiro. Tari eswe, ku‑managa ga Kirisito, echiraasya omusango gwa Nyamuwanga kwa obhwiyikanyibhwa bhwone imbere ya Nyamuwanga, kwa okubha omwene niwe ꞉aachitumire.

2 Yoana 1:10

Mbe, omuunu woonewoone akaaja kw‑imwe unu atakwiyigisya echimari inguru ya Kirisito, mwasiga okumukuma mu‑misi jeemwe, ka wone mwasiga okumukeesya rwa omwikirisya oweejaanyu.

1 Yoana 4:1

Abheendwa bhaani mu‑riikirisya, musige okwikirisya bhuri muunu unu kaayika ati, ari na Mwoyo wa Nyamuwanga. Tari mutatirisye kisikisi korereki mumenye chimari araabha omuunu oyo, kaatangasibhwa na Mwoyo wa Nyamuwanga. Mukore kutyo, kwa okubha abharagi abhaafu bha orubheeyi bheebhukire mu‑chaaro munu.

Obhusweruro 19:20

Nawe rityanyi, aamwi na omuragi omubheeyi unu ꞉aakorere ebhibharikisyo ku‑songa ya rityanyi eryo, ꞉bhaagwatirwe ngwatwa. Ku‑njira ya ebhiruguusyo bhinu omuragi oyo ꞉aakorere, aariga ajigire abhaanu bhanu bhaariga bhateeywe‑ko orunabho rwa rityanyi eryo na okuramya risusano ryaryo. Bhoone ku‑bhubhiri bhwebhwe nibheeswa bhari bhaanga mu‑nyanja ya omuriro omururu gwa emisimu ja echibhiriiti.

Obhusweruro 13:14

Ku‑bhibharikisyo bhinu ꞉ryayaaywe okukora imbere ya rityanyi rya okwamba rirya, nirijiga abhaanu bha ku‑chaaro anu. Niribhwira abhaanu bhabhaaje risusano rya okuyaana echibharo rityanyi rya okwamba, rinu ꞉ryawutasiibhwe kwa imbanda, nawe niriwora, nirigenderera okwikara.

Obhusweruro 12:9

Riyoka eryo, niryeswa ku‑chaaro anu. Eryo, niyo injoka ya kara irya, inu eyitogwa ati, Mubheeyeresya amwi Syetaani. Eyijiga abhaanu bhoone ku‑chaaro bhakore ebhibhiibhi. Chimari ryeserwe ku‑chaaro anu aamwi na bhamaraayika bhaaryo.

Obhusweruro 2:20

Nawe, muri na omusango gumwi gunu guchaannyaasya. Emwe omwikirisisya omugasi unu kaatogwa ati Yejebheeri. Omwene keetoga ati ni omuragi, nawe atari omuragi. Mumwikirisiisye abhajige emwe abhakosi bhaani, kwa okubheeyigisya mukore obhuromesi na okurya ebhiryo bhinu bhisoosiibhwe echoogo ku‑masusano.

Obhusweruro 2:6

Nawe guri‑wo omusango gunu omukora kisi. Omufuruurusibhwa na emisango emijabhi jinu Abhanikoraayi abhakora. Ejo ejinfuruurusya muno noorwo anye wone.

Obhusweruro 2:2

Enimenya ebhikorwa bhyemwe, okwikomeesya kwemwe na obhwigumiirisya bhwemwe. Enimenya wone ati mutakutura okwigumiirisya abhaanu abhabhiibhi. Ka wone, mwaregeejere abhaanu bhanu abheetoga ati ni jitumwa, keenu bhatari jitumwa. Mwabharegeeja, nimusongʼana ati, ni bhabheeyi.

Yuuda 1:4

Enibhakaamira inyarubha inu, kwa okubha bhari‑wo abheeyigisya abharebhe bha orubheeyi bhanu bheeyingisiisye mw‑imwe bhumbise. Abhaanu abho, bhatakugayuka Nyamuwanga. Mu‑meeyigisyo gwebhwe, abhayindura obhwitiriranya bhwa Nyamuwanga weeswe, abhakora bhubhe rwa isonga ya okukora emisango ja orukubho. Ka wone, abheegaana Raatabhugenyi weeswe Yeesu Kirisito, omutangasya weeswe omukuru. Nawe okwambira kara jikaamirwe mu‑Bhikaame Ebhyeru ati, abhaanu abho, bhariramurwa rwa kutyo abhandi ꞉bhaaramuuywe.

2 Yoana 1:7

Mbe, enaayika kutyo, kwa okubha abhabheeyi bhaafu bheebhukire ku‑chaaro kunu. Abhaayika ati Yeesu Kirisito ꞉eejire atari na omubhiri rwa gwa omuunu. Omuunu woonewoone unu kaayika kutyo ni omubheeyi, ka wone niwe omusoko wa Kirisito.

1 Yoana 2:26

Nibhakaamiiye emisango ejo, korereki okubhakengya inguru ya abhaanu bhanu abharegeeja okubhayabhya.

2 Timoteo 2:18

Abho bhabhurire muno, bhasigire echimari. Abhaayika ati obhusuuruko bhwa abhafuuwe bhurakorekeene. Kwa okwiyigisya kutyo abhayabhya eriikirisya rya abhaanu abhandi.

Bagalatia 6:17

Mbe, okwambira woori omuunu woonewoone asige okunnyaasya rindi, kwa okubha ku‑mubhiri gwani niri na jingʼofu, ꞉naabhwene jimbuma inguru ya okukorera Yeesu.

Bagalatia 4:17

Abhaanu abhandi bharya, abheekomeesya okubhanyaakirira, nawe omusango gunu ogukora bhabharuubhirire gutari gwa ekisi. Abheenda okubhataaganya na anye, korereki emwe mwikomeesye okubhanyaakirira.

Bagalatia 2:4

Omusango gwa okutenda ogwo ꞉gwabhusiibhwe na abhaanu bhanu bhaariga nibheekora wuti ni bhayiri bheeswe. Abhaanu abho, ꞉bheeyingisiisye mu‑bhumbise okutatirisya obhwitaage bhweswe bhunu ꞉chaayaaywe na Kirisito Yeesu. Obhukarariiye bhwebhwe bhwariga bhuri kuchikora chibhe abhagaya bha ebhiraagiro bhya Muusa.

2 Bakorinto 4:2

Chiremere kata okukora emisango ja imbisike na eja jiswaro. Chitakujiga abhaanu, noorwo chitakusaasya omusango gwa Nyamuwanga na orubheeyi. Tari, echiimenyegesya mu‑kwayika echimari abhwerubhweru, korereki abhaanu bhoone bhamenye mu‑mitima jeebhwe ati, eswe chiri bhaanu bha echimari imbere ya Nyamuwanga.

Ebikorwa 20:30

Noorwo agati yeemwe abheene, bhariibhuka‑mo abhaanu bhanu bharyayika emisango jinu jitari ja echimari, korereki bhakurure abheeyigisibhwa, bhabharuubhirire abheene.

Ebikorwa 13:10

ˆnaamubhwira ati, “Awe omwana wa Syetaani! Awe uri omusoko wa eja ekisi joone jinu jiri imbere ya Nyamuwanga! Wijuuye orubheeyi era, awe utakwendaga okurora omusango gwa rirenga! Utakusiga okuyindura emisango ja echimari ja Raatabhugenyi okubha ja orubheeyi?

Matayo 24:24

Bhariibhuka abharagi abhabheeyi na abhaanu bhanu bharibhaga nibheetoga ati ni Kirisito. Bharibhaga nibhakora ebhibharikisyo bhyafu na ebhiruguusyo. Kutyo, bhariregeeja okujiga abhaanu na araabha ikaturikeene, bhakaregeejere na abhasorwa bha Nyamuwanga.

Bagalatia 1:6

Anye enibharuguura muno! Ni mwanya mufuyi era gunu guturire, kasi omusiga Nyamuwanga unu ꞉aabhabhirikiiye mu‑bhwitiriranya bhwa Kirisito. Ka wone, omuruubha ameeyigisyo agandi ganu abhaanu abhandi abhagatoga ati ni Misango ja Ekisi.