Bafilipi 2:15 - Indagano Inyaaya mu-Chijita

¹⁵ Mukore kutyo, korereki mubhe abhaana bha Nyamuwanga bhanyamburwa esoro, bhanu bhatari na echikayo. Nyabhuriko, mubhe abhaana bhanu bhatakwayikwa kubhiibhi agatigati ya abhaanu bha riyimbo rinu riijuuye ebhibhiibhi na obhunyamuke. Agatigati yeebhwe, emwe mubhonekane rwa obhweru bhunu obhumirika mu‑chaaro.

INDAGANO INYA:YA

¹⁵ Mube ba:na ba Nyamuanga, banu mutariko esoro, amwi burigerige, amwi cikayo, aagati ya riimbo rinu rikotakotere ne ryo butongwa, nemwe omuboneka rwo bweru bwa mu:si.

Bafilipi 2:15 Referans Kwoze

1 Petero 2:12

Mubhe na jitungwa ja ekisi agatigati ya abhaanu bhanu bhatakwikirisya Nyamuwanga, korereki araabha abhabhakuurisya ati, muri bhajabhi, bhaakarora ebhikorwa bhyemwe bhya ekisi, bhakusye Nyamuwanga ku‑songa yeemwe, orusuku rwa okusubha kwaye.

Matayo 5:45

Mbe, mukakora kutyo, ejibhonekana ati, chimari emwe muri abhaana bha Esomwana unu ari mu‑rwire. Omwene niwe kaamirikira risuubha abhaanu abha ebhikorwa ebhibhiibhi na abha ebhikorwa bhya ekisi. Ka wone, kaagwisisya ingʼubha abharengeresi aamwi na bhanu bhatari bharengeresi.

1 Batesalonika 5:23

Nyamuwanga omwene, niwe kaachiyaana omurembe. Woori, abheesye ebhibhiibhi bhyemwe bhyone, ka wone aangarire emitima jeemwe, emyoyo jeemwe na emibhiri jeemwe, korereki omwanya gunu Raatabhugenyi weeswe Yeesu Kirisito arisubha rindi, mubhe mutari na esoro.

2 Petero 3:14

Kurwa ejo abheendwa bhaani, omwanya gunu omurindirira orusuku rurya, mwikomeesye okubha abha omutima omweru muno mutari na esoro imbere ya Nyamuwanga, na mubhe na omurembe nage.

1 Bakorinto 1:8

Nyamuwanga aribhakomeesya okukingira ku‑bhuteero korereki mwasiga okubha na esoro, orusuku runu Raatabhugenyi weeswe Yeesu Kirisito ariija okuramura abhaanu.

Tiito 2:10

Noorwo bhasige okubheebhira, tari bheeresye obhwiyikanyibhwa bhwone, korereki ku‑misango joone bhareete jikuma ja ekisi ku‑meeyigisyo ga Nyamuwanga Omuchungusi weeswe.

1 Petero 2:9

Nawe emwe muri rwibhuro orusorwa, muri bhugabhisi bhwa echikama, echise cha abheeru, abhaanu bhanu mwawuuywe na Nyamuwanga, korereki muraasye ebhikorwa bhyaye ebhikuru. Omwene ꞉aabhabhirikiiye okusooka mu‑chisuute, mwingire mu‑bhweru bhwaye bhwa okuruguusya.

Matayo 5:48

Mbe, mukuumirega rwa Esomwana unu ari mu‑rwire kutyo akuumiiye.

1 Timoteo 3:10

Abho wone bharegeejwe okwamba. Bhaakamara okubhonekana ati bhatari‑ko esoro, niwo bhakore emirimu ejo.

1 Timoteo 3:2

Mbe, bhuri mwangarisi wa rikanisa, abhe omuunu unu atari‑ko esoro. Abhe murume wa omugasi umwi era, abhe omwiyingirisi, ka wone abhe na obhwengeeso, omuunu unu kaayaanwa echibharo, omufura na abhe omuunu unu kaamenya okwiyigisya.

Bafilipi 1:10

korereki mubhe na obhuturo bhwa okwawura jinu jiri ja ekisi. Awo niwo muribha na emitima myeru, ka wone muribha mutari na esoro okukingira orusuku rurya Kirisito arisubha.

Baefeso 5:27

Isonga iri ati, eebhonere rikanisa erya rikusyo, rinu ritari‑ko esoro, noorwo ifunyo amwi echiinu choonechoone chinu echisusana rwa ebhyo. Tari ribhe ryeru rinyamburwa obhujabhi bhwonebhwone.

Barumi 16:19

Abhaanu bhoone bhoongwa kutyo omugayuka Raatabhugenyi Yeesu. Omusango ogwo ogunkondisya muno. Noorwo kutyo, eneenda mubhe na obhwengeeso muno mu‑kukora ja ekisi, na mwasiga okubha na esoro ryoneryone ati omukora ebhibhiibhi.

Ebikorwa 2:40

Peetero ꞉aagendereeye kwa omwanya mureera okubhwira abhaanu abho emisango myafu ja okubhakengya. ꞉Aabheerembeeresiisye ˆnaayikaga ati, “Muchungurwe na Nyamuwanga, mwasiga okuyaanwa indamu aamwi na abhaanu bha riyimbo rinu, bhanu bhari abhabhiibhi muno!”

Matayo 10:16

“Mutegeresye, enibhatuma rwa jinaama agati ya emisege. Mbe, mubhega na obhwenge rwa jinjoka, na mubhega abhoorooro rwa ebhiguuti.

Baeburania 7:26

Omugabhisi Omukuru wa imbaga eyo keendwa muno kw‑iswe, kwa okubha omwene ni Mweru, atari na esoro, noorwo ꞉ataakorere echibhiibhi choonechoone. Nyamuwanga ꞉aamukindikire okusooka ku‑bhakosi bha ebhibhiibhi, ˆnaamwinamusya okuja mu‑rwire.

Tiito 2:15

Mbe, iyigisya abhaanu emisango ejo, bhasimbiisye na okubhagonya ku‑bhuturo bhwone. Ka wone, omuunu woonewoone asige okukugaya.

Tiito 1:6

Bhuri mukaruka wa rikanisa, akenerwe okubha omuunu unu atari‑ko esoro. Abhe murume wa omugasi umwi era, abhaana bhaaye bhabhe abheekirisya, bhasige okubha abhanyamusi bha jipirya noorwo bhanyatagayuka.

1 Timoteo 5:20

Nawe abhakaruka bhanu abhagenderera okukora ebhibhiibhi, ubhagonye imbere ya abhaanu abhandi bhoone, korereki abho wone bhoobhaye.

Ebikorwa 20:30

Noorwo agati yeemwe abheene, bhariibhuka‑mo abhaanu bhanu bharyayika emisango jinu jitari ja echimari, korereki bhakurure abheeyigisibhwa, bhabharuubhirire abheene.

Yowana 5:35

Yowana Omubhatiija aariga ari rwa idara inu eyaaka na okumirika mu‑chisuute, ka emwe ꞉mwakondereeywe obhweru obhwo kwa omwanya mufuyi era.

Ruuka 6:35

“Nawe emwe, mwendega abhasoko bheemwe, mubhakorerega eja ekisi. Mubhabhanjega muteeyikanya okusubhisibhwa. Nyamuwanga aribhayaana echiyaanwa echinene, na omuja okubha abhaana bha echimari ku‑mwene unu ari Inguru ya Bhyone. Okubha Nyamuwanga kaasakira abhaanu bhoone noorwo bhanu bhatakumusiima, na bhanu abhakora amabhiibhi.

Matayo 17:17

Yeesu ˆnaayika ati, “Emwe muri bhaanu bha riyimbo rinu ritari na eriikirisya na rinu rinyamukire! Niribha na emwe okukingira rusuku ri? Niribheegumiirisya okukingira omwanya ki? Mureete omwana oyo anu!”

Obhusweruro 3:9

Mutegeresye! Niribhareeta abharuubhirisya bha Syetaani. Abheene abheetoga ati ni bhaana bha Nyamuwanga keenu bhatari nibho, tari ni abhabheeyi. Mbe abho, niribhakora bhaaje bhabharamye. Niwo abho bhoone bharimenya ati nibheendere emwe.

1 Timoteo 5:14

Woori, anye enikena abhatumbagasi abhasigaji, bhabhe nibhatwarwa, bheebhure abhaana na okwangarira jinyuumba jeebhwe abheene, korereki abhasoko bheeswe bhaasiga okuchayika kubhiibhi.

1 Timoteo 5:7

Ukomeeresye abheekirisya emisango ejo, korereki bhaasiga okubha na esoro.

2 Bakorinto 6:17

Kurwa ejo, Raatabhugenyi wone ꞉aayikire ati, “Musooke agati yeebhwe, mwawukane nabho. Mwasiga okukuunʼya echiinu echijabhi, niwo anye niribharamira.”

Ruuka 1:6

Abhaanu bhanu ku‑bhubhiri bhwebhwe, bhaariga bhari bharengeresi mu‑meeso ga Nyamuwanga. Ka wone bhaariga nibhagayuka ebhiraagiro bhyone bhya Raatabhugenyi, nibhabhiruubhiriraga, okubhisiga wuri.

Bafilipi 3:6

Ka wone ꞉neekomeesiisye muno okukora emisango jinu neetogeraga ati nijo Nyamuwanga kaakena. Echo nicho ꞉chankorere ninyaasya abheekirisya. Mu‑bhurengeresi bhunu obhubhonekana mu‑bhiraagiro bhya Muusa, naariga nitari na echikayo choonechoone.

Obhusweruro 2:5

Mwichuke kutyo mwariga muchaari okusiga eryenda ryemwe. Mukamara mute ebhibhiibhi bhyemwe, mukore rindi jinu mwariga nimukora omwanya gurya. Mukarema okuta, niribhaaja‑ko na okusoosya‑wo omutereko gwemwe gwa okutuura‑ko jidara.