Bagalatia 1:6 - Indagano Inyaaya mu-Chijita

⁶ Anye enibharuguura muno! Ni mwanya mufuyi era gunu guturire, kasi omusiga Nyamuwanga unu ꞉aabhabhirikiiye mu‑bhwitiriranya bhwa Kirisito. Ka wone, omuruubha ameeyigisyo agandi ganu abhaanu abhandi abhagatoga ati ni Misango ja Ekisi.

INDAGANO INYA:YA

⁶ Enirugu:ra okuba omusiga kutya bwangu unu ababirikiye mu cigongo ca Kristo, nimuru:ba ebigambo binu abatoga ati mbya bwana, bya nyami indi,

Bagalatia 1:6 Referans Kwoze

2 Bakorinto 11:4

Enaayika kutyo, kwa okubha emwe muri bhaangu okuramira omuunu unu kaaja okuraasya emisango inguru ya Yeesu, jinu jitaasyanyiisye na jinu eswe ꞉chaaraasiisye. Ka wone, omuramira omwoyo ogundi, amwi emisango ejindi bhwangubhwangu era, noorwo kutyo ejitaasyanya na jinu ꞉mwaramiiye okusooka kw‑iswe.

1 Timoteo 1:3

Omwanya gunu ꞉neemukire okugenda mu‑mukoowa gwa Makedooniya, ꞉naakusabhirwe ubhe mu‑musi gwa Yefeeso. ꞉Naakusabhirwe ukore kutyo korereki ugonye abhaanu bhanu abheeyigisya ameeyigisyo ga orubheeyi.

1 Bakorinto 4:15

kwa okubha noorwo kutyo muri na abheeyigisya bhaafu muno bhanu abhabhaangarira mu‑Kirisito, esomwana ni umwi. Anye naariga niri esomwana mu‑Kirisito Yeesu, kwa okubharaasisya Emisango ja Ekisi.

Ebikorwa 15:11

Eswe echiikirisya ati ni bhwitiriranya bhwa Raatabhugenyi weeswe Yeesu Kirisito era nibhwo obhuchichungura na obhwitiriranya obhwoobhwo obhubhachungura abheene wone.”

Bagalatia 5:4

Araabha omwiyikanya okubha abharengeresi imbere ya Nyamuwanga mu‑kuruubha ebhiraagiro, mbe mumenye ati mwikindikire okusooka ku‑Kirisito, na muri kura na obhwitiriranya bhwa Nyamuwanga.

Barumi 10:3

Abheene ꞉bhataaruubhire injira inu Nyamuwanga kaabhara abhaanu okubha abharengeresi, kwa okubha ꞉bhataayisombookeeywe, ka wone ꞉bhaayenjere abheene injira ya okwibhonera obhurengeresi.

1 Timoteo 1:14

Chimari, Raatabhugenyi weeswe Kirisito Yeesu ꞉aanyitiriiye obhwitiriranya bhwafu muno. Ka wone, ꞉aanaaye eriikirisya na eryenda mu‑kubha na obhumwi nage.

Obhusweruro 22:21

Obhwitiriranya bhwa Raatabhugenyi Yeesu bhubhe aamwi na emwe bhoone. Jibhe kutyo.

2 Timoteo 2:1

Woori awe omwana waani, ubhe na amanaga mu‑bhwitiriranya bhunu echibhona kwa okwikirisya Kirisito Yeesu.

2 Timoteo 1:9

Omwene ꞉aachichunguuye, ˆnaachibhirikira chibhe abhaana bhaaye abheeru. ꞉Ataakorere kutyo kwa okubha ati ebhikorwa bhyeswe ni bhya ekisi, tari ꞉aakorere kutyo mu‑kwenda kwaye na obhwitiriranya bhwaye. ꞉Aachiyaaye obhwitiriranya obhwo inguru ya Kirisito Yeesu, noorwo achaari okubhumba echaaro.

2 Batesalonika 2:14

Nyamuwanga ꞉aabhabhirikiiye, korereki muramire obhuchungusi obhwo ku‑njira ya Emisango ja Ekisi jinu ꞉chaaraasiisye kw‑imwe. ꞉Aabhabhirikiiye korereki musangire aamwi mw‑ikusyo rya Raatabhugenyi weeswe Yeesu Kirisito.

Barumi 5:2

Ku‑njira ya okwikirisya Yeesu, Nyamuwanga achiyaaye obhwitiriranya bhwaye. Noorwo woori echigenderera okuramira obhwitiriranya obhwo. Echikonderwa muno, kwa okubha echiiyikanya ati chirisangira aamwi na Nyamuwanga mw‑ikusyo ryaye.

Yowana 9:30

Omwene ˆnaabhasubhya ati, “Anye enibharuguura muno! Emwe mutakumenya anu asookere, nawe omwene niwe aamosya ameeso gaani!

2 Petero 1:3

Nyamuwanga okutura ku‑bhuturo bhwaye, achiyaaye emisango joone jinu echikena, korereki chibhe na obhuwanga na chimuyaane echibharo. Achiyaaye ejo, ku‑njira ya okumumenya unu achibhirikiiye ku‑songa ya rikusyo na obhwa ekisi bhwaye omwene.

1 Petero 1:15

Nyamuwanga unu ꞉aabhabhirikiiye ni mweru. Woori emwe wone omukenwa mubhe abheeru mu‑katungiiywe keemwe,

Mariko 6:6

ˆNaaruguura muno, kwa okubha abhaanu abho bhaariga bhatari na eriikirisya noorwo na akatyari. Niwo Yeesu ˆneeyindaga mu‑nguuyo ja ayeeyi okwiyigisya abhaanu.

Barumi 8:28

Chimenyere ati, mu‑joone Nyamuwanga kaakorera eja ekisi abhaanu bhanu abhamwenda, nibho bhabhirikiiywe okuruubhana na obhutinge bhwaye.

Barumi 8:30

Mbe, bhanu aariga aaramuuye okusookerera kara bhabhe abhaanu bhaaye, nibho bhanu ꞉aabhirikiiye, nibho bhanu ꞉aabharire okubha abharengeresi, na nibho bhanu ꞉aaragire ati aribhayaana rikusyo.

2 Bakorinto 2:17

Eswe chitari rwa abhaanu abhandi abhaafu, bhanu abharaasya omusango gwa Nyamuwanga kwa okugusuruja, korereki bheebhonere‑mo omuriiro. Tari eswe, ku‑managa ga Kirisito, echiraasya omusango gwa Nyamuwanga kwa obhwiyikanyibhwa bhwone imbere ya Nyamuwanga, kwa okubha omwene niwe ꞉aachitumire.

Bagalatia 1:7

Chimari ni ati jitari‑wo Emisango ja Ekisi ejindi. Nawe bhari‑wo abhaanu bhanu abhabhajiga na abhakena okuyindura Emisango ja Ekisi inguru ya Kirisito.

Bagalatia 1:11

Abhayiri bhaani, eneenda mumenye ati, Emisango ja Ekisi jinu ꞉naabharaasisiisye ꞉jitasookere ku‑bhaanu.

Bagalatia 1:15

Nawe Nyamuwanga, ꞉aansorere nichaari kwibhurwa, ˆnambirikira ku‑bhwitiriranya bhwaye, ˆnaaramura

Bagalatia 2:2

꞉Naariinyire okugenda eyo ku‑mwanya ogwo, kwa okubha Nyamuwanga aariga answeruriiye ati nigende. Nichibhugana na abhatangasya bha rikanisa mu‑bhumbise. Nimbabhwira Emisango ja Ekisi jinu naariga nindaasya ku‑bhanu bhatari Bhayawudi. ꞉Naaramuuye okusangira aamwi nabho ejo, korereki emirimu jinu naariga ninkora na jinu enigenderera okukora jaasiga okubha ja okufwirwa‑mo.

Bagalatia 2:5

꞉Chiteekirisyanyiisye nabho noorwo na akatyari, korereki echimari cha Emisango ja Ekisi chisigare chirumateene kw‑imwe.

Bagalatia 2:7

Abhatangasya abho, ꞉bhaasombookeeywe ati Nyamuwanga ꞉aantumire niraasye Emisango ja Ekisi inguru ya Yeesu ku‑bhanu bhatari Bhayawudi, rwa kutyo ꞉aatumire Peetero okujiraasya ku‑Bhayawudi.

Bagalatia 2:14

Nejire naarora ati bhatakukora rwa kutyo echimari cha Emisango ja Ekisi chiri, nimbwira Peetero abhwerubhweru imbere ya abheekirisya bhoone ati, “Awe uri Muyawudi, nawe owukoraga rwa kutyo abhaanu bhanu bhatari Bhayawudi abhakora. Ni kurwa ki woori usinyiirisye abhaanu abho okuruubha jitungwa ja Echiyawudi?”

Bagalatia 5:14

Ebhiraagiro bhyone bhya Muusa ebhikuumisibhwa mu‑chiraagiro chimwi chinu echaayika ati, “Wendega oweejaanyu rwa kutyo owiyenda omwene.”