Bafilipi 2:8 - Indagano Inyaaya mu-Chijita

⁸ ꞉Aabhonekeene ari na orususo rwa omuunu, ˆneekeeya, ˆnaagayuka Nyamuwanga, ˆneekirisya okufwa, noorwo okufwa ku‑musarabha!

INDAGANO INYA:YA

⁸ Wejire aboneka ano rususo rwo mu:nu, ne:keya, no:roba kukinga mu kufwa nikwo okufwa okwa ku musaraba.

Bafilipi 2:8 Referans Kwoze

Yowana 10:18

Atari‑wo omuunu unu kaatura okunsoosisya‑wo obhuwanga bhwani. Anye omwene naanye enibhusoosya‑wo. Niri na obhuturo bhwa okubhusoosya‑wo, ka wone niri na obhuturo bhwa okubhuramira rindi. Nikwo kutyo Raata waani ꞉aandagiriiye okukora.”

Baeburania 12:2

Chiroreererega Yeesu, okubha omwene niwe ꞉aambisiisye eriikirisya ryeswe, ka wone niwe aririkuumisya. Omwene ꞉eegumiirisiisye ku‑songa ya rikonderwa rinu ryariga niriija. Ka wone ꞉ateeganirisiisye wuri jiswaro ja okufwa ku‑musarabha. Woori eenyanjire orubhaara rwa ebhuryo rwa echitebhe cha ingʼoma cha Nyamuwanga.

Barumi 5:19

Omuunu umwi ejire aarema okugayuka Nyamuwanga, ꞉aaretereeye abhaanu bhoone bhabhe abhakosi bha ebhibhiibhi. Kutyokutyo, omuunu umwi ejire aagayuka Nyamuwanga, ꞉aaretereeye abhaanu bhaafu bhabhe abharengeresi imbere ya Nyamuwanga.

1 Petero 2:24

Yeesu omwene ꞉aagegere ebhibhiibhi bhyeswe ku‑mubhiri gwaye, ˆnaabhambwa ku‑musarabha. ꞉Aakorere kutyo, korereki chisige okutungwa rindi na ebhibhiibhi, tari chiikare nichikondisya Nyamuwanga. Mu‑kuwutaasibhwa kwa Yeesu, emwe ꞉mwawosiibhwe.

1 Petero 3:18

Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.

2 Bakorinto 8:9

Emwe mumenyere obhwitiriranya bhwa Raatabhugenyi weeswe Yeesu Kirisito. Noorwo kutyo aariga ari muniibhi, nawe ꞉eekorere wuti omutaka ku‑songa yeemwe, korereki okutura ku‑bhutaka bhwaye, emwe mubhe abhaniibhi.

Matayo 26:39

ˆNaafogera imbere kutooto, ˆnaagwa bhwifumbike, ˆnaasabhwa Nyamuwanga ati, “Raata waani, araabha ejiturikana, enikusabhwa unsoosisye‑wo omutawo gunu gwa ebhinyaasyo! Nawe jisige okubha rwa kutyo anye eneenda, tari rwa kutyo awe oweenda.”

Ebikorwa 8:33

꞉Bhaamuswasiisye, nibhamwima rirenga, omwanya gwa okumuramura. Ni muunu ki unu aritura okwayikira emisango ja orwibhuro rwaye, okubha obhurame bhwaye bhusoosiibhwe mu‑chaaro chinu.”

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Bagalatia 3:13

Kirisito ꞉aacheeruuye okusooka mu‑chiyiimo cha ebhiraagiro kwa okugega echiyiimo echo, inguru yeeswe. Ebhikaame Ebhyeru ebhyayika ati, “Woonewoone unu abhambirwe ku‑musarabha, eeyiimirwe.”

Yowana 14:31

Jinu enikora nijo jinu Raata andagiriiye okukora, korereki abhaanu bhoone bhasombookerwe ati nimwendere. “Woori, mwimereeguru chisooke anu.”

Yowana 15:10

Araabha mukagwata ebhiraagiro bhyani, omuja okugenderera okurama mu‑ryenda ryani, rwa kutyo anye enigayuka ebhiraagiro bhya Raata waani na okurama mu‑ryenda ryaye.

Matayo 26:42

Yeesu ˆnaabhasiga awo rindi, ˆnaagenda eyo rwa kabhiri, ˆnaasabhwa Nyamuwanga ati, “Raata waani, jikabha ati omutawo gunu gwa bhinyaasyo jitakuturikana okunsooka‑ko, mbe jikorekane rwa kutyo oweenda.”

Matayo 17:2

Omwanya gunu bhaariga bharya‑wo, Yeesu ˆnaayinduka orususo rwaye imbere yeebhwe. Obhusu bhwaye nibhungʼarabhya rwa risuubha kutyo eriseekaana na emyenda jaaye nijingʼarabhya muno rwa omuumwi.

Yowana 4:34

Yeesu ˆnaabhasubhya ati, “Ebhiryo bhyani ni kukora okwenda kwa Raata Nyamuwanga unu ꞉aantumire, na okukuumisya emirimu jaaye.

Ruuka 9:29

Ejire aakinga ku‑chiima, ˆnaamba okusabhwa Nyamuwanga. Omwanya gunu aariga ˆnaasabhwa, orususo rwaye niruyinduka. Emyenda jaaye nijibha myeru pee, nijingʼarabhya muno.

Baeburania 12:4

Omwikomeesya okuyiga ebhibhiibhi, nawe muchaari okurwana na ebhibhiibhi okukingira okwitwa.