Bafilipi 2:25 - Indagano Inyaaya mu-Chijita

²⁵ Emwe, ꞉mwatumire Epafurodiito kw‑anye okusankira na okufurubhendera obhukene bhwani. Woori, enirora ati ni kisi nimutume rindi kw‑imwe. Omwene ni mwikirisya oweejaasu, omukosi weejaasu wa emirimu ja Nyamuwanga na ni musirikare oweejaasu mu‑kurwanirira Emisango ja Ekisi.

INDAGANO INYA:YA

²⁵ Nawe nabwene ati kwiire okubatumira omwana wa:su Epafurodito, omukosi we:ja:su no musirikare we:ja:su, nawe niwe intumwa yemwe no mufurubendi wani mu bukene bwani.

Bafilipi 2:25 Referans Kwoze

Bafilipi 4:18

Woori, ebhiinu bhirya bhyone ꞉mwayaanire Epafurodiito okundeetera, naabhiramiiye. Bhyeya ku‑bhukene bhwani bhwone, ka wone bhyafura okukira bhinu naariga niikena. Obhusakisi obhwo bhuri rwa echoogo cha ebhirange bhya ekisi, nicho echoogo chinu Nyamuwanga keekirisya na okwenda.

Bakolosai 1:7

Emwe, ꞉mweeyigisiibhwe Emisango ja Ekisi ejo na Epaafura. Omwene ni weejaasu omwendwa na omukosi omwiyikanyibhwa wa Kirisito inguru yeemwe.

Bafilipi 4:3

Noorwo awe omukosi weejaasu omwiyikanyibhwa, enikusabhwa usakire abhagasi abho, korereki bhabhe na obhukarariiye bhumwi. Abho bhoone bhaanyaakaga muno aamwi na anye na Keremeeti na abhakosi bheejaasu abhandi, mu‑kuraasya Emisango ja Ekisi. Amasiina ga abhaanu abho bhoone gakaamirwe mu‑chitabho cha obhuwanga.

1 Bakorinto 3:9

Enaayika kutyo kwa okubha emirimu jinu anye na Apooro echikora ni ja Nyamuwanga, keemwe muri sambu ryaye, ka wone muri inju yaaye.

Filemoni 1:24

Ka wone, abhakosi bheejaasu Maariko, Arisitaariko, Deema na Ruuka, abhakukeesya.

Baeburania 3:1

Mbe, abhayiri bhaani mu‑riikirisya, emwe bhanu Nyamuwanga abhirikiiye aamwi na eswe okubha abhaanu bhaaye, mwiganirisye inguru ya Yeesu. Omwene oyo niwe Itumwa ya Nyamuwanga ka wone niwe Omugabhisi Omukuru wa emisango jinu echiikirisya.

1 Batesalonika 3:2

Nichituma Timoteewo omuyiri weeswe, korereki aaje okukomeesya emyoyo jeemwe na okubhasimbiisya inguru ya eriikirisya ryemwe. Omwene ni mukosi weejaasu wa Nyamuwanga, wa okuraasya Emisango ja Ekisi inguru ya Kirisito.

Bakolosai 4:11

Yeesu wone, unu kaatogwa Yuusito, kaabhakeesya. Agati ya Abhayawudi bhanu bheekirisiisye Kirisito, abho era nibho abhakora emirimu aamwi na anye mu‑bhukama bhwa Nyamuwanga. Abheene abhasimbiisya omwoyo gwani muno.

2 Bakorinto 2:13

Nawe ꞉niteeyunguuywe kisi mu‑mwoyo gwani, kwa okubha ꞉nitaasongʼeene‑yo Tiito, omuyiri waani mu‑riikirisya. Kurwa ejo, nindaga abhaanu bheende eyo, ninsooka‑wo ningenda Makedooniya.

Yowana 17:18

Rwa kutyo ꞉waantumire anye ku‑chaaro kunu, nyabhuriko anye wone naabhatuma ku‑chaaro kunu.

Yowana 13:16

Ni chimari enibhabhwira ati, omugaya atakutura okubha omukuru okukira omwami waaye, ka wone unu kaatumwa atakutura okubha omukuru okukira unu kaamutuma.

Barumi 16:3

Mukeesye Pirisika aamwi na omurume waaye Akiira. Abho ni bhakosi bheejaasu mu‑mirimu ja Kirisito Yeesu,

Barumi 16:9

Mukeesye Wuribhano, omukosi weejaasu ku‑mirimu ja Kirisito, noorwo omwendwa waani Sitaaku.

Bafilipi 2:26

Enimwikirisisya kwa okubha keegomba okubhugana na emwe bhoone. Ka wone omwoyo gwaye ogusurumbara muno, kwa okubha ꞉mwoonguuwe ati aariga arwaye.